Табыт. Архивдик сүрөт

Башка эмне кылам? Аял күйөөсүн табыты менен кошо өкмөт имаратына алып келди

2807
(жаңыланган 14:42 22.02.2019)
Сөөк Самарадагы жаназа жайында турат, аял күйөөсүн эми айылга алып барып көмүүгө камынып жатат.

БИШКЕК, 22-фев. — Sputnik. Самара облусунун жашоочусу күйөөсүнүн сөөгү салынган табытты өкмөттүн имаратынын алдына алып келип, нааразылык билдирди. Бул туурасында РИА Новости жазды.

Ал сөөктү жашыруу, жерге берүү кызматы кымбат болгондуктан ушундай кадамга баргандыгын айтып берди.

"50 миң рубль сурашты. Мен баламды жалгыз багып жатам. Андай акчаны кайдан алам?" — деп айтты ал РЕН ТВнин суроолоруна жооп берип жатып.

Губернатор Дмитрий Азаров Коррупция менен күрөшүү департаментине жана шаар башчысына бул маселени "тез арада териштирүү" боюнча тапшырма берген. Андан сырткары, маркумдун артында калган жакындарына колдоо көрсөтүү милдетин таккан. Ал эми полиция текшерүү иштерин баштады.

"Башка эмне кылмак элем?"

Аял РИА Новости агенттигине аймактык бийлик коомчулукка маалымат тарап кеткенден кийин жардам сунуштаганын, бирок ал андан баш тартканын айтты.

Эмне үчүн өлүктү өкмөткө алып келгендигин сураганда "Башка эмне кылмак элем?" деген жообун айткан.

"Азыр мага эч кандай жардамдын кереги жок, буга чейин муктаж болгом. Бизди көрүстөндөрдүн аймагына киргизбей койгондо күндүзү жардам сурап кайрылгам. Кечки саат жетиде Самаранын ортосунда табытты кучактап жалгыз калганда, албетте, эмне дээримди билбей калдым", — деп айтып берген ошондогу абалын.

Азыр аялдын айтканына караганда, сөөк Самарадагы жаназа жайында турат, ал эми аял жалгыз баласы менен жашаган Тольятти шаарына кетти. Ал күйөөсүн эми айылга алып барып көмүүгө камынып жатат.

Мүрзө каздырбай коюшту

Самара облусундагы Красноярск районунун Эл өкүлдөр палатасынын депутаты Азат Туймасов РИАга мүрзөдө болгон чатакка күбө болгонун айтып берди.

Анын айтымына караганда, аял жаназа кызматын көрсөткөн тармактагы таанышына маркумду көмүүгө көмөктөшүүсүн суранып чалган. Ал Рубежное көрүстөнүнө уруксат алган.

Анткен менен мүрзөгө келген 20-30 киши анын жай каздыруусуна каршы болушкан.

Бул окуядан кийин гана аял күйөөсүн табыты менен кошуп өкмөттүн имаратынын алдына алып барган.

2807
Белгилер:
мүрзө, өлүк, табыт, жаназа, Самара
Тема боюнча
Мүрзөнүн жанында жарым жылаңачтанып түшкөн кыздын сүрөтү боюнча текшерүү башталды
Ананьево: мүрзөнүн талкаланган белгилерин кайра орнотууга эл жардам бермей болду
Космостон жердин көрүнүшү. Архив

Жердин температурасы үч миллион жылдан бери жогорку көрсөткүчкө жетти

75
БУУнун башкы катчысы адамзат жардын кырында турганын айтып, калабанын алдын алуу үчүн дүйнө эли таза жана жашыл жолду тандап, биргелешип иш алып барышы керектигине токтолгон.

БИШКЕК, 7-май — Sputnik. Өткөн жылы Жердин температурасы үч миллион жылдан бери жогорку көрсөткүчкө жетип, адамзатты климаттык кыйроого жакындатты. Бул тууралуу БУУнун башкы катчысы Антониу Гутерреш "Петерсбергский климатический диалог" форумунда сүйлөп жатып айтканын РИА Новости жазды.

