UFC уюмунун мурдагы чемпиону, ирландиялык мушкер Конор Макгрегор. Архивдик сүрөт

Конор Макгрегор киши тоноду делип Майамиде кармалды

454
(жаңыланган 10:12 12.03.2019)
Спортчу отелден чыгып келе жатканда жабырлануучу аны телефонго тартканга аракет кылган. Бул учурда ММА мушкери эркек кишинин колундагы мобильнигин талкалап, буту менен тепселеп салган. Жабырлануучунун айтымында, уюлдук телефону миң доллар турат.

БИШКЕК, 12-мар. — Sputnik. UFC уюмунун мурдагы чемпиону, ирландиялык мушкер Конор Макгрегор тоноочулукка жана кылмыш жолу менен зыян келтирүүгө шектелип Флориданын Майами-Бич шаарында кармалды. Бул туурасында Р-Спорт аймактык полицияга шилтеме кылып жазды. 

Тартип сакчыларынын айтымында, Макгрегор дүйшөмбү күнү саат 7.56да (Москва убактысы боюнча 00.56, шейшемби) кармалган. Спортчу отелден чыгып келе жатканда жабырлануучу аны телефонго тартканга аракет кылган. Бул учурда ММА мушкери эркек кишинин колундагы мобильнигин талкалап, буту менен тепселеп салган.

​Андан соң Макгрегор телефонду жерден алып, аны көтөрүп кетип калган. Жабырлануучунун айтымында, уюлдук телефону миң доллар турчу.

ММА мушкери Конор Макгрегор былтыр 6-октябрда UFC 229 турниринин алкагында россиялык Хабиб Нурмагомедовго утулуп калган. Макгрегор аралаш мушташ боюнча 21 мелдештин жеңүүчүсү, төрт ирет утулган.

454
Белгилер:
тоноо, телефон, мушкер, Конор Макгрегор
Тема боюнча
ММА дүйнөсүндө Конор Макгрегордун "клону" пайда болду
UFC мушкери Рафаэль Физиев: Конор менен Хабиб мендей эле мушкер, утса болот