Операция. Архивдик сүрөт

Ашыгы үчүн төшүн чоңойтмокчу болгон келин майып болуп кала жаздады

2157
(жаңыланган 11:01 24.02.2019)
Жигитинин сунушу аялга бир топ оорчулук келтирген.

БИШКЕК, 24-фев. — Sputnik. Ашыгы үчүн төшүн чоңойтмокчу болгон келин майып болуп кала жаздаганын Botched телеберүүсүнө таянуу менен The Sun басылмасы жазып чыкты.

Эрика аттуу аял эмчегинен кандайдыр бир суюктук бөлүнүп чыгып жатканын айтып, дарыгерлерге кайрылган. Текшерүүдөн кийин доктурлар төшүнөн шишик таап, токтоосуз операцияга көндүрүшкөн. Эриканын сүйгөнү учурдан пайдаланып, төшүн да чоңойтуп алууга кеңеш берген.

Пластикадан кийин суюктуктун бөлүнүп чыгышы көбөйүп, аялдын эмчеги адаттагы формасын жоготуп, өзгөрүп кеткен. Дарыгерлердин кезектеги текшерүүсүнөн соң кайра шишик табылып, врачтар имплантаттарды алып салуу керектигин айтышкан. Операция учурунда хирургдар келиндин төшүн оңдоп беришкен.

Ушу тапта Эрика жигитинен кол үзүп, жашоосун жаңыдан баштап жатат.

Буга чейин таиланддык киши төшүн чоңойтуудан баш тарткан аялын балдары менен кошо өлтүрүп салганы боюнча интернетте маалымат тараган.

2157
Белгилер:
пластикалык хирургия, рак, операция, шишик
Тема боюнча
Ден соолукка бычак. Тез бышыра салуучу азыктар, нан жана туздалган жер-жемиш
Окумуштуулар рак илдетин алдын алуунун оңой жолун табышты
Россиянын Мамлекеттик думасынын КМШ иштери, евразиялык интеграция жана мекедештер менен байланыш комитетинин төрагасынын орун басары Виктор Водолацкий

Мамдума депутаты: орус тили КРде жашаган улуттардын пикир алышкан негизги тили

156
(жаңыланган 18:15 26.11.2020)
Буга чейин Конституциялык кеңешменин мүчөсү Садирдин Төралиев орус тилин расмий тил макамынан ажыратууну сунуштаган.

БИШКЕК, 26-ноя. — Sputnik, Мария Науменко. Россиянын Мамлекеттик думасынын КМШ иштери, евразиялык интеграция жана мекедештер менен байланыш комитетинин төрагасынын орун басары Виктор Водолацкий Кыргызстанда орус тилинен расмий тил макамын алып салуу идеясына каршы пикирин билдирди.

"Бул чагымчылдык, анткени орус тили —  Кыргызстанда жашаган бардык улуттардын пикир алышуусуна жардам берген негизги тил. Менимче, мындай чагымчылдык пикирлерге алдыдагы президенттик жана парламенттик шайлоолор чекит коет", — деди депутат.

Буга чейин Конституциялык кеңешменин мүчөсү Садирдин Төралиев орус тилин расмий тил макамынан ажыратууну сунуштаган. Мындай пикирин ал "кыргыз жаштары эне тилинде сүйлөбөй калды" деп түшүндүргөн.

"Россия — Кыргызстандын негизги саясий өнөктөшү. Орус тилинен баш тартуу, демек, өз мамлекеттүүлүгүн бузуу. Эгер бул маселе референдумга коюлса, Кыргызстанда жашаган элдин 99 пайызы анын макамын сактап калууга добуш берет деп ойлойм", — деди Водолацкий.

Кыргызстанда мамлекеттик тил — кыргыз тили, ал эми орус тили расмий тил макамына ээ.

Эске салсак, ушу тапта Кыргызстанда Констититуциялык кеңешме иштеп жатат. Ал Баш мыйзамдын долбоорун ар тараптуу талкуулоо жана бирдиктүү пикирге келүү үчүн түзүлгөн.

156
Белгилер:
депутат, пикир, макам, орус тили, Россия, Кыргызстан
Тема боюнча
Конституциялык кеңешмеде Кыргызстандын аталышын өзгөртүү сунушталды
Россия биздин ишенимдүү өнөктөш. Садыр Жапаров элчи менен жолукту
Кыргызстан жана Россиянын желектери. Архив

Президенттик аппарат орус тилинен расмий макамын алуу сунушу боюнча үн катты

326
(жаңыланган 18:11 26.11.2020)
Конституциялык кеңешмеде Садирдин Төралиев мамлекеттик тилди өнүктүрүү үчүн расмий тилди алып салууну сунуштаган.

БИШКЕК, 26-ноя. — Sputnik. Президенттин маалымат кызматынын жетекчиси Нургазы Анаркулов Конституциялык кеңешмеде орус тилинин расмий макамын алып салуу боюнча айтылган сунуш боюнча комментарий берди.

Кеңешменин жыйынында мүчөлөрдүн бири Садирдин Төралиев мамлекеттик тилди өнүктүрүү үчүн Конституциядан расмий тилди алып салууну сунуштаган.

"Бул тек гана Садирдин Төралиевдин көз карашы. Конституциялык кеңешменин мүчөлөрү ар тараптан чогулган, ар кандай пикирлер айтылып жатат. Бул бир адамдын гана ою, жыйынтыгында баары бир пикирге келет деп ишенебиз. Президенттик аппаратта орус тилинин расмий макамын алып салуу идеясы каралган эмес", — деди Анаркулов.

Учурда Кыргызстанда кыргыз тили — мамлекеттик, орус тили — расмий тил макамына ээ.

326
Белгилер:
президенттик аппарат, расмий, макам, орус тили
Тема боюнча
Конституциялык кеңешмеде Кыргызстандын аталышын өзгөртүү сунушталды
Конституциялык кеңешменин курамы өзгөрдү. Жаңы кошулган 10 адамдын тизмеси
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү