Спасатели работают на месте обрушенного жилого здания в районе Картал, Стамбул, Турция, 7 февраля 2019 года

Стамбулда ураган үйдүн алдында 45 саат жаткан өспүрүм куткарылды

257
(жаңыланган 10:50 09.02.2019)
Алдын ала маалыматтар боюнча үйдүн үч кабаты мыйзамсыз негизде курулуп калган.

БИШКЕК, 8-фев. — Sputnik. Стамбулда шаршемби күнү, 6-февралда, урап калган сегиз кабаттуу үйдүн алдында 45 саат жаткан 16 жаштагы өспүрүм куткарылды. Бул тууралуу РИА Новости Түркиянын ИИМ башчысы Сулейман Сойлуга шилтеме берип жазды.

Кечээ болсо уранды алдында 18 саат жаткан беш жаштагы кыз куткарылган болчу.

"Үй урагандан 45 саат өткөндөн кийин куткаруучулар 16 жаштагы баланы алып чыгышты", — деди Сойлу.

Стамбулдун шаардык администрациясынын маалыматына караганда, Картал районундагы кырсыктын кесепетинен кеминде 12 адам каза таап, 13 киши жаракат алган. Учурда куткаруу иштери уланып, 500дөй адам иштеп жатат.

Алдын ала маалыматтар боюнча үйдүн үч кабаты мыйзамсыз негизде курулуп калган.

Имараттын ураган учурун видеодон көрүңүз.

257
Белгилер:
турак үй, кырсык, Стамбул
Тема боюнча
Стамбулда сегиз кабат имарат урап түштү. Алдында ондогон кишилер болушу мүмкүн
Стамбулдагы көп кабаттуу имараттын ураган учуру видеого тартылып калган