Капитолий. Архивдик сүрөт

Путиндин активдери, Немцовдун өлүмү... АКШнын Россияга камдаган санкциялары

199
Америкалык сенаторлор Россияга каршы жаңы санкциялар боюнча мыйзам долбоорун киргизди.

БИШКЕК, 14-фев. — Sputnik. Америкалык сенаторлор (республикачылар менен демократтар) Россияга каршы жаңы санкциялар боюнча мыйзам долбоорун парламенттин кароосуна киргизди. Бул туурасында РИА Новости жазды.

Чектөөлөр "АКШдагы шайлоолорго аралашкандыгы", "Сирияга жаман ниет менен киришкендиги", "Украинадагы агрессия" үчүн жана Керч кысыгындагы абал боюнча жасалышы керектиги айтылган. Москва бул жаттагы айыптоолорду мурда бир нече ирет четке каккан.

Мыйзам долбоорунда "шайлоолорго аралашуу аракетин колдоого алгандыгы үчүн" россиялык банктарга санкция салууну чектөө сунушу айтылган. Андан сырткары, суюлтулган газ боюнча Россиядан сырткаркы аймактардагы долбоорлорго жана аталган мамлекеттин киберэкономикасына каршы кадамдар бар.

Санкцияны суверендүү карыз жаатында Россия менен түзүлүүчү жаңы келишимдерди жасоого, россиялык жетекчиликтин атынан "коррупциялык ишкердүүлүк менен алектенген" адамдарга каршы салуу пландалууда. Буга кошумча, Россиядагы мунай заттарынын серьелорун иштеп чыгууга де чек коюу каралып жатат.

Мыйзам долбоорунда Керч кысыгындагы "жаңжалга тиешеси бар ФСБнын" 24 агенти туурасында да айтылган.

Анда "эгерде Керч кысыгында кеме каттамынын эркиндик принциптери Россия тарабынан бузулса", россиялык кеме куруучулукка каршы санкцияны киргизүү туурасында да белгиленген.

Сенаторлор АКШнын мамлекеттик департаментине Россия террорчулукка демөөрчүлүк кылган өлкө эмеспи деген маселе боюнча бүтүм чыгарып берүүнү сунушташты.

Мындан сырткары, саясатчылар Россия лидери Владимир Путиндин активдери жана Борис Немцовдун өлүмү боюнча администрацияга доклад жасоо сунушун киргизди.

199
Белгилер:
актив, кеме, мыйзам долбоору, сенат, санкциялар, Борис Немцов, Владимир Путин, Россия, АКШ
Тема боюнча
РФке каршы санкция мигранттардын кайтышын шарттайбы? Эксперт эмне дейт