Пакистан туткунга алынган учкучту Индияга өткөрүп берди

© REUTERS / DANISH SIDDIQUIПакистан Индиянын аскерий аба күчтөрүнүн туткунга алынган командири Абхинандан Вартхаманды өткөрүп берди
Пакистан Индиянын аскерий аба күчтөрүнүн туткунга алынган командири Абхинандан Вартхаманды өткөрүп берди - Sputnik Кыргызстан
Жазылуу
Жоголуп кеткен жоокерди Индияга "тынчтык белгиси" катары өткөрүп берүү чечимин Пакистандын премьер-министри Имран Хан кабыл алган.

БИШКЕК, 2-фев. — Sputnik. Пакистан Индиянын аскерий аба күчтөрүнүн туткунга алынган командири Абхинандан Вартхаманды өткөрүп берди. Бул тууралуу РИА Новости агенттиги жазды.

Учкуч Пакистандын армиясына 27-февралда Кашмир аймагындагы талаштуу жерден колго түшкөн. Окуяны Индиянын негизги телеканалдары түз эфирден көрсөткөн.

АКШнын президенти Дональд Трамп менен Түндүк Кореянын башчысы Ким Чен Ын жолугушуу учурунда - Sputnik Кыргызстан
Трамп менен Ким Чен Ын көзмө-көз сүйлөштү
Туткундагы учкуч Кашмирдеги Вагах калктуу конушунан Индияга өткөрүп берилген. NDTV телеканалы буга чейин маалымдагандай, Индия жарадар болгон учкучун алып келүү үчүн атайын учак жөнөтүүнү пландаган, бирок Пакистан мындай талапка көнгөн эмес. Телеканалдын билдиришинче, Вагах аймагындагы чек арага жакын жерге журналисттер менен жергиликтүү тургундар учкучту чыныгы баатыр катары тосуп алуу үчүн топтолушкан.

Белгилей кетсек, 27-февралда Пакистандын армиясы Кашмирдеги талаштуу аймактын аба мейкиндигине кирип кеткен Индиянын эки аскерий учагын атып түшүргөнүн маалымдап, эки учкучту туткунга алышканын кабарлаган. Кийин Пакистандын ЖМКлары туткунга алынган учкучтардын бири Индиянын аскерий аба күчтөрүнүн авиациялык тармагынын командири Абхинандан Вартхаман экенин жазып чыгышкан.

Ал эми Индия тарап окуя кандай болгону тууралуу өз версиясын билдирген. Ага ылайык, Пакистандын аскерий аба күчтөрүнүн учагы Кашмирден атып түшүрүлгөн. Анын кесепетинен Индия МиГ-21 учагынан кол жууган, ал эми учкучу дайынсыз жоголгон. Бейшемби күнү кечинде Нью-Дели учкучу туткунга алынганын расмий ырастап, аны тезинен бошотууну талап кылган.

Жаңылыктар түрмөгү
0