Ноутбукта видео көрүп жаткан аял. Архив

Жер шарындагы дээрлик 4 млрд. кишинин интернетке чыгууга мүмкүнчүлүгү бар

55
(жаңыланган 10:24 10.12.2018)
Акыркы 13 жылда Африка мамлекеттеринде интернеттин жайылышы 2,1 пайыздан 24,4 пайызга чейин жогорулаган.

БИШКЕК, 9-дек. — Sputnik. 2018-жылдын аягында жер шарындагы 3,9 миллиард киши интернетке чыгууга мүмкүнчүлүк алат. Бул жалпы калктын 51,2 пайызын түзөт. Бул тууралуу "Известия" басылмасы Эл аралык электробайланыш уюмуна таянуу менен билдирди.

Ага ылайык, тийиштүү изилдөөнү БУУнун маалымат технологиялары боюнча адистери жасашкан. Алардын маалыматы боюнча акыркы 13 жылда Африка мамлекеттериндеги калктын интернетке чыгууга мүмкүнчүлүк алган бөлүгү 2,1 пайыздан 24,4 пайызга чейин өскөн.

Ал эми өнүккөн мамлекеттерде бул көрсөткүч 51,3 пайыздан 80,9 пайызга чейин, өнүгүп келе жаткан өлкөлөрдө 7,7 пайыздан 45,3 пайызга чейин жогорулаган. Орточо эсеп менен алганда интернеттин жайылышы КМШ мамлекеттеринде 71,3 пайызды түзсө, Европа мамлекеттеринде 79,6 пайыз.

55
Белгилер:
байланыш, интернет, КМШ, Европа
Тема боюнча
Психологдор Instagram ден соолукка канчалык зыян экенин айтып беришти
Пикирлер