Астериод. Ахрив

Жер менен үч футбол талаасындай көлөмдөгү астероид кагышат дешти

(жаңыланган 13:34 19.01.2019)
325 метрлик "Апофис" 2004-жылы табылган. Бул ачылыштан кийин анын биздин планета менен кагылышы 2029-жылы болот дешкен.

БИШКЕК, 18-янв. — Sputnik. 2068-жылы Жерге "Апофис" астероиди кулап түшүшү мүмкүн. Ал эми 2029-жылы биз жашаган планетадан өтө жакын аралыкта кыйгап өтөт. Бул туурасында РИА Новости жазды.

Бул маалыматтар Петербург мамлекеттик университетинин асман механикасын иликтеген кафедрасынын маалыматтарына таянып жарыяланган.

"Апофистин" Жерге качан жакын келери так айтылды. Ал — 2029-жылдын 13-апрелинде 38 миң чакырым аралыкта учуп өтмөкчү. Ал эми Ай менен биз жашаган планетанын аралыгы 384 миң чакырым. Астероид бизге ал жолу эмес, башка ирет, 2068-жылы чоң коркунуч жаратат. Тагыраагы, Жерге кулашы мүмкүн", — деп айтылат маалыматта.

Ал кооптуу учурга чейин астероид Жерге дагы бир ирет, 2044-жылы 16 миллион чакырымга жакындап келет. 2051-жылы 760 миң, андан тогуз жылдан соң кайра оолактап, 5 миллион чакырым аралыкта жандап учат.

"Апофис" Жер менен 2068-жылы кагылышат деген маалыматты НАСА мурда билдирген. Гавай жана Пиза университетинин окумуштуулары бул кагылышуунун ыктымалдыгы 1 миллионго 2,3 экени айтылды.

325 метрлик "Апофис" 2004-жылы табылган. Бул ачылыштан кийин анын биздин планета менен кагылышы 2029-жылы болот дешкен. Бир аз убакыт өткөндөн кийин ал жакындап келип, бирок багытын өзгөртөөрү, бирок кийин кайтып келери айтылган.

Белгилер:
окумуштуулар, астероид, НАСА
Тема боюнча
NASA биринчи ирет Марстагы шамалдын үнүн жаздырып алды

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн
Электр линиясы. Архив

Кыргызстан Өзбекстандан электр кубатын кандай шартта алып жатканы айтылды

(жаңыланган 09:52 23.04.2021)
Министрдин айтымында, Өзбекстандан электр энергиясы азыр эле импорттоло баштады. Бул иш быйыл жана кийинки жылдын биринчи кварталына чейин уланат.

БИШКЕК, 23-апр. — Sputnik. Кыргызстан Өзбекстандан 750 миллион киловатт-саат алуу боюнча сүйлөшүү жүргүзүп, электр энергиясы өлкөгө импорттоло баштады. Бул тууралуу Sputnik Кыргызстан агенттигине энергетика жана өнөр жай министри Кубанычбек Турдубаев билдирди.

Эске салсак, бүгүнкү күндө Токтогул суу сактагычындагы суу былтыркыга салыштырмалуу 3 миллиард куб метрге аз. Бул өлкөгө электр энергиясын сырттан алып келүү зарыл дегенди түшүндүрөт.

"Товар алмашуу шарты менен биз Өзбекстандан 750 миллион киловатт-саат алуу тууралуу сүйлөштүк. Электр энергиясы импорттоло баштаган. Бул иш быйыл жана кийинки жылдын биринчи кварталына чейин уланып, жай мезгилинде тыныгуу болуп турат. Электр энергиясын кайтарып берүү жайында башталып, карызды үч жылдын ичинде берип бүтүп калабыз", — деди Турдубаев.

Буга чейин министр Кыргызстан менен Казакстан электр кубатын алмашуу макулдашылганын айткан.

Ал быйыл Казакстан Кыргызстандын энергосистемасына 900 миллион киловатт-саат бере турганын белгилеп, коңшуларга кайра Токтогул суу сактагычына эквиваленттик көлөмдө суу топтоп, камсыздап бере турганын кошумчалаган. Муну менен Кыргызстан үч жылдын ичинде миллион киловатт-сааттык сууну коё берип, ошону менен кутулат.

Белгилер:
импорт, электр энергиясы, суу, Өзбекстан, Кыргызстан
Тема боюнча
"Кудайга шүгүр" жашаган элдин санын кантип билебиз? Абоненттердин статистикасы
Эртең Бишкектин 56 көчөсүндө электр кубаты болбойт. Тизме
Бишкек — Тегеран авиакаттамдын учагы. Архив

Министрликте Бишкек Тегеран авиакаттамын жандантуу талкууланды

(жаңыланган 11:11 23.04.2021)
Пандемиядан кийинки мезгилде транзиттик жана транспорттук байланыштарды калыбына келтирүү тууралуу да кеп болгон.

БИШКЕК, 23-апр. — Sputnik. Тышкы иштер министринин орун басары Айбек Артыкбаев Ирандын элчиси Саид Харазини кабыл алып, эки өлкөнүн ортосунда авиакаттамдарды жандантууну талкуулашты. Бул тууралуу ведомствонун маалымат кызматы кабарлады.

Жолугушуунун жүрүшүндө тараптар кыргыз-иран кызматташтыгын кеп кылышкан.

"Анын ичинде пандемиядан кийинки мезгилде транзиттик-транспорттук байланыштарды калыбына келтирүүнү жана жакын арада эки мамлекеттин борборлорунун ортосунда түз авиакаттамдарды жандантууну талкуулашты", — деп айтылат маалыматта.

Ошондой эле дипломаттар кыргыз-иран өкмөттөр аралык макулдашууларын практикалык түрдө ишке ашырууга жардам берген биргелешкен комитет түзүүнү сүйлөшүшкөн.

Белгилер:
сүйлөшүүлөр, элчи, авиакаттам, ТИМ, Иран, Кыргызстан
Тема боюнча
Ростов-на-Дону шаарынан Ошко авиакаттам ачылып, биринчи жүргүнчүлөр келди. Сүрөт