Терең дем албагыла, көчөдө сүйлөбөгүлө. Америка –53 градус суукка даярданууда

© REUTERS / MOE DOIRONСильные морозы на северо-востоке США
Сильные морозы на северо-востоке США - Sputnik Кыргызстан
Жазылуу
Катуу аяз болот дегенден бери АКШнын бир катар жерлеринде чукул кырдаал жарыяланды.

БИШКЕК, 31-янв. — Sputnik. АКШда метеорологдор катуу суук болорун жарандарга эскертти деп жазды BBC

АКШнын бир катар аймактарында аяздын күчү -53 градуска чейин түшөрү айтылды.

Айова штатында жергиликтүү элге сууктан сактануунун жолдору айтылды. Адистер "сыртта жүргөндө терең дем албагыла, көчөдө жүргөндө сүйлөбөгүлө" деген кеп-кеңештерди берди.

Висконсин, Мичиган жана Иллинойс штаттарында чукул кырдаал жарыяланды. Алабама менен Миссисипиде да ушундай жагдай түзүлдү.

Америкалык Улуттук метеорология кызматынын өкүлү Жон Гаган бул сейрек кездешүүчү көрүнүш экендигин белгиледи.

"Муздак абанын мындай тездик менен жүрүүсү бир муунда бир жолу кездешкен учур", — деген ал.

Метеорологдор мындай аязда 10 мүнөт турса, үшүк алып кетүү кооптуулугу бар экендигин айтышты.

Жолдо бараткан унаалар. Архив - Sputnik Кыргызстан
Шашылыш билдирүү! Кар жаап, көчкү түшөт
Мындай аба ырайы шейшембиден бейшембиге чейин болушу күтүлүп жатат. Маалыматта бул күнү Чикагодо Антарктидага караганда суугураак болору айтылган. Бийлик АКШнын ири шаарларынын биринде -33 градуска түшүп, бирок катуу шамалдан улам аяздын күчү көчөдө -46 градус болорун эскертти.

Кардын Висконсин, Мичиган, Иллинойс, Алабама жана Миссисипи штаттарында калың түшөрү кабарланды.

Чикагонун полиция кызматы суук болот деген кабардан улам көчөдө тоноп кеткен бир канча фактылар болгондугун айтты. Тоногучтар арасында баасы 1100 доллар турган Canada Goose фирмасынын калың курткасы өзгөчө белгилүү болуп жаткандыгын билдирди.

Бейшемби күнү Чикагодогу зоопарк жабылат. Бул аталган жайдын 85 жылдык тарыхындагы убактылуу жабылган төртүнчү учур экендиги айтылды. Шейшемби күнү АКШда жалпысынан 1100 ички аба каттамдары токтотулган.

Батыш тараптагы штаттарда миңдеген мектептер менен ишканалар ишин токтотсо, бир катар шаарларда үй-жайсыздар жылына турган жайлар ачылган.

Жаңылыктар түрмөгү
0