Смартфон. Архивдик сүрөт

Смартфондун кубатын тез отургузган вирус тарады. Кантип сактануу керек

958
(жаңыланган 09:40 20.12.2018)
Кооптуу катары 20 тиркеме табылып, алардын бардыгы Google Play дүкөнүнөн алып салынды.

БИШКЕК, 19-дек. — Sputnik. Киберкоопсуздук боюнча адистер Android платформасындагы смартфондордун зарядын бат эле түгөтүп салчу вирусту таап алышты. Бул тууралуу "Известия" басылмасы жазды. 

Маалыматка караганда, "оору жугузуп алган" тиркемелерди колдонуучулар Google Play дүкөнүнөн көчүрүп алган. Andr/Clickr-AD деп аталган вирус колдонуучунун каалоосуна карабастан, өзүнөн-өзү рекламалык шилтемелерге кире берет. Мунун айынан смартфон менен планшеттер энергияны көбүрөөк сарптай баштайт.

Кооптуу катары 20 тиркеме табылып, алардын бардыгы Google Play дүкөнүнөн алып салынды. Бирок аны ушул убакка чейин эки миллион колдонуучу көчүрүп алууга жетишкен.

Адистер мындан жабыркагандарга смартфонунун заводдон чыккан абалындагыдай кылып жаңылап алууну сунуштайт. Албетте, бул учурда аппаратта буга чейин сакталган маалыматтын бардыгы өчүп калат. Ошондой эле ар дайым вируска каршы программаларды колдонуу керектиги айтылат.

958
Белгилер:
Чабуул, вирус, смартфон
Тема боюнча
Окумуштуулар смартфонду бир заматта заряддоонун жолун табышты
Смартфонго көз каранды болуу эмнеге алып келерин окумуштуулар аныктады