Цветы около мечети в городе Крайстчерч в Новой Зеландии, где мужчина расстрелял людей в мечети. 6 марта 2019 года

Жаңы Зеландиядагы терактыдан курман болгондордун саны 50гө жетти

285
(жаңыланган 12:26 16.03.2019)
Каргашаны жасады деп Австралиянын үч жараны шектелип, бирөөнө киши өлтүрүү боюнча айып тагылууда.

БИШКЕК, 16-мар. — Sputnik. Cауд Аравиянын жараны Мохсен аль-Мазини Жаңы Зеландиядагы мечитте аткылоого кабылып каза болду. Муну менен терактыдан каза болгондордун саны 50гө жетти. Бул туурасында РИА Новости жазды.

Ал эми жаранынын каза болгондугу туурасындагы маалыматты аталган падышалыктын ТИМ жетекчиси Ибрахим аль-Асаф билдирди.

Эске салсак, Жаңы Зеландиянын Крайстчерч шаарындагы мечит аткылоого алынган. Учурда каза болгондордун саны 50гө жетсе, дагы 50 киши жарадар болуп, ооруканага түшкөн.

Шейшемби күнү Крайстчерч шаарында болгон аткылоону жаңы Зеландиянын өкмөт башчысы Жасинда Ардерн теракт деп атады. Муну жасады деп Австралиянын үч жараны шектелип, бирөөнө киши өлтүрүү боюнча айып тагылууда.

Бул окуя өлкөдөгү 1943-жылдан бери жасалган ири каргаша. Аталган жылы Фезерстоундогу түрмөдөгү козголоңдо Япониянын 48 аскери менен жаңы зеландиялык бир адам каза тапкан.

"Жарадар болгон бир киши дарыланып жатат, ал эми дагы бирөө жума күнү Аллага кетти", — деп айткан министр Мохсен аль-Мазини.

Ал мындай терактылар улуттар арасындагы ажырымды азайтууга адамзаттын биригип алып каршы күрөшүүсүн талап кыларын айтты.

Буга чейин падышалыктын Веллингтондогу элчилиги Крайстчерчтеги терактыдан саударавиялык эки киши жарадар болгондугун, аларга дипломатиялык миссиянын кызматкерлери жардам берип жаткандыгын айтышкан.

Сауд Аравиянын жарадар болгон дагы бир жаранынын (өспүрүмдүн) атасы уулунун абалы жакшы болгону менен психологиялык жактан калыбына келтирүү боюнча жардамга муктаж экендигин билдирген.

285
Белгилер:
өлүм, мечит, теракт, Жаңы Зеландия
Тема:
Жаңы Зеландиядагы мечиттердеги кыргын (6)
Тема боюнча
Мечитке кол салуудан 30га чукул адам каза болду. Жаңы Зеландиядагы каргаша
Норканын терилери. Архив

Израиль биринчилерден болуп аң тери буюмдарын сатууга тыюу салды

3
(жаңыланган 11:14 13.06.2021)
Мыйзам бузгандарга 75 миң шекель (23 миң доллардай) өлчөмүндө айып пул салынат же бир жылга чейин эркинен ажыратылмакчы.

БИШКЕК, 13-июн. — Sputnik. Израиль биринчилерден болуп аң тери буюмдарын сатууга тыюу салды. Бул тууралуу National Geographic жазды.

Жапайы жаныбарларды коргоо жобосуна өзгөртүүлөрдү киргизүүнү сурамжылоого катышкандардын 86 пайызы колдогон. Ал 2021-жылдын декабрь айында күчүнө кирет. Тиешелүү документке өлкөнүн айлана-чөйрөнү коргоо министри Гила Гимлиэль кол койгон.

Израилде мындан ары аң терилеринен тигилген кийимдер менен алардан жасалган буюмдарды өндүрүүгө жана сатууга лицензия берилбей турганы айтылат. Мыйзам бузгандарга 75 миң шекель (23 миң доллардай) өлчөмүндө айып пул салынат же бир жылга чейин эркинен ажыратылат.

Бирок мыйзамда бир нерсеге уруксат берилген: аң терилери илим-изилдөө иштеринде жана диний жөрөлгөлөрдө колдонулат. Бул хасид жамааттары (штраймл) кара териден тигилген баш кийим кийгендери менен байланыштуу.

Дүйнөлүк уюмдар бул кадамды "тарыхый жеңиш" деп атаган.

3
Белгилер:
мыйзам, тыюу салуу, сатуу, тери, жаныбарлар, Израиль
Тема боюнча
Кочкордогу фотокапканга түшкөн жаныбарлардын жаңы сүрөттөрү
Кыз талиясын ченеп жатат. Иллюстративдик сүрөт

Дарыгер диетасыз, залга барбай эле арыктоонун жолун айтты

46
Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт.

БИШКЕК, 13-июн. — Sputnik. Диетолог Тамила Арсеньева тез жана ден соолукка зыян келтирбей, диетасы жок, машыгуу залына барып оор көнүгүү жасабай эле арыктоонун сырлары менен бөлүшкөнүн РИА Новости жазды.

Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт. Рациондо сөзсүз түрдө курамында клетчаткасы көп азыктардын болушу керек. Анткени клетчатка ичегинин иштөөсүн жакшыртып, адамды ток алып жүрөт.

Организмге белокко бай азыктар, жалбырактуу жашылча, чөп-чар, мөмө-жемиштер да керек.

Диетолог кумшекерди, кофе, газдалган суусундук жана ичимдикти азайтуу керектигин да белгилеген.

"Жок дегенде ушуларды тизмеден чийип салсаңар бир айда беш килограммга чейин салмак таштоого болот. Арыктоону каалагандар суу ичкенди да билиши керек. Таттуу суусундук тууралуу айтканым жок. Кадимки сууну басып-туруп ичсе, ал зат алмашууну 20 пайызга чейин ылдамдатат", — деди адис.

Арсеньева зат алмашууну ылдамдатууга спорт да жакшы жардамчы экенин айтып, ага кыймылдын бардык түрү, ал тургай жөө басуу да кирерин белгилеген.

Адис стресстен оолак болууну эскертип, кыйын учурда кызыктуу ишке алаксып кетүүнү сунуштаган. Мисалы, фитнес, йога же китеп окуп алаксып, достор менен баарлашууга кеңеш берген.

46
Белгилер:
рацион, тамак, машыгуу, диета, арыктоо, диетолог
Тема боюнча
Дарыгер: майы жок азык менен арыктоо тукумсуздукка алып келиши мүмкүн
Диетолог жумуртканы эртең мененки тамакка колдонбой эле коюуга чакырды