Пожарные работают на месте взрыва в пекарне в 9-м округе Парижа, Франция, 12 января 2019 года

Париждеги жардыруу. Төрт адам каза болуп, 50гө чукул киши жабыркады

187
(жаңыланган 15:07 15.01.2019)
Жардыруу нан саткан жайда болгон. Имарат өрттөнүп кетип, жанындагы үйлөрдүн терезелери сынган.

БИШКЕК, 13-янв. — Sputnik. Париждеги жардыруудан төрт адам каза болуп, 50гө чукул адам ар кандай жаракат алды. Бул тууралуу РИА Новости маалымдады. 

Жардыруу 12-январь күнү эртең мененки саат 9:00дө (Бишкек убактысы боюнча 14:00дө) Париждин чок ортосунда болгон. Төрт адам каза болду деген маалыматты Франциянын ички иштер министри Кристоф Кастанер Twitter баракчасына жазды. 

"Буга чейин эки өрт өчүрүүчү каза болгон. 10 киши анын ичинде бир өрт өчүрүүчү оор абалда. 37 адамдын абалы орточо", — деди Кастанер. 

ИИМ башчысы кырсыктан жабыркаган адамдардын жакындарына көңүл айтты. 

Жардыруудан нан саткан жай өрттөнүп, жанындагы үйлөрдүн терезелери сынып кеткен.

187
Белгилер:
жардыруу, өлүм, Париж
Тема боюнча
Магнитогорскиде таанылган 22 сөөктүн үчөө балдардыкы болуп чыкты
Москвадагы Жеңиш аба парады

Россияда Жеңиш парады 24-июнда өтмөй болду

44
(жаңыланган 18:41 26.05.2020)
Мамлекеттин коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

БИШКЕК, 26-май — Sputnik. Россиянын президенти Владимир Путин Жеңиш парады 24-июнда өтөрүн билдирди. Бул тууралуу РИА Новости жазды.

Ага ылайык, мамлекет башчы иш-чарага даярдык көрүүнү баштоого буйрук берген. Коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

Путин ошондой эле "Өлбөс полктун" жүрүшүндө аралыкты сактоо мүмкүн эмес экендигин айтып, аны 26-июлда, тагыраагы, Аскер-деңиз флотунун парадынан кийин өткөрүү пландалып жатканын белгилеген.

Эскерте кетсек, 9-майга пландалган парад жана "Өлбөс полктун" жүрүшү быйыл коронавирус эпидемиясынан улам өтпөй калган.

44
Белгилер:
иш-чара, Жеңиш парады, Владимир Путин, Россия
Тема:
Улуу Ата Мекендик согуштагы Жеңиштин 75 жылдыгы
Тема боюнча
"Өлбөс полктун" онлайн түрүн 20 миллион адам көрдү
Ооруканада медициналык кызматкер. Архив

Америка ДССУну каржылоодон баш тартса ким жабыркай турганы айтылды

57
(жаңыланган 17:54 26.05.2020)
Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

БИШКЕК, 26-май — Sputnik. АКШнын Дүйнөлүк саламаттыкты сактоо уюмун (ДССУ) каржылоодон баш тартышы Африка өлкөлөрүнө пандемия менен күрөштө терс таасирин тийгизет. Бул тууралуу ДССУнун Африкадагы өкүлү Михель Яого таянып РИА Новости жазды.

Буга чейин АКШ президенти Дональд Трамп аталган уюмдун директору Тедрос Адханомго 30 күн ичинде ДССУ  Кошмо Штаттар талап кылып жаткан реформаларды ишке ашырбаса, уюмга акча бөлүүнү токтото турганын билдирген. Ошондой эле мүчөлүктөн чыгып кетерин дагы айткан. Президенттин пикиринде, уюм коронавирус пандемиясына жетиштүү тез реакция кылган эмес.

"Азыр ушул сыяктуу төлөмдөрдөн баш тарта турган убакыт эмес. Тетиринче, тилектештик керек. Балким, өнүккөн өлкөлөр ДССУга көп муктаж эместир, бирок биздин континент үчүн уюм абдан керек. Бизде азыр узакка созулган кризисти баштан кечирип жаткан өлкөлөр бар", — деди Яо.

Анын айтымында, учурда Африка өлкөлөрүнүн саламаттык сактоо тармагына колдоо катары түшкөн каражаттын 80 пайызы ДССУдан келет. Ал эми АКШнын андагы үлүшү 20 пайызды түзөт.

"Бул бюджеттин кыскартылышы, албетте, бизге абдан эле сезилээрлик болот. АКШнын салымы биз үчүн өтө маанилүү", — деди Яо.

Ошондой эле бул көйгөй учурда коронавирус инфекциясы менен күрөшүп жаткан медиктерге дагы терс таасирин тийгизиши ыктымал. Алардан тышкары Африкада безгек, Эбола сыяктуу өлүмгө алып келген илдеттер көп.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

57
Белгилер:
пандемия, коронавирус, каржылоо, Африка, АКШ
Тема:
Кытайдагы жаңы типтеги коронавирус
Тема боюнча
ДССУ коронавируска каршы препаратты сыноону токтотту. Аны КР дагы алган
ДССУ коронавирустун экинчи толкуну болорун божомолдоду
ОшМУнун башкы имараты. Архивдик сүрөт

ОшМУнун 80 жылдык мааракеси онлайн форматта белгиленет

0
(жаңыланган 19:58 26.05.2020)
Россиянын Түштүк Урал мамлекеттик университети менен ОшМУнун биргелешкен кыргыз-орус факультетин ачуу жөнүндөгү келишимге кол коюлат.

БИШКЕК, 26-май — Sputnik. 28-майда Ош мамлекеттик университети 80 жылдык мааракесин онлайн форматта өткөрөт. Бул тууралуу аталган окуу жайдын маалымат кызматынан билдиришти.

Маалыматка ылайык, онлайн жыйынга билим берүү жана илим министри Каныбек Исаков, Ош шаарынын мэри Таалайбек Сарыбашов, өкмөттүн Ош облусундагы ыйгарым укуктуу өкүлү Узарбек Жылкыбаев жана ОшМУнун профессордук-окутуучулук жамааты, студенттер аралыктан катышат.

Иш-чаранын жүрүшүндө Россиянын Түштүк Урал мамлекеттик университети менен ОшМУнун биргелешкен кыргыз-орус факультетин ачуу жөнүндөгү келишимге кол коюлат.

Мааракенин алкагында "Аймактарды өнүктүрүү жана өлкөнү санариптештирүү шартындагы билим берүү менен илимдин актуалдуу маселелери" деген темада эл аралык илимий-тажрыйбалык онлайн конференция уюштурулат.

Учурда ОшМУда 19 факультетте 35 миң студент билим алат.

0
Белгилер:
конференция, маараке, Ош мамлекеттик университети (ОшМУ), Ош шаары
Тема боюнча
ОшМУ мамлекетке канча каражат төгөт? Окуу жайдын киреше булагы
Мамлекет карамагындагы ЖОЖдордон кандай пайда көрөт? КУУнун киреше булактары