Сотрудники полиции на месте стрельбы в мечети города Крайстчерча в Новой Зеландии. 15 марта 2019 года

Премьер-министр: Жаңы Зеландиядагы террорчу дагы көп кишини өлтүрүүгө ниеттенген

286
Уюшулган топ жасаган терактыдан 50 адам каза болуп, дагы 50сү жабыркаган.

БИШКЕК, 16-мар. — Sputnik. Жаңы Зеландиядагы мечиттин ичиндегилерге кол салган Брентон Таррант дагы бир топ адамды өлтүрүүнү пландаган. Бул тууралуу аталган өлкөнүн премьер-министри Жасинда Ардерн билдиргенин РИА Новости жазды.

Уюшулган топ жасаган терактыдан 50 адам каза болгон. Алардын ичинен 41и Крайстчерч шаарында өлтүрүлсө, жетөө Линвуд аймагындагы мечиттен курман болгон. Дагы экөө ооруканадан көз жумган.

Мындан тышкары, 50 адам жарадар болгон. Кырсык катталган мечиттер бири-биринен болжол менен беш чакырым эле алыс жайгашкан.

"Айыпталып жаткан адам атышуу тууралуу маалымат түшкөндөн 36 мүнөт өткөндөн соң кармалган. Ал отурган унаада ок атуучу эки курал табылган. Таррант дагы бир топ адамды мерт кылууну пландаган", — деген премьер-министр.

Маалым болгондой, кылмышка шектүү делип үч адам кармалган. Алардын арасында Австралиянын да жараны бар. Таррантка адам өлтүрдү деген айып тагылып, сот аны 5-апрелге чейин камакта калтырган.

286
Белгилер:
мечит, теракт, Жаңы Зеландия
Тема:
Жаңы Зеландиядагы мечиттердеги кыргын (6)
Тема боюнча
Жаңы Зеландияда кыргын салды деген киши сотто улутчулдардын белгисин көрсөттү
Жаңы Зеландиядагы терактыдан курман болгондордун саны 50гө жетти
Кит. Архив

Кит жутуп алып кайра чыгарып салган балыкчынын азыркы кебетеси. Сүрөт

8
(жаңыланган 11:36 13.06.2021)
Океандын жээгинде лобстер уулап жүргөн балыкчыны кит жутуп алды. Адегенде ири толкун болгонун сезген киши андан кийин караңгынын кучагында калган.

БИШКЕК, 13-июн. — Sputnik. АКШда кит жутуп алган балыкчы аман калды. Бул тууралуу CBS Boston телеканалы жазып чыкты.

Шумдук окуяга Американын Провинстаун шаарынын тургуну Майкл Паккард кабылган. Ал Кейп-Код жарым аралында океанды жээктеп лобстер (деңиз рагы) уулап жүргөн.

Ага адегенде ири толкун болгону байкалган, анан эле караңгы болуп кеткен. Майкл адегенде акула жутуп алды деп ойлогон. Кийинчерээк киттин оозунда экенин билген. Жөн турбастан сүзүп, кыймылын уланткан. Бактысына алп жандык суунун бетине чыгып, оозундагыларын сыртка бүркүп, балыкчы океанга кулаган.

"Мен бошонуп, эркин болуп сүзүп кеттим. Өзүм да буга ишенген жокмун", — деген ал.

Жакын жердеги балыкчылар аны ооруканага жеткиришкен. Дарыгерлер Майклдын майда тамырлары гана жабыркаганын аныкташкан. Башка эч кандай олуттуу жаракат алган эмес, эч жери сынган да эмес.

Окумуштуулар мындай окуя сейрек кездешерин белгилешет. Алардын айтымында, кит демейде адамга коркунуч келтирбейт, болгону суудагы майда балыктар жана башка деңиз жандыктары менен тамактанып жатканда кишини да кокусунан жутуп алышы мүмкүн.

8
Белгилер:
АКШ, окуя, кит, океан, адам
Тема боюнча
Торго түшкөн акуланы сууга кое беришкен. Боорукер балыкчылардын видеосу
Норканын терилери. Архив

Израиль биринчилерден болуп аң тери буюмдарын сатууга тыюу салды

7
(жаңыланган 11:14 13.06.2021)
Мыйзам бузгандарга 75 миң шекель (23 миң доллардай) өлчөмүндө айып пул салынат же бир жылга чейин эркинен ажыратылмакчы.

БИШКЕК, 13-июн. — Sputnik. Израиль биринчилерден болуп аң тери буюмдарын сатууга тыюу салды. Бул тууралуу National Geographic жазды.

Жапайы жаныбарларды коргоо жобосуна өзгөртүүлөрдү киргизүүнү сурамжылоого катышкандардын 86 пайызы колдогон. Ал 2021-жылдын декабрь айында күчүнө кирет. Тиешелүү документке өлкөнүн айлана-чөйрөнү коргоо министри Гила Гимлиэль кол койгон.

Израилде мындан ары аң терилеринен тигилген кийимдер менен алардан жасалган буюмдарды өндүрүүгө жана сатууга лицензия берилбей турганы айтылат. Мыйзам бузгандарга 75 миң шекель (23 миң доллардай) өлчөмүндө айып пул салынат же бир жылга чейин эркинен ажыратылат.

Бирок мыйзамда бир нерсеге уруксат берилген: аң терилери илим-изилдөө иштеринде жана диний жөрөлгөлөрдө колдонулат. Бул хасид жамааттары (штраймл) кара териден тигилген баш кийим кийгендери менен байланыштуу.

Дүйнөлүк уюмдар бул кадамды "тарыхый жеңиш" деп атаган.

7
Белгилер:
мыйзам, тыюу салуу, сатуу, тери, жаныбарлар, Израиль
Тема боюнча
Кочкордогу фотокапканга түшкөн жаныбарлардын жаңы сүрөттөрү