Өзбекстандын мурунку президентинин кызы Гүлнара Каримова. Архивдик сүрөт

865 млн. доллар пара алган. АКШда Гүлнара Каримовага кылмыш иши козголду

261
(жаңыланган 00:02 09.03.2019)
Тергөөнүн версиясы боюнча Гүлнара Каримова чет өлкөлүк байланыш операторлорун Өзбекстандын рыногуна кийирүү үчүн жүз миллиондогон доллар пара талап кылган.

БИШКЕК, 8-мар. — Sputnik. Өзбекстандын мурунку президентинин кызы Гүлнара Каримова менен Россиянын "МобильдикТелеСистемалары" (МТС) телекоммуникациялык ишканасынын Өзбекстандагы "Уздунробита" туунду компаниясынын экс-директору Бехзод Ахмедовго АКШда кылмыш иши козголду.

Аларга кылмыштуу жол менен табылган каражатты адалдоо жана 865 миллион доллар пара алган деп айып тагылууда. Бул туурасында РИА Новости Нью-Йорктун прокуратурасына таянуу менен билдирди.

Маалыматка ылайык, Каримова кызматтык абалынан пайдаланып ири үч телекоммуникациялык компаниядан опузалап 865 миллион доллар пара алып, ал акчаны АКШнын каржы системасы аркылуу адалдаган.

МТСтен сырткары ал Vimpelcom LTD (Билайн — ред.) жана Telia Company AB (Telia) компанияларынан акча алмак болгон.

"МТС россиялык мобилдик оператору 865 миллион долларды төлөө боюнча АКШнын биржасы, баалуу кагаздар боюнча комиссиясы жана Юстиция министрлиги менен келишим түзгөн", — деп жазылат маалыматта.

2015-жылы жазында Американын Юстиция министрлиги Голландиянын прокуратурасы менен биргеликте Гүлнара Каримова аралашкан Vimpelcom, МТС жана скандинавиялык TeliaSonera, Takilant компаниялары менен түзүлгөн келишимдерди териштирерин билдирген. Мунун алкагында август айында АКШ бийлиги Европанын беш өлкөсүнө кайрылып, иликтөө учурунда Каримованын 1 миллиард доллар активдерин камакка алуу өтүнүчүн билдирген.

Тергөөнүн версиясы боюнча байланыш операторлору Өзбекстандын рыногуна кирүүгө укук алуу үчүн Каримова башында турган структураларга жүз миллиондогон доллар берип турган. Бул иштердин алкагында Vimpelcom 2016-жылы 795 миллион доллар төлөгөн.

261
Белгилер:
АКШ, айып, кылмыш, пара, оператор, Гүлнара Каримова
Тема боюнча
ЖМК: Гүлнара Каримованын үйүнөн 38 млн. долларлык азем буюмдар табылды
Гүлнара Каримованы абакка отургузушту. Өзгөртүлгөн өкүм
Sputnik Эстония агенттигинин жетекчиси Елена Черышева. Архивдик сүрөт

Черышева: Европанын Sputnik Эстония тушуккан абал боюнча унчукпаганы кылмыш

37
(жаңыланган 22:37 07.07.2020)
"Мир глазами СМИ в 2020 году" конференциясы Россия жана дүйнө жүзүндөгү журналистиканын азыркы абалын анализдөөгө арналган.

Эстон бийлиги сөз эркиндигинин принциптерин бузуп, Sputnik Эстония агенттигинин ишмердүүлүгүн чектөөнү улантууда. Бул тууралуу агенттиктин жетекчиси Елена Черышева "Мир глазами СМИ в 2020 году" деп аталган эл аралык конференцияда сүйлөп жатып айтты.

Иш-чарага Sputnik агенттигинин америкалык жана европалык редакцияларынын өкүлдөрү катышкан. Алардан тышкары РФ ТИМинин Маалымат жана басма сөз департаментинин директору Мария Захарова, америкалык көз карандысыз журналист Ева Бартлетт жана швейцариялык жазуучу Ги Меттан сөз сүйлөштү.

Sputnik Эстониянын редактору Черышева: эстончо сөз эркиндиги ЖМК үчүн кооптуу

Талкуунун негизги темаларынын бири Балтика мамлекеттериндеги Sputnik өкүлчүлүгүнүн байма-бай кысымга алынышы болду. Елена Черышеванын айтымында, Sputnik Эстония Балтика регионундагы башкача ойлонууга каршы күрөшүүнүн мыкты мисалы болуп калды.

