Темир жол. Архив

Кытайда энеси сүрөткө тартып жаткан 3 жашар бала рельсиге кулап кетти

228
(жаңыланган 12:16 05.02.2019)
Бала катуу коркуп калган.

БИШКЕК, 5-фев. — Sputnik. Кытайда үч жашар наристе фотосессия учурунда катуу ылдамдыкта жүрө турган поезддин рельсине кулап аман калды. Бул тууралуу Asia One жазып чыкты.

Окуя өткөн жекшемби күнү Хубэй провинциясынын Ухань шаарындагы темир жол станциясында болгон. Баланын энеси уулун поезддин фонунда сүрөткө тартып жаткан. Жакшы кадр үчүн аял баланы бир кадам артка жылуусун айткан. Кичинекей боюн токтото албай, платформа менен поезддин ортосуна кулап кеткен.

Жардамга дароо эле станциянын кызматкери келип, ылдый түшүп баланы алып чыккан. Катуу коркуп калган наристе жабыркаган эмес. Натыйжада бүлө андан ары сапарын уланткан.

Күбөлөрдүн айтымында, бала кызматкердин ыкчам аракетинен эле аман калган. Ал ушунчалык тездик менен кыймылдагандыктан жүрө турган поезд өз саатында жолго чыккан.

Буга чейин ошол эле Кытайда кыз темир жолдо жигитин тамашалайм деп өлүп кала жаздаган.

228
Белгилер:
рельс, поезд, темир жол, Сүрөт, Кытай
Тема боюнча
Кытайда кыз жигитин тамашалайм деп поезд алдында өлүп кала жаздады