Рак илдети. Архивдик сүрөт

Эркек киши рак илдетине чалдыкканын алты нерседен билүүгө болот

6767
(жаңыланган 09:46 12.02.2019)
Адистер бул белгилерге убагында көңүл буруу менен ракты эртерээк аныктаса болорун айтты.

БИШКЕК, 12-фев. — Sputnik. Онкологдор эркек киши рак илдетине чалдыкканын алты белгиден билсе болот дейт. Бул тууралуу Sputnik Тажикстан жазды.

Адистер бул белгилерге убагында көңүл буруу менен ракты эртерээк аныктаса болорун айтышууда.

Эң негизги белгилердин бири — сасык тумоого кабылбай туруп башталган жөтөл. Мындан сырткары, себепсиз салмак таштаган мырзалар дагы дарыгерге сөзсүз көрүнүп коюшу зарыл. Төшү шишип, дененин ошол бөлүгүндө жара, майда жаралар чыкса да залалдуу шишиктен кабар берет.

Заара ачышып, оорутуп чыкса, кансыроо болсо, ошондой эле эркектин жыныстык мүчөсүндөгү жумуртканын чоңоюусу дагы рактан кабар берерин адистер эскертти.

6767
Белгилер:
оору, онкология, рак
Тема боюнча
Кыздарым чоңойгончо аман турсам экен... Бөйрөгү жабыркаган ата элден жардам сурайт
Россияда рак илдетине каршы жаңы дары жасалды
20 жылдан кийин рак илдети менен ооругандардын саны эки эсе көбөйөт
Окумуштуулар рак илдетинин негизги белгилерин айтты
Телефон SIM-карталар менен. Архивдик сүрөт

Телефондун SIM-картасынын блоктолуп калышынын негизги себептери айтылды

28
(жаңыланган 14:58 20.09.2020)
Адистин айтымында, телефон номери иштебей калгандар операторго паспорт менен кайрылышы керек. Эгер алар маселени кароодон баш тартса, сотко чейин барса болот.

БИШКЕК, 20-сен. — Sputnik. "Россиянын сапат тутуму" коммерциялык эмес уюмунун (Роскачество) башчысынын орун басары Илья Лоевский SIM-карталардын блокко түшүп калышынын эң көп кездешкен себептери жөнүндө айтып бергенин РИА Новости жазды.

Анын билдиришинче, смартфон сигналды жакшы кабыл алган учурда деле чала албай жатсаңыз, SIM-карта бөгөттөлүп калган деп божомолдосо болот. Көбүнчө бул ээсинин паспортундагы маалыматтар менен оператор түзгөн келишимде көрсөтүлгөндөр дал келбегенден болот.

Адис канткенде телефондогу сүйлөшүүнү эч ким тыңшай албай каларын айтты

SIM-карта уурдалса же ээсине кабар бербестен кайрадан жасалып сатыкка чыгарып койгон учурда дагы оператор аны өчүрүп салат. Ошондой эле спамдар жөнөтүлгөндө дагы номер иштебей калат. Мындай учурда телефондун номери маркетинг үчүн колдонулуп жатат деп түшүнсө болот.

Лоевский уюлдук телефондун картасы алты айдан ашык колдонулбай калган учурда дагы иштебей каларын кошумчалаган.

Адис ушундай учурга туш болгон абоненттерге оператор менен башка номерден байланышып, SIM-картанын иштебей калышынын себебин билүүгө кеңеш берген. Номерди блоктон чыгаруу үчүн ал жакка паспорт менен барууга туура келиши мүмкүн. Эгерде оператор кызматташуудан баш тартып, кырдаалды түшүндүрбөсө, ага карата нааразычылык билдирип же сотко кайрылса болору кошумчаланды.

28
Белгилер:
номер, адистер, телефон, SIM-карта
Тема боюнча
Смартфон эмне себептен ысып кетет. Адистин түшүндүрмөсү
Вакцина против новой коронавирусной инфекции впервые в мире зарегистрирована в России 11 августа. Вакцина против коронавируса Центра им. Гамалеи показала высокую эффективность и безопасность по результатам клинических исследований. Изображение является раздаточным материалом, предоставлено третьей стороной. Только редакционное использование. Запрет на архивирование, коммерческое использование, рекламную кампанию.

