Бетин жапкан кыз. Архивдик сүрөт

Окумуштуулар депрессиядан арылтчу диетаны айтышты

877
(жаңыланган 10:01 06.02.2019)
Акыркы жылдары илимпоздор көптөгөн дары-дармек ойлоп табышкан, бирок алардын көбүнөн бейтап семирип, зат алмашуусу начарлап кетет.

БИШКЕК, 6-фев. — Sputnik. Туура тамактанган адамдар майлуу жана зыяндуу азык-түлүктү пайдалангандарга караганда депрессиядан тез чыгат. Мындай бүтүмгө британиялык медиктер келген.

Бүгүнкү күндө өнөкөт депрессия психикалык оорунун кеңири жайылган түрү болуп эсептелет.

"Биз жашоо мүнөзүн өзгөртүү маанайды көтөрүп, депрессиядан арылууга шарт түзөрүн далилдедик. Мында диета менен эле чектелип калбай, спорт менен машыгуу да жакшы жыйынтык берери айтылат", — деди Брэндон Стаббс аттуу окумуштуу.

Мээнин рентгени. Архив
© Sputnik / Александр Кряжев
Депрессияга кабылган адамдын адатта жашоого болгон кызыгуусу төмөндөп кетет, өзүн баалабай калат. Илдет апатия жана башка терс көрүнүштөр менен коштолот. Акыркы жылдары илимпоздор көптөгөн дары-дармек ойлоп табышкан, бирок алардын көбүнөн бейтап семирип, зат алмашуусу начарлап кетет.

Стаббстын айтымында, жашоо мүнөзүн жана тамактануусун өзгөрткөн адамдар депрессиядан кутулган, жок эле дегенде аны басаңдатып кое алган.

Окумуштуулар 16 иликтөөнүн жыйынтыгын карап чыгышкан. Аларга жарымы дал ушул депрессиядан жабыркаган 46 миң киши катышканы айтылды. Натыйжада жер ортолук деңиз диетасында отургандар ыктыярчылардын үчтөн эки бөлүгүнө оорусунан арылууга жардам берген. Алардын басымдуу бөлүгү аялдар экени маалымдалды.

Стаббстын кесиптеши Жозеф Фирт туура тамактануудан киши арыктай турганын, бул өз кезегинде көп чарчатпай, организмди тазалай турганын айткан. Мындай жагдай адамдын маанайын көтөрөрү шексиз экенин белгиледи.

877
Белгилер:
иликтөө, депрессия, туура тамактануу, диета
Тема боюнча
Окумуштуулар депрессия менен күрөшүүнүн жөнөкөй жолун табышты
Төшөк кумары көтөрүлгөн кан басымды түшүрөт. Окумуштуулардын аныктамасы
Окумуштуулар кайсы көнүгүүлөр ден соолукка зыян экенин айтышты
Кант  авиабазасындаг аскер техникасы. Архивдик сүрөт

Кыргызстан "Кант" авиабазасын кеңейтүү сунушу түшсө карап чыгууга даяр

15
(жаңыланган 20:35 24.10.2020)
ТИМ башчысы өлкө бийлиги ЖККУнун "Кант" авиабазасын сактап калуу ниети күч экенин айтты. Казакбаев Россияда иш сапары менен болду.

БИШКЕК, 24-окт. — Sputnik. Кыргызстан ЖККУнун "Кант" авиабазасын кеңейтүү боюнча сунуш түшсө, карап чыгууга даяр. Бул тууралуу РИА Новости агенттигине маек курган тышкы иштер министри Руслан Казакбаев билдирди.

"Кант" базасы сакталып калышы керек. Бул биздин туруктуу позициябыз. Кол коюлган келишимдерди кайрадан карап чыгуу деген болбойт. Эгер Россия же ЖККУ мамлекеттери базаны кеңейтүү маселесин көтөрсө, биз сунушту карап чыгууга даярбыз. Албетте, талкуу жүрөт. Баары сунуш түшкөндөн кийин белгилүү болот", — деди Казакбаев.

