Россия президенти Владимир Путин. Архивдик сүрөт

Песков: Путин мобилдик телефон көтөрбөйт, маалыматты башка жол менен алат

1117
(жаңыланган 23:34 21.12.2018)
Песков Россия лидери өкмөттүн жабык байланышын пайдаланарын айтты.

БИШКЕК, 20-дек. — Sputnik. Россия президенти Владимир Путин мобилдик телефон көтөрбөйт. Бул туурасында Россия лидеринин маалымат катчысы Дмитрий Песков билдиргенин РИА Новости жазды.

"Папкалап кагазга чыгарылган маалыматтар, дайджесттер, теле дайджесттер бар. Алар ар кандай абалда. Президент компьютерге отуруп, интернетти карайт. Мен билгенден чөнтөк телефон көтөрбөйт. Өкмөттүн мурдагы эски, көзгө жакшы көрүнгөн телефондору — жабык байланыштар азыркы смартфондордон да көп жашайт. Смартфон көтөрүү өзүңдүн маалыматтарыңды ачык берип коюу менен барабар. Президентте мындай болбошу керек. Анын үстүнө Россиядай мамлекеттин президенти Путин үчүн бул ылайыксыз", — деген Песков.

Буга чейин окумуштуулар чөнтөк телефондун жанында уктоонун зыяндарын айтып беришкен.

1117
Белгилер:
смартфон, телефон, Владимир Путин
Тема боюнча
Путин оорукчан баланын кыялын орундатып, тик учак менен шаар кыдыртты. Видео
Окумуштуулар чөнтөк телефондун жанында уктоонун зыяндарын айтып беришти

Кежирлигин айт! Карганын кирпини түрткүлөп, жолдон өткөргөн видеосу

57
Кадимки эле асфальтталган жолду туурасынан кесип, басып-баспай кежеңдеп бара жаткан кирпини артынан тумшугу менен чокулап, түрткүлөп өткөрүп бара жаткан чар карганы көрүүгө болот.

Маалыматты "National Geographic Россия" сайтына жарыялады.

Экөөнүн өтүп кетишин бир нече автоунаалар күтүп, казкатар тизилип токтоп калган.

Окуя Латвиянын Огре деп аталган шаарында болгон.

Видеону көргөн киши аргасыздан жылмаят. Кирпи чечен жалкоолондубу же башка себеби барбы, айтор, карганын чыдамын кетиргенин көрүүгө болот. Анткен менен кежирликке моюн бербеген канаттуу кезеги келгенде тумшугу менен тил укпаган, кашаңданган жаныбарды чокуп-чокуп алып жатканы көзгө дароо урунат.

Видеонун алдына комментарий жазгандардын бири "карганын бул камкордугу калп эле, четке чыгарып алып жеши да мүмкүн" деген.

Ал эми дагы бир интернет колдонуучу карганын акылы жети жаштагы баладай деген пикирин айтып, канаттуу кирпини өлтүрүүгө аракет да кылбастыгын жазган.

57
Белгилер:
автоунаа, видео, канаттуулар, чечен, кирпи, чара, Латвия
Тема боюнча
Жол эрежесин көзөмөлдөгөн камерага "фотосессия" өткөргөн тоту куштун видеосу
Саякатчы кирпи Instagram баракчасында жылдыз болууда. Сүрөт
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

125
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

125
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды
Уйлар. Архивдик сүрөт

Кыргызстанда канча ири мүйүздүү мал бар? Базага кирген жандыктардын тизмеси

0
ЕАЭБ курамына киргенден бери өлкөдө малды идентификациялап, бирдиктүү базага киргизүү иштери башталган.

БИШКЕК, 29-май — Sputnik. Кыргызстанда ири мүйүздүү мал менен чочко толук идентификациялоодон өтүп, бирдиктүү базага киргизилди. Бул тууралуу Ветеринардык жана фитосанитардык коопсуздук боюнча мамлекеттик инспекциянын жетекчиси Калысбек Жумаканов билдирди.

"Азыр Кыргызстанда 1 миллион 720 миң ири мүйүздүү мал, 22 500 баш чочко бар", — деди ал.

Жумакановдун айтканы боюнча, азыр базага киргизилгендердин саны төмөнкүдөй:

  • асыл тукум жылкы — 1380 баш;
  • канаттуулар чарбасы — 28 ишкана;
  • балык чарбасы — 42 ишкана;
  • бал челек чарбасы — 149 ишкана.

Аталган чарбанын түрү боюнча ишканаларды каттоо иштери уланууда.

Буга чейин Кыргызстан боюнча ЕАЭБдин бирдиктүү реестрине 137 кыргызстандык компания киргизилгени айтылган. Алар кайсы тармакта иш алып барарын Sputnik агенттигинин материалынан көрсөңүз болот.

0
Белгилер:
чочко, жылкы, уй, база, каттоо, мал чарбасы, Кыргызстан
Тема боюнча
Айтка карата мал кымбаттадыбы? Бишкек жана аймактарда кой-козунун баасы
Темиркулов: кризистен чыгуу үчүн козу карын өстүрүп, коен багуу керек