Снимок астероида Бенну, который считается опасным для Земли

Жер планетасы үчүн кооптуу делген астероиддин видеосу жарыяланды

(жаңыланган 16:25 06.12.2018)
Космостук кеме астероидди тартыш үчүн эки миллиард миль аралыкты басып өткөн.

БИШКЕК, 4-дек. — Sputnik. NASA жер планетасы үчүн кооптуу деп эсептелген Бенну астероидин видеого тартып Twitter баракчасына жарыялады.

Видео OSIRIS-REx космос кемесинин PolyCam камерасына тартылган.

"Астероид Беннуга салам! Биздин космостук кеме сени менен жолугушуу үчүн эки миллиард миль аралыкты басып өттү. Борттогу камера астероиддин айланып жатканын тартып алган. Беннуну иликтөөгө бир жылдай убакыт кетет, андан соң үлгүсү алынып Жерге жеткирилет", — деп видеонун алдына жазылган.

​Космостук кеме астероидди беш илимий жабдыктын жардамы менен иликтейт. Үлгүсү 2023-жылдын сентябрь айында Жерге алынып келери белгиленген.

Белгилер:
астероид, NASA
Тема боюнча
Беш жылдан кийин Жерге кооптуу делген астероид жакындап келет

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн
Электр линиясы. Архив

Кыргызстан Өзбекстандан электр кубатын кандай шартта алып жатканы айтылды

(жаңыланган 09:52 23.04.2021)
Министрдин айтымында, Өзбекстандан электр энергиясы азыр эле импорттоло баштады. Бул иш быйыл жана кийинки жылдын биринчи кварталына чейин уланат.

БИШКЕК, 23-апр. — Sputnik. Кыргызстан Өзбекстандан 750 миллион киловатт-саат алуу боюнча сүйлөшүү жүргүзүп, электр энергиясы өлкөгө импорттоло баштады. Бул тууралуу Sputnik Кыргызстан агенттигине энергетика жана өнөр жай министри Кубанычбек Турдубаев билдирди.

Эске салсак, бүгүнкү күндө Токтогул суу сактагычындагы суу былтыркыга салыштырмалуу 3 миллиард куб метрге аз. Бул өлкөгө электр энергиясын сырттан алып келүү зарыл дегенди түшүндүрөт.

"Товар алмашуу шарты менен биз Өзбекстандан 750 миллион киловатт-саат алуу тууралуу сүйлөштүк. Электр энергиясы импорттоло баштаган. Бул иш быйыл жана кийинки жылдын биринчи кварталына чейин уланып, жай мезгилинде тыныгуу болуп турат. Электр энергиясын кайтарып берүү жайында башталып, карызды үч жылдын ичинде берип бүтүп калабыз", — деди Турдубаев.

Буга чейин министр Кыргызстан менен Казакстан электр кубатын алмашуу макулдашылганын айткан.

Ал быйыл Казакстан Кыргызстандын энергосистемасына 900 миллион киловатт-саат бере турганын белгилеп, коңшуларга кайра Токтогул суу сактагычына эквиваленттик көлөмдө суу топтоп, камсыздап бере турганын кошумчалаган. Муну менен Кыргызстан үч жылдын ичинде миллион киловатт-сааттык сууну коё берип, ошону менен кутулат.

Белгилер:
импорт, электр энергиясы, суу, Өзбекстан, Кыргызстан
Тема боюнча
"Кудайга шүгүр" жашаган элдин санын кантип билебиз? Абоненттердин статистикасы
Эртең Бишкектин 56 көчөсүндө электр кубаты болбойт. Тизме
Башкы прокуратуранын имараты. Архив

Прокуратура: Таластагы жайыт, Нарындагы жер тилке мамлекетке кайтарылды

Эки факты тең Жазык кодексинин "Кызмат абалынан кыянаттык менен пайдалануу" беренесинин негизинде каттоого алынып, сотко чейинки иштер жүрүүдө.

БИШКЕК, 23-апр. — Sputnik. Талас менен Нарында менчикке берилип кеткен жер тилкелери мамлекетке кайтарылды. Бул тууралуу Башкы прокуратуранын маалымат кызматы кабарлады.

Ага ылайык, Таластын Чолпонбай айыл өкмөтүнүн кызматкерлери мындан бир нече жыл мурун мамлекеттин менчиги болуп эсептелген жайыт жерлеринин 16 гектарын А.Э. аттуу жаранга мыйзамсыз менчикке берип салышкан.

Ошондой эле Нарын шаардык прокуратурасы мыйзамсыз түрдө жеке жактарга турак жай куруу үчүн 800 чарчы метр жер тилкесинин менчикке берилип кеткендигин аныктаган. Жер тилкенин баасы жарым миллионго бааланат.

Эки факты тең Жазык кодексинин 320-беренесинин ("Кызмат абалынан кыянаттык менен пайдалануу") негизинде каттоого алынып, сотко чейинки иштер жүрүүдө. Жер тилкелери мамлекетке жана муниципалдык менчикке кайтарылды.

Белгилер:
кайтаруу, мамлекет, жер тилкеси, жайыт, Башкы прокуратура, Нарын, Талас
Тема боюнча
Баткен: мамлекеттик 30 батир, жер тилкелери жеке тараптарга берилип кеткен