"Административдик кысым, экономикалык блокада, саясий цензура, кылмыш ишин козгоо опузасынын баарын жон терибиз менен сездик. Эстониянын полициясы гана европалык санкцияларды өз каалаганындай түшүнөт сыяктуу", — деди Черышева.

Жетекчи 2020-жылдын 1-январынан тарта Sputnik Эстония сайты өзгөчө режимде иштеп жатканын эскертти. Агенттиктин кызматкерлери "Россия сегодня" эл аралык агенттиги менен иштешсеңер кылмыш иши козголот" деген полициянын коркутуусунан улам иштен кетүүгө аргасыз болушкан. Эстония бийлиги "Россия сегодня" эл аралык агенттигинин башкы директору Дмитрий Киселевго киргизилген чектөөлөрдү пайдаланууда. Бирок агенттиктин өзү ушу кезге чейин бир дагы санкциялык тизмеде жок.

Черышеванын айтымында, Европанын Sputnik Эстонияга карата мамилеси аны кооптондуруп келет.

"Брюссель унчукпай отурат, бул кылмышка тете. Алар Sputnik агенттигин жабуу боюнча Эстониянын тажрыйбасын пайдалануу үчүн башка мамлекеттерге жол ачууда", — деди журналист.

"Россия сегодня" ПАСЕде: журналисттерди кодулоо, түрмө, кесип ишеними жөнүндө

Азырынча редакция салык төлөмдөрүн камактан чыгарууга гана жетише алган. Мындан улам агенттик эстон казынасына салык төлөөсүн улантып келет, бирок салык департаменти электрондук тейлөөгө тыюу салган. Черышева "Россия сегодня" эл аралык агенттиги абалдан чыгуунун жолун табарына үмүт артып, ушу тапта чындыкты улуттук тилде айтуу өтө маанилүү экенин белгиледи.

Журналист жана саясий таануучу Армен Гаспаряндын айтымында, европалык структуралардын унчукпаганы Балтика мамлекеттеринде сөз эркиндигинин жоктугун айгинелейт. Ал европалык уюмдар Sputnik Эстония россиялык ЖМК болгону үчүн кийлигишпей жатканын кошумчалады. 

Ведущий радио Sputnik Армен Гаспарян на радиостудии.
© Sputnik / Владимир Трефилов
Журналист жана саясий таануучу Армен Гаспарян
"Бир катар өлкөлөрдө Sputnik редакцияларын куугунтуктоо көндүм ишке айланып калды. Балким, сөз эркиндигин биз туура эмес түшүнүп жаткандырбыз. Балким, бул терминге "сөз эркиндиги — бул биз тараптан айтылган чындыкты атайылап көз жаздымда калтыруу" дегенди кошуу керектир", — деди Гаспарян.

Журналисттин сөзүн Франциядагы Sputnik редакциясынын тушуккан абалы да тастыктайт. Басылма ушу кезге чейин президенттик пулдун аккредитациясынан өтпөй, Елисей сарайына бара албай келет. Бул тууралуу аталган агенттиктин өкүлү Марья Липатова билдирди.

"Франк тилдүү ЖМКлардын арасынан биз биринчи болуп коронавирус тууралуу жазып, пандемияга карабай ишибизди уланттык. Sputnik кабарчысынын жасаган репортаждары кийин Франциянын ЖМКлары тарабынан кеңири колдонулду", — деди ал.

Липатова Sputnik Франция россиялык саясатчылардын айтканын француз тилине которуп жарыялаганы менен дайым фейк маалыматтарга күнөөлөнүп келерин белгиледи.

"Буга карабастан агенттиктин аудиториясы кеңейүүдө. Sputnik Франциянын цитаталарын колдонгон кесиптештерибиздин бизге болгон ишеними да артып барат", — деп сөзүн жыйынтыктады журналист.

ЕККУ төрагасы Sputnik Эстония боюнча абалга пикирин айтты

"Мир глазами СМИ в 2020 году" конференциясы Россия жана дүйнө жүзүндөгү журналистиканын азыркы абалын анализдөөгө арналган. Иш-чара 7-июль күнү "Россия сегодня" агенттигинин мультимедиалык маалымат борборунда онлайн форматында өттү.

37
Белгилер:
конференция, басылма, сөз эркиндиги, редакция, коронавирус
Тема боюнча
Sputnik Эстониянын редактору Черышева: эстончо сөз эркиндиги ЖМК үчүн кооптуу
ЕККУ төрагасы Sputnik Эстония боюнча абалга пикирин айтты
Бою узун кыз. Архивдик сүрөт

Бою шып тиреген узун буттуу монголиялык кыз элди таң калтырууда. Сүрөт

1211
(жаңыланган 20:06 07.07.2020)
29 жаштагы Рентсенхорлоо Рен Бад Монголияда төрөлгөн, бирок азыркы тапта Чикаго шаарында жашайт. Ал дүйнөдөгү узун буттуу кыздардын бири.