Казакбаев бюджетти колдоо боюнча РФ президентинин өкүлү Козак менен сүйлөштү

"Кант" авиациялык базасы ыкчам аракетке келчү Жамааттык күчтүн бир бөлүгү болуп саналып, ЖКУУ мамлекеттеринин аба коопсуздугун камсыздайт.

Руслан Казакбаевдин маеги менен толук расмий тилде таанышууга болот.

15
Белгилер:
Руслан Казакбаев, сунуш, ЖККУ, макулдашуу, "Кант" авиабазасы
Тема боюнча
ТИМ: жылдын аягына чейин бюджет дефицити 450 млн. долларга жетет
ТИМ жетекчиси Казакбаев: өлкөдөгү башаламандыкка сырткы күчтөр да аралашты
Киберкоопсуздук. Архивдик сүрөт

Медведев БУУ аянтчасындагы киберкоопсуздук боюнча келишимге чакырык жасады

21
(жаңыланган 18:28 24.10.2020)
Медведев Россия дүйнө коомчулугун киберкылмыштуулукка каршы биргеликте күрөшүп, маалымат айдыңда коопсуздукту камсыздап алууга бир нече ирет чакырык таштагандыгын айтты.

БИШКЕК, 24-окт. — Sputnik. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бере аларын РФтин Коопсуздук кеңешинин жетекчисинин орун басары Дмитрий Медведев БУУнун 75 жылдыгына арналган макаласында жазды.

Россиянын Коопсуздук кеңешинин төрагасынын орун басарынын макаласын толугу менен RT телеканалынан таанышууга болот.

Дүйнө чарчады. Лавров БУУнун Башкы Ассамблеясынын сессиясында сүйлөдү

"Глобалдуу маалымат айдыңында коопсуздукту камсыздоо принципиалдуу мааниге ээ болуп бара жатат. Эл аралык киберкоопсуздук боюнча архитектура азыркы заманбап чакырыктарга эле жооп берип чектелбестен, технологиялык прогресстин келечегин да эске алышы керек", — деп айтылат макалада.

Медведев бул боюнча кылмыштардын арбып бара жаткандыгын да жазган.

"Санариптин өнүгүшү, тилекке каршы, маалыматтык айдыңда кылмыштардын арбышын жаратат (анын пандемия учурунда көбөйүп кеткендигин байкоого болорун белгилей кетели)", — деген ал.

Медведев Россия дүйнө коомчулугун киберкылмыштуулукка каршы биргеликте күрөшүп жана маалыматтык айдыңда коопсуздукту камсыздап алууга бир нече ирет чакырык таштагандыгын айтты.

Ал БУУнун Башкы Ассамблеянын 73-сессиясында көпчүлүк добуш менен россиялык резолюция кабыл алынгандыгын эске салды.

Медведев пандемия маалындагы мамлекеттердин башкы милдети тууралуу айтты

"Аталган резолюциянын зарылдыгы улут аралык мүнөздөгү чакырыктар эл аралык коомчулуктун жапа тырмак катышуусунда гана майнаптуу болот. БУУнун түзүмдөрү бул жааттагы коопсуздукту камсыздоодо эл аралык келишимдердин аянтчасы болуп бериши мүмкүн. Ал эл аралык укуктун ченемдерине, принциптерине таянат, маалымат тармагындагы жалпы кызыкчылыктарга жооп берет", — деп айтылган макалада.

Медведевдин айтымына караганда, мындай нерсе "эл аралык тынчтык менен коопсуздукту колдоону арттырып, аны менен катар эле эл аралык укукта макулдашылбаган технологияларды колдонууга жол бербейт".

21
Белгилер:
резолюция, киберкылмыштуулук, пандемия, Дмитрий Медведев, БУУ, Россия
Тема боюнча
Медведев БУУда "өзөктүк бештиктин" жеке саммитин өткөрүүнү сунуштады