MMA мушкери Вячеслав Дацик. Архив

Башын жарам! Дацик спортчу Емельяненкого опурулуп, жекеме-жеке чыгарын айтты

820
(жаңыланган 12:28 11.03.2019)
Вячеслав Дацик беттеш бирма эрежеси менен болорун жар салды.

БИШКЕК, 10-мар. — Sputnik. Чырга жакын, улутчул спортчу, MMA мушкери Вячеслав Дацик беттеште Александр Емельяненконун "башын жаруу" тилеги бар экендигин айтты. Бул туурасында РИА Новости жазды. 

Дацик 26-февралда эркиндикке чыккан. Ал "сойкулардын жылаңач жүрүшү" деп аталган иш боюнча жазага тартылган. Дацик Санкт-Петербургда борделдин кардарлары менен кызматкерлерин көчөгө жылаңач басууга мажбур кылган. Эми ал Емельяненко менен беттешээрин айтты.

"Мушташып түрмөгө түшүп калбаш үчүн мамилебизди спорттук мелдештин алкагында чечебиз. Биздин чатагыбыз 10 жылга чукул убакыттан бери келе жатат. Качан мушташып, кимиси жеңээр экен деп бүт өлкө күтүп жүрөт. Бери дегенде эле анын башын жарам", — деген ал.

Вячеслав Дацик беттеш бирма эрежеси менен болорун жар салды.

Беттеш калысы жок эле, тегеректеген топтун ортосунда болорун айткан. Эстен танганча мушташабыз деп кошумчалаган.

2016-жылы Дацик Красноярск аймагындагы абактан чыккан. Ал Петербургдагы телефон аппараттарын саткан жайга каракчылык кылганы үчүн отурган. 2007-жылы акыл-эси жайында эместердин ооруканасына жаткырылып, бирок спортчу 2010-жылы качып кеткенге үлгүргөн. Кайсы бир жолдор менен (Осло) Норвегиядагы иммиграциялык конторага барганга, аталган өлкөдөн башпаанек сураганган жетишкен. Ал жердегилер жанына тапанча алып жүргөн Дацикти полицияга салып берген.

Бул билдирүүдөн кийин  Александр Емельяненко теле эфирде Дацикти жазалоого жеке өзү даяр экендигин айткан.  Андан соң Вячеслав Емельяненкого кайрылып, "мени издештин кереги жок,  сени өзүм таап алам" деп жооп кайтарган.

820
Белгилер:
беттешүү, Александр Емельяненко
Тема боюнча
Мушкер Барчынай Узгенбаева Россиядагы сулуулук сынагына катышууда. Сүрөттөр
Россияда көк бөрү боюнча эл аралык мелдеш

Россиядагы көк бөрү турнирин Москва командасы утуп алды. Сүрөт

37
(жаңыланган 16:46 14.06.2021)
Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты.

БИШКЕК, 14-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды.

Баш байгеге Айтматовдун кубогу ойнотулуп, аны Москва командасы утуп алды.

  • Команды во время международного турнира по кок-бору в России на кубок Чингиза Айтматова. 14 июня 2021 года
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды
    © Фото / пресс-служба Федерации кок-бору Кыргызстана
  • Команда из Московской области  выигравшая международный турнир по кок-бору в России на кубок Чингиза Айтматова. 14 июня 2021 года
    Баш байгеге Айтматовдун кубогу ойнотулуп, аны Москва командасы утуп алды
    © Фото / пресс-служба Федерации кок-бору Кыргызстана
  • Команды во время международного турнира по кок-бору в России на кубок Чингиза Айтматова. 14 июня 2021 года
    Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты
    © Фото / пресс-служба Федерации кок-бору Кыргызстана
1 / 3
© Фото / пресс-служба Федерации кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды

Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты. Көк бөрүнүн маанисин эл аралык аренада көрсөтүп берүү үчүн Москва, Иркутск жана Подольск шаарларындагы командалардын ар бирине экиден кыргызстандык көк бөрүчү кошулуп ойноду.

Жарым финалда Подольск командасы "Атуул" (Кыргызстан) менен беттешип, 12:2 эсеби менен 3-орунду ээледи. Ал эми финалдык беттеште Москва облусунун командасы Иркутскинин улакчыларын 4:1 эсебинде утуп, баш байгеге ээ болду.

Мындан тышкары, Москва командасынан Бообек Шекербек уулу турнирдин мыкты оюнчусу, Иркутскинин "Бойка" аттуу аргымагы мыкты ат наамына татыды.

Сыйлоо аземине Көк бөрү федерациясынын президенти Искендер Кадыркулов, Спорттун улуттук түрлөрү боюнча дирекциянын директору Айбек Ажигулов жана Россия элдеринин ассамблеясынын аткаруу комитетинин төрагасынын орун басары Назиржон Абдуганиев катышкан.