БИШКЕК, 7-июл. — Sputnik. Монголиялык кыз болуп көрбөгөндөй узун буттары менен социалдык тармактын колдонуучуларын таң калтырды. Бул тууралуу The Daily Mail басылмасы жазган. 

29 жаштагы Рентсенхорлоо Рен Бад Монголияда төрөлгөн, бирок азыркы тапта ал Чикаго шаарында жашайт.

Посмотреть эту публикацию в Instagram

Публикация от Renny🥰😘🤗 (@rentsenkhorloo_bud)

Басылманын билдирмесине ылайык, ал дүйнөдөгү узун буттуу кыздардын бири болуп эсептелет. Анын бою — 206 сантиметр, андан буту эле 134 сантиметр 11 миллиметр.

Посмотреть эту публикацию в Instagram

Публикация от Renny🥰😘🤗 (@rentsenkhorloo_bud)

Маалым болгондой, узун буттуу кыз ата-энесин тарткан. Атасынын бою 208 болсо, энесиники — 185 сантиметр.

Посмотреть эту публикацию в Instagram

Публикация от Renny🥰😘🤗 (@rentsenkhorloo_bud)

"Өзүмө узун буттарым аябай жагат. Кыска шым менен бийик такалуу бут кийим кийип аны башкаларга көргөзгөндү жакшы көрөм. Буттарым менин өзгөчө экенимди көрсөтөт", — деген Рентсенхорлоо Рен Бад.

Посмотреть эту публикацию в Instagram

Публикация от Renny🥰😘🤗 (@rentsenkhorloo_bud)

Буттары баарынан да дүкөн кыдырганда, эшиктерден өтө албай калганда түйшүк жаратарын мойнуна алган.

Посмотреть эту публикацию в Instagram

Публикация от Renny🥰😘🤗 (@rentsenkhorloo_bud)

"Эшиктен өтө албай кыйналам, алар мен үчүн абдан кыска. Дайыма сүзүп алам. Дүкөн кыдыруу — бул өзүнчө баш оору. Айрыкча бутума 46 өлчөмүндөгү бут кийим таба албай убара тартам", — деген ал.

Сулуу болом деп... Операциядан кийин бети төрт бурч болуп калган кыздын сүрөтү

Рентсенхорлоо бутунун арты менен жумуш тапканын айткан. Жакында эле ал бою узун кыздарга легинсы (кууш шым) чыгарган бренд менен кызматташа баштаган.

1211
Белгилер:
Сүрөт, социалдык тармак, бут, кыз, Чикаго
Тема боюнча
Италияда 60тагы аял башына операция жасап жатканда тамак даярдап таң калтырды
Жапжаш кыздай! АКШлык 70 жаштагы дизайнер аялдын сүрөттөрү таң калтырды
Рулду кармаган айдоочу. Архивдик сүрөт

Бишкекте кафеге кирип кеткен жолтандабастын айдоочусу изделүүдө

0
(жаңыланган 23:50 07.07.2020)
Веселая жана Салиева көчөлөрүнүн кесилишинде жолтандабас кафенин ичине кирип кеткен видео жарыяланган.

БИШКЕК, 7-июл. — Sputnik. Борбор калаада дубалды сүзүп, кафеге кирип кеткен жолтандабастын айдоочусу изделүүдө. Бул тууралуу Милициянын кайгуул кызматынан кабарлашты.

Эске салсак, бүгүн саат 15:45терде Веселая жана Салиева көчөлөрүнүн кесилишинде автоунаа кафенин ичине кирип кеткен видео жарыяланган. Алдын ала маалымат боюнча, автоунааны кыз башкарып бараткан.

Ылдамдыгы жүрөк түшүрөт! Жалал-Абадда кафени күү менен келип сүзгөн жолтандабастын видеосу

"Кырсык катталган жерден автоунаа айдоочусу из жашырып кеткен. Буга байланыштуу милициянын кайгуул кызматынын өздүк курамына багыттама берилип, издөө бөлүмүнө айдоочуну табуу тапшырылды", — деп айтылат билдирүүдө.

Кайгуул кызматы из жашырып кеткен айдоочу жоопкерчиликке тартыларын эскертти.

0
Белгилер:
кырсык, милиция, издөө, айдоочу, кафе, Бишкек
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады