Кургап калган жер. Архив

Таза суу тартыш боло баштайт. Окумуштуулардын иликтөөсү

431
(жаңыланган 10:23 16.12.2018)
Жамгырдын көп жаашы селди шарттап, таза суу корун толтурууга жолтоо болору маалымдалды.

БИШКЕК, 15-дек. — Sputnik. Жаңы Түштүк Уэльс университетинин окумуштуулары климаттын ысык боло башташы менен таза суу тартыштыгы күчөй турганын айтышты. Иликтөө Phys.org басылмасына чыкканын РИА Новости жазды.

Окумуштуулар дарыялардын абалына көз салган 43 миң метеостанциянын жана беш миңден ашуун көзөмөл пунктунун маалыматын изилдеп чыгышкан. Натыйжада аба ырайынын өзгөрүүсү жаан-чачындын көбөйүшүнө алып келери, бирок дарыялардагы суунун деңгээли баары бир төмөндөп жатканы аныкталган.

Профессор Ашиша Шарма жаан-чачындын суусу дарыяларга эмес, жерге сиңип кетип жатканын белгилеген. Адистер жаан-чачындын суусунун дээрлик 64 пайызы жер кыртышында каларын айтышты.

Суунун азайышы түшүмдүн начарлашына алып келет. Өз кезегинде жамгырдын көп жаашы селди шарттап, таза суунун корун толтурууга жолтоо болору маалымдалды.

431
Белгилер:
климат, жаан-чачын, Окумуштуулар, Суу
Тема боюнча
Булганган сууда өскөн күрүчтүн ден соолукка таасири иликтенди
Спорттун кайсы түрү жаштыкты узарта алат? Окумуштуулардын жообу