"Өткөн жылы дагы күтүүсүз климаттык өзгөрүүлөр, кырсыктар көп болду", — деди Гутерреш.

Анын айтымында, абада көмүр кычкыл газынын концентрациясы 148 пайыз болуп эң жогорку тепкичке жеткен.

Гуттереш бул үч миллион жылдан берки эң жогорку көрсөткүч экенин белгилеген. Ага чейин Жердин температурасы үч градуска, деңиз деңгээли 15 метрге жогору болчу.

БУУнун башкы катчысы адамзат жардын кырында турганын айтып, калабаны алдын алуу үчүн дүйнө эли таза жана жашыл жолду тандап, биргелешип иш алып барышы керектигине токтолгон.

75
Белгилер:
БУУ, температура, жер, Антониу Гутерриш
Тема боюнча
Гутерриш дүйнө туңгуюкка кептелгенин айтып, эл башчыларына сунуш берди
Жаңы зеландиялык трансгендер оор отлетчи Лаурель Хаббард. Архив

Эркек киши Олимпиадада аялдар менен күч сынашат

79
(жаңыланган 10:02 07.05.2021)
Лаурель Хаббард 12 жыл мурда операция жасатып, жынысын алмаштырган. Ага чейин ал Гэвин деген ысым менен жашап, өз өлкөсүндө эркектер арасында алдыңкы оор атлетчи болгон.

БИШКЕК, 7-май — Sputnik. Жаңы зеландиялык оор отлетчи Лаурель Хаббард тарыхта Олимпиада оюндарына катышкан алгачкы трансгендер болуп калганы турат. Бул тууралуу The Guardian жазды.

43 жаштагы спортчу азырынча Жаңы Зеландиянын оор отлетика боюнча кыз-келиндер курама командасына расмий түрдө кабыл алына элек. Бирок Эл аралык олимпиада комитетинин жаңы эрежелерине ылайык, ал аялдар менен күч сынашып калышы толук мүмкүн.

Лаурель Хаббард  12 жыл мурда операция жасатып, жынысын алмаштырган. Ага чейин ал Гэвин деген ысым менен жашап, өз өлкөсүндө эркектер арасында алдыңкы оор атлетчи болгон.

Коомдук уюмдар анын аялдар арасында күч сынашына каршы болуп келет. Анткени спортчу расмий түрдө аял болгону менен факт жүзүндө дене түзүлүшү жана күчү эркектикиндей деп эсептешет.

Ал буга чейин Самоада өткөн кыз-келиндер мелдешине катышып, эки алтын, бир күмүш утуп алган.

79
Белгилер:
аял, оор атлетика, эреже, олимпиада, трансгендер, эркек
Тема боюнча
Модель болгусу келген кечил бала жынысын алмаштырып, подиумга чыкты
Бишкектеги кишилер айт-намазда. Архив

Кыргызстанда Орозой айт 13-майда белгиленет

0
(жаңыланган 13:21 07.05.2021)
Орозо айынын узактыгы ай календарына жараша 29 же 30 күн болот. Быйыл бул майрам 13-майга туура келгендиктен кыргызстандыктар эс алышат.

БИШКЕК, 7-май — Sputnik. Кыргызстанда бейшемби күнү, 13-майда Орозо айт белгиленет. Бул тууралуу муфтияттан билдиришти.

Мындай чечимди Аалымдар кеңеши кабыл алган.

Ислам шариатында Рамазан айынын башталышы жана аякташы жаңы чыккан айдын көрүнүүсүнө карап аныкталат. Орозо айы кээде 30 же 29 күн болот.

0
Белгилер:
орозо айт, Кыргызстан, Бишкек
Тема:
Орозо-2021
Тема боюнча
2021-жылдагы майрам жана дем алыш күндөр. Календарь
Орозо кармагандар COVID-19га каршы вакцина алса болобу? Министрликтин жообу