Россиянын вакцинасын жок кылуу далалаты: чоң саясаттагы чакан "келишим"

52
Коронавируска каршы вакцина иштеп чыгуудагы РФтин лидерлиги Батыш үчүн жагымсыз күтүлбөстүк гана эмес, саясий да, каржылык жактан да кыжыр кайнаткан чакырык болду.

Алардын оюнда, биринчиден, демократиядан оолак Россия татаал илимий жана технологиялык жактан алдыга озгон тармактарда мындай ачылыш жасоого акысы жок. Экинчиден, көз кычыштырган олжо жатат мында. Ал батыштагы фармацевтикалык концерндерден кыйгап өтөрү туурасындагы кымындай эле ой аларды түйшөлтүүдө. Кесиптешибиз Ирина Алкснис вакцинанын тегерегиндеги саясатка сереп салган.

Индияны жүз миллиондогон доза менен жабдуу боюнча келишимдин эле наркын айтыңыз! Россия окумуштууларынын ишинин жыйынтыгын жок кылуу аракетине тушукканына таң калыштын деле кажети жок. Чон саясат, чоң акча...

Батыш вакцина жарышынан эмнеге утулууда. Саресеп

"Спутник-V" вакцинасы тууралуу макала дүйнөдөгү эзелки жана таасирдүү медициналык The Lancet журналына жарыяланары менен сынга кабылды. Дүйнөлүк маалымат каражаттарын дүң кылган жаңылык америкалык Темпл университетинин биология профессору Энрико Буччинин ачык каты болду. Анын "россиялык изилдөөчүлөр тарабынан ката кетирилген болушу мүмкүн" деген оюн эки жүз элүүдөй батыш окумуштуулары колдоп кетти.

The Lancet россиялык вакцина жасоочуларды берилген суроолорго жооп берүүнү сунуштаган. Гамалея атындагы борбор аталган басылмага "Спутник-V" вакцинасын изилдөөнүн толук клиникалык протоколун берген.

Россиялык түз инвестициялар фондусунун башчысы Кирилл Дмитриев сынчылардын негизги дооматтарына аргументтерди келтирип, "өз баштарындагы төөнү көрүүгө" кеңеш берип, өздөрү тарабынан иштелип чыккан вакциналар туурасындагы шек саноолорго да жооп берүүнү өтүнгөн.

Би-Би-Си материалында Энрико М.Буччи "жалган илим менен белгилүү күрөшчү" деп аталган. Бирок мында "илимдеги бизнесмен" деген мүнөздөмөнү пайдалануу туурадыр.

Өз башындагы төөнү көрбөй... Россиялык вакцинанын сынчыларына жооп

2016-жылы Буччи илимий иштердин тууралыгын жана чындыгын текшерүүгө адистешкен Resis Srl компаниясын негиздеген. Бул заманбап илимде модага айланган тема.

Соңку жылдары изилдөөчүлөрдүн эмгектери, жарыяланган макалалардагы одоно каталарын көп табышчу болду. Кеп кыянаттык же алдамчылык жөнүндө эмес, көбүнчө чындап эле катачылыктар кетип калат. Бул аныкталганда окумуштуулардын, ал түгүл бүтүндөй илимий институттардын беделине доо кетирет. Мындай көйгөйлөргө жол бербөө үчүн автор жана изилдөөчү структуралар эмгектерин жарыялардан мурун көз карандысыз аудиттерге – ушундай иштерге адистешкен фирмаларга көп кайрылышат.

Атап айтканда, Буччинин компаниясы ушул ишмердик үчүн германиялык Фриц Липман институту тарабынан жалданган. Бир убакта институттун жарыяланган эмгектериндеги чоң каталардан улам ызы-чуу чыккан. Ошол окуя жөнүндө бир жыл мурун Nature журналы кеңири баяндаган.

