Чүчкүрүк. Архивдик сүрөт

Төшөк кумары менен чүчкүрүктүн байланышы бар экени аныкталды

8490
(жаңыланган 09:30 22.02.2019)
Көрсө, адам мурунга чаң киргенде же күндү караганда гана чүчкүрбөйт экен.

БИШКЕК, 21-фев. — Sputnik. Окумуштуулар төшөк кумары менен чүчкүрүктүн байланышы бар экенин аныкташканын РИА Новости агенттиги жазды.

Англиянын тургуну 2008-жылы Жон Рэдклифф ооруканасына кайрылып, секс тууралуу ойлонсо эле чүчкүрө баштарын айткан. Мындан улам адистер бул көрүнүштү иликтөөгө алууну чечкен.

"Интернетке анонимдик форум ачып, төшөк кумарына байланышкан чүчкүрүктөр тууралуу суроо салганда активдүү талкууга 146 адам катышкан. Алардын ичинен айрымдары секс тууралуу ойлоно койсо эле чүчкүрөрүн айтса, башкалар сүйүктүүсү менен "сүйүү оюндары" аяктаганда көп чүчкүрөрүн билдиришти", — деп жазылат макалада.

Иликтөө жүргүзгөн дарыгерлерге тааныштары дагы ушундай көрүнүштөр жөнүндө айтып беришкен.

Учурда окумуштуулар дене кумары менен чүчкүрүктүн байланышы бар экенин билгени менен анын себеби эмнеде экенин так аныктай элек.

8490
Белгилер:
иликтөө, чүчкүрүү, окумуштуулар, Улуу Британия
Тема боюнча
Төшөк кумары көтөрүлгөн кан басымды түшүрөт. Окумуштуулардын аныктамасы
Эркекке аба менен суудай керек тестостерон. Гормон тууралуу эмне билүү керек
Импотенцияны дарылоонун эки жолу бар. Урологдун кеңеши
Палестиналыктар Иерусалимдеги Акса мечитинде Израилдин коопсуздук күчтөрү менен кагылыш учурунда

Убактылуу баш паанек сурап БУУга 40 миңге чукул палестиналык кайрылды

49
(жаңыланган 12:52 17.05.2021)
Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

БИШКЕК, 17-май — Sputnik. Палестиналык качкындарга жардам берчү БУУнун Жакынкы Чыгыш агенттиги (БАПОР) Газа тилкесинин чек ара аймактарында жашагандардын ичинен 38 миң киши убактылуу баш калкалоочу жай сурап кайрылганын билдирди. Бул тууралуу РИА Новости жазды.

"Газа секторуна Израилдин соккусу токтобой жаткандыктан агенттиктин мектептерине 38 миң палестиналык баш калкалоо үчүн кайрылды", — деп айтылат маалыматта.

Палестинадагы анклавда жайгашкан уюмдун өкүлү Аднан Абу Хасна эгер эскалация улана турган болсо, агенттик качкындар үчүн 50 жай (мектеп) ачуу планын иштеп чыкканын айткан.

Буга чейин БАПОР үй-бүлөлөрдү кабыл алуу үчүн өзүнүн мектептерин ачканын билдирген, ал мектептер дароо эле толуп калган. Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

Куралдуу кагылышуудан Газа тилкесинде 192ден көп адам каза болгон. Анын 58и балдар.

Ошол эле маалда палестиналыктар да Израилге сокку урууда. Мунун натыйжасында 10 киши көз жумуп, 50дөй адам оор жаракат алган.

Эске салсак, ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Буга палестиналыктар нааразы болуп, 7-майда жарандар (палестиналыктар) менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

49
Белгилер:
жай, качкын, сокку, Израиль, Газа тилкеси
Мексикалык кыз Андреа Меса Аалам сулуусу сынагын жеңип алды

"Аалам сулуусу" сынагын мексикалык кыз жеңди. Чүрөктүн видеосу

97
(жаңыланган 12:15 17.05.2021)
Сулуулар таймашынын финалында Перу, Доминика Республикасы, Бразилия, Индия жана Мексикадан келген кыздар күч сынашты.

БИШКЕК, 17-май — Sputnik. Мексикалык кыз Андреа Меса "Аалам сулуусу" сынагын жеңип алды. Бул тууралуу эл аралык сынактын Twitter тармагындагы расмий баракчасында жазылды.

​Финалда Меса узун, арты ачык, жалтырак кызыл көйнөк кийгенин көрүүгө болот. Таажыны ага 2019-жылы жеңүүчү болгон түштүк африкалык Зозибини Тунци кийгизгенин көрүүгө болот.

​Меса — дүйнөлүк сулуулар сынагын жеңген үчүнчү мексикалык кыз. Буга чейин мекендештери 1991 жана 2010-жылдары биринчиликти багындырышкан.

"Аалам сулуусу" аталган кыз программист, ошондой эле туризмди колдоп, зордук-зомбулуктарга каршы туруп келет.

Сулуулар таймашынын финалында Перу, Доминика Республикасы, Бразилия, Индия жана Мексикадан келген кыздар күч сынашты. Үчүнчү орунду перулук Яник Масета, экинчини бразилиялык Жулия Гама алган.

97
Белгилер:
видео, жеңүүчү, сулуулар сынагы, Мексика
Тема боюнча
Таажыны башынан жулуп алып. Сулуулар сынагындагы чатактын видеосу
Өспүрүм балдар. Архив

Туугандары изделүүдө. РФтен кыргызстандыктар таштап кеткен 5 бала алып келинди

0
(жаңыланган 16:02 17.05.2021)
Министрлик бөбөктөрдү кайтарып берүү үчүн тууган-туушкандарын издеп жатат. Азырынча кичинекейлер балдар үйүнө жайгаштырылган.

БИШКЕК, 17-май — Sputnik. Кыргызстанга Москва шаары менен Москва облусунан эки жашка толо элек беш бала алып келингенин Саламаттык сактоо жана социалдык өнүктүрүү боюнча министрликтин маалымат кызматынан кабарлашты.

Бул бөбөктөрдү кыргызстандык кыз-келиндер Россиядагы төрөт үйлөрүнө таштап кетишкен. Кичинекейлер мекенине алып келингенден кийин балдар үйлөрүнө убактылуу жайгаштырылган. Маалыматта министрлик бөбөктөрдү кайтарып берүү үчүн тууган-туушкандарын издеп жатканы айтылды.

2021-жылдын башынан тарта Кыргызстанга 11 бөбөк алып келинген. Алардын алтоосун ата-энеси таштап кеткен.

0
Белгилер:
балдар, Россия, Кыргызстан
Тема боюнча
Чүйдөгү балдар үйүнөн качып кеткен өспүрүм изделүүдө. Сүрөт