Африканын түштүгүндөгү өлкөлөрдү Идаи циклону

Циклон Африка өлкөлөрүн кыйратып кетти. 1000дей кишинин өлгөнү айтылууда

517
Кызыл чырым менен Кызыл жарым ай уюмдарынын эл аралык федерациясы кырдаалды "масштабдуу жана үрөй учурган" деп баалады.

БИШКЕК, 19-мар. — Sputnik. Африканын түштүгүндөгү өлкөлөрдү "Идаи" циклону кыйратып кеткенин ВВС билдирди.

Өлкө президенти Филипе Ньюсинин айтымында, аталган табигый кырсыктан өлгөн кишинин саны Мозамбикте 1000ге жетиши мүмкүн.

Циклон бейшемби күнү Бейра шаарына жакын жерде жердин көчүшүн шарттаган. Бороон-чапкындан улам куткаруучулар кырсык болгон жерге жекшемби күнү жеткен.

Расмий статистикага ылайык, суу ташкыны менен катуу шамалдан 84 адам каза таап, үйлөр кыйраган. Африка континентинин түштүк аймагында 180 киши кырсыктын курмандыгына айланганы айтылат. Дагы 1500дөй адам бактар кулап, курулуштардын ураганынан жапа чеккен.

Бейра шаарына барган Мозамбиктин башчысы циклондун кесепети абдан жаман экенин белгиледи. Ал сууда өлгөн кишилердин сөөгүн көргөнүн да кошумчалаган.

Кызыл чырым менен Кызыл жарым ай уюмдарынын эл аралык федерациясы кырдаалды "масштабдуу жана үрөй учурган" деп баалады. Анын өкүлү Жейми ЛеСёр куткаруучулар бактарга илинип калган адамдарды чыгарышканын айтып берген.

Коңшу Зимбабведе 98 адам мерт болсо, дагы 217 киши дайынсыз болуп жатканын жергиликтүү бийлик кабарлады. Мындан тышкары, Малави да жабыркаган. Нөшөрдөн улам пайда болгон суу ташкыны 122 кишинин өмүрүн алып кетти.

517
Белгилер:
бороон, шамал, суу ташкыны, Циклон, Африка
Тема боюнча
Индонезияда суу ташкынынан 63 адам каза тапты
Белоруссияда нааразычылык акциясынын катышуучулары

Лукашенко: митингге чыккандарды чет мамлекеттен туруп көзөмөлдөшкөн

44
(жаңыланган 16:39 10.08.2020)
Түндө президенттик шайлоодон кийин Минскиде башаламандык болуп, кишилер жабыркаган. Айрымдарын күч түзүмдөрү кармап кеткен.

БИШКЕК, 10-авг. — Sputnik. Александр Лукашенко Белоруссияда нааразычылыкка чыккандарды Польша, Британия жана Чехиядагылар башкарып жатканын билдирди. Бул тууралуу Sputnik Белоруссия агенттигинин Telegram-каналы жазды.

Анын айтымында, чет мамлекеттен чалуулар катталган, бирок аларга карабастан шайлоо жогорку деңгээлде өттү.

"Бул майрам да, аны бузгусу келгендер болду. Биз аларды байкадык, көрүнүп эле турду. Чет мамлекеттеги чалууларды каттадык. Польша, Улуу Британия жана Чехиядан чалуулар болгон, алар биздикилерди, кечиресиздер, койлорду башкарышкан. Алар өздөрү эмне кылып жатканын түшүнүшкөн жок, ошон үчүн башкарып алышты да", — деген Лукашенко КМШнын байкоочулар миссиясынын башчысы Сергей Лебедев менен болгон жолугушуусунда.

Эске сала кетсек, Белоруссиядагы президенттик шайлоонун алдын ала жыйынтыгы менен учурдагы президент Александр Лукашенко атаандаштарын жеңип чыкты.

Минск: ОМОН жоокерлери менен митингчилердин кагылышкан учуру. Видео

Түндө шайлоодон кийин Минскиде башаламандык болуп, кишилер жабыркап, кармалгандар болгон.

Президент аталган өлкөдө беш жылдык мөөнөткө шайланат. Бул сапар өлкө жетекчиси болгон адам 2025-жылга чейин бийлик башында турмакчы. Бул эгемендүүлүк алгандан тарта Белоруссияда өткөн президенттик алтынчы шайлоо.

44
Белгилер:
нааразычылык акциясы, шайлоо, президент, Александр Лукашенко, Белоруссия
Тема боюнча
38 жашта. Лукашенкодон тизгин талашкан Тихановскаянын таржымалы
Доллар акчалары. Архивдик сүрөт

ЕТӨФ кеңеши Кыргызстанга 100 миллион доллар насыя бермей болду

124
(жаңыланган 13:28 10.08.2020)
Каражат өкмөт менен Улуттук банктын COVID-19 эпидемиясынын кесепеттерине каршы күрөшүү программасын ишке ашырууга жумшалат.

БИШКЕК, 10-авг. — Sputnik. Евразия турукташтыруу жана өнүктүрүү фондунун (ЕТӨФ) кеңеши Кыргызстанга 100 миллион доллар насыя берет. Бул тууралуу Россиянын Финансы министрлигинин сайтында жазылды.

"