Ичеги-карындын иштешин эмне бузары айтылды. Иликтөө

© Sputnik / Владимир Песня / Медиабанкка өтүүКулинарная экобитва "Сыроеды против вегетарианцев"
Кулинарная экобитва Сыроеды против вегетарианцев - Sputnik Кыргызстан
Жазылуу
Адистер жарым жыл иликтөө жүргүзүп, ага 18 жаштан 35ке чейинки салмагы орто, дени сак 217 адам катышкан.

БИШКЕК, 22-фев. — Sputnik. Ичеги-карындагы бактериялардын мутациясынан улам пайда болгон кант диабети жана жүрөк-кан тамыр ооруларынын алдын алуу үчүн майлуу тамакты азайтуу керек. Мындай пикирге кытайлык окумуштуулар келгенин "Известия" маалымат агенттиги жазды. 

Адистер белгилегендей, майлуу тамактын кесепетинен ичеги-карындагы микрофлора бузулуп, ден соолукка пайдалуу делген бактериялар жок болот да зат алмашуу начарлайт.

Окумуштуулар жарым жыл иликтөө жүргүзүп, ага жашы 18ден 35ке чейинки салмагы орто, дени сак 217 адам катышкан.

Приготовление еды - Sputnik Кыргызстан
Окумуштуулар курсактагы майды кетире турган азык-түлүктөрдү атады
Алар үч топко бөлүнүп, ар кандай тамактарды колдонгон. Бирок бардыгына белокту бирдей санда беришкен. Ал эми майдын өлчөмүн биринчи топтон 20 пайызга, экинчиден 30 пайыз, үчүнчү тайпадан 40 пайызга чейин азайтуу талап кылынган.

Андан соң адистер катышуучулардын каны менен заңынан анализ жасап, тамакты мүнөздөп ичүүнүн ичеги-карын микрофлорасына тийгизген таасирин аныктаган.

Натыйжада олуттуу өзгөрүүлөр биринчи жана үчүнчү топто байкалган.

Майды аз колдонгондордо пайдалуу бактериялардын саны жогорулаган. Ал эми майды көп жегендердики тескерисинче болгон. Ошондой эле кант диабетине чалдыгуу коркунучу менен холестериндин саны көбөйгөн.

Май организмге энергия топтоонун булагы катары эсептелинет. Анын жетишсиздиги дагы ден соолуктун бузулушуна алып келиши мүмкүн.

Жаңылыктар түрмөгү
0