Мындай бизнес айрым этикалык чектөөлөрдү коет. Айтмакчы, муну профессор Буччи деле жакшы билет. Ошол эле Nature журналында былтыр декабрда ал теңата автордук кылган илимий иштин тазалыгына жана чынчылдыгына арналган макала чыккан. Анда Энрико М.Буччинин бул иште кызыкчылыктары каршы келип калышы ыктымал деп ачык жазылган.

Беларусь, вакцина, саясат. Путин кенен маек берди. Видео

Батыш Буччинин ачык катын (өзүн өзү жарнамалоо) россиялык окумуштууларга кезектеги соккусун уруп, кеминде эле алардын лидерлигин чабалдатуу үчүн колдонду. Ал эми профессордун өзүнө бул кадамы пиар болду. Мындан кийин ага жаңы жагымдуу коммерциялык келишимдерди алып келиши мүмкүн. Бирок мындай "хайптын" негизи илимге, медицинага, атап айтканда бүт дүйнө боюнча жүз миңдеген өмүрлөрдү сактоого тиешеси жок.

52
Белгилер:
Окумуштуулар, Батыш, Россия, вакцина, коронавирус
Тема боюнча
Трамп коронавируска каршы вакцина даяр болуп калганын жар салды
Эскертүү! Сасык тумоого каршы бекер вакцина калктын 13 пайызына гана жетет
Маданият, маалымат жана туризм министри Азамат Жаманкулов жана президенттик аппараттын гуманитардык өнүктүрүүгө мониторинг жүргүзүү жана жарандык коомдун институттары менен өз ара аракеттенүү бөлүмүнүн башчысы Кудайберген Базарбаев Ташчайнар каймана аты менен таанымал Нурлан Алишеровдун абалын сурап барган.

Ооруп жаткан Ташчайнарга президенттин атынан акчалай жардам берилди

0
(жаңыланган 15:06 20.09.2020)
Ташчайнар 2-сентябрда кечке жуук Бишкектеги №1 шаардык клиникалык ооруканага түшүп, инсульт деген диагноз коюлган.

БИШКЕК, 20-сен. — Sputnik. Ташчайнар каймана аты менен таанымал Нурлан Алишеровго президент Сооронбай Жээнбековдун атынан материалдык жардам көрсөтүлдү. Бул тууралуу Маданият, маалымат жана туризм министрлиги кабарлады.

Маданият, маалымат жана туризм министри Азамат Жаманкулов жана президенттик аппараттын гуманитардык өнүктүрүүгө мониторинг жүргүзүү жана жарандык коомдун институттары менен өз ара аракеттенүү бөлүмүнүн башчысы Кудайберген Базарбаев балбандын абалын сурап барган.

Ташчайнар 2-сентябрда кечке жуук Бишкектеги №1 шаардык клиникалык ооруканага түшкөн. Ага инсульт деген диагноз коюлган. Алишеров буга чейин гипертония, кант диабети сыяктуу оорулар менен жабыркап, балбанды дарылатууга кеткен чыгымдарды төлөө үчүн жакындары элден жардам сурап кайрылган.

Арабдарды тиши менен көтөрүп эсин оодарган Ташчайнар. Camel Fest видеосу

Жолугушууда ага президенттин атынан материалдык жардам тапшырылган.

"Бүгүнкү күндө Нурлан Алишеров өзүн жакшы сезип калгандыгын айтты. Ошондой эле кийинки рекорддорду багындыруу ниети бар экендигин билдирип, ал үчүн толук реабилитациядан өтөрүн белгиледи. Учурда ал дарыланып үйүнө чыгарылган", — деп айтылат министрликтин маалыматында.

Нурлан Алишеров бир катар эл аралык шоу-программаларга катышып, бири-бирине чиркештирилген ондон ашык унааны тиши менен тартып жылдырган, чекеси менен мыкты тактайга каккан өзгөчө өнөрү аркылуу таанымал болгон.

0
Белгилер:
абал, жолугушуу, президент, жардам, оору, Ташчайнар
Тема боюнча
Ташчайнар кураган өзгөчө жол тандабаска 10 миң доллар сунушталды
Ташчайнар тиши менен тартчу эле... Тарбалаңдап МАЗ сүйрөгөн жигиттин видеосу