Спорттун улуттук түрлөрү боюнча дирекция аталган турнирге катышуу үчүн 12 улакчыны Москвага жөнөткөн.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлдү. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурган.

37
Белгилер:
турнир, мелдеш, Көк бөрү, Россия
Тема боюнча
Россияда Айтматов атындагы эл аралык көк бөрү мелдеши башталды
"Русский мир" фестивалында көк бөрү мелдеши өтөт
Кыргызстандык белгилүү балбан Айсулуу Тыныбекова

Айсулуу Тыныбекова Бириккен күрөш уюмунун рейтингинде 1-орунга чыкты

75
(жаңыланган 16:03 14.06.2021)
Тыныбекова акыркы мелдешине чейин 62 килограмм салмактагы балбандар арасында бешинчи орунда турса, азыр биринчиге жайгашты.

БИШКЕК, 14-июн. — Sputnik. Кыргызстандык белгилүү балбан Айсулуу Тыныбекова Бириккен күрөш уюмунун (UWW) рейтингинин сап башына чыкты. Бул тууралуу спорттук уюмдун сайтында жазылды.

Жаңы рейтинг Польшадагы эл аралык турнир жыйынтыкталгандан кийин жарыяланды. Бул мелдеште Тыныбекова алтын алган.

Эми балбан кыз 62 килограмм салмактагылар арасында биринчи орунда турат. Ага чейин тизмеде бешинчи болчу. Экинчиге венгриялык Марианна Шаштин, үчүнчүгө бразилиялык Лаис Нуньес жайгашты.

75
Белгилер:
рейтинг, балбан, күрөш, UWW, Айсулуу Тыныбекова
Тема боюнча
Утулуп жатып утуп кетти. Тыныбекова Poland Open турниринин финалына чыккан видео
Айсулуу баш болгон балбан кыздар Польшадагы турнирге катышат. Убактысы
Көйкашка коомдук бирикмесинин мүчөсү, манасчы Нурбек Талантбеков. Архив

Талантбеков: манасчылар мектебин ачуу мерчемделүүдө

0
(жаңыланган 18:05 14.06.2021)
Көйкашка" коомдук бирикмесинин мүчөсү, манасчы Нурбек Талантбеков соңку учурда манасчылык мектебин ачуу зарылдыгы жетилгенин белгиледи.

Манасчылык мектебин ачуу менен эпостогу коошпостуктар жөнгө салынат. Бул тууралуу Нурбек Талантбеков Sputnik Кыргызстан радиосунда маек куруп жатып билдирди.

Талантбеков: манасчылар мектебин ачуу мерчемделүүдө

Анын айтымында, буга чейин манасчылык боюнча жалгыз Тыныбек Жапый уулунун гана мектеби болгон.

"Мектептерде "Манас таануу" сабагы кирип жатканына карабастан манасчылык мектебин ачуу зарылдыгы жетилди. Тарыхта манасчылык боюнча бир эле мектеп болгон. Ал чоң манасчы Тыныбек Жапый уулунуку. Маселен, Сагынбай Орозбаков, Тоголок Молдо (Байымбет Абдырахманов), Молдобасан Бусурманкулов, Байбагыш, Деңизбай сындуу залкар манасчылар ошол мектептен өткөндүктөн, алардын "Манасында" эпостун окуясы системалуу түрдө, иреттүү, көркөм берилген. Мектептен таалим алгандар менен андан өтпөгөн манасчылардын варианты кескин айырмаланат. Бул манасчылык деңгээлдин көтөрүлүшүнө таасирин тийгизип, кийинки муунга көркөм, бай варианттагы эпосту калтырат. Албетте, ар кимдин өзүнүн варианты бар. Маселен "Манастын" — 80, "Семетейдин" 50гө чукул, "Сейтектин" 23төй варианты айтылып жүрөт. Ушулардын ар биринин сюжетинде айырмачылык бар. Эл кайсынысын кабылдап, кимисиникин туура деши керек? Бул бир мектептен окубагандыктан улам келип чыгууда. Мына ушул кемчиликти жоюп, системалуу түрдө иш алып баруу үчүн манасчылык мектебин ачуу мерчемделүүдө", — деди Талантбеков.

Ошондой эле мектептен окууну каалагандар азыртадан даярдык көрүп баштоосу керектигин кошумчалады.

0
Белгилер:
эпос, мектеп, Манас эпосу, Нурбек Талантбеков
Тема боюнча
Манасчы Баянгали Алимжанов үчилтикти бириктирип казак тилинде китеп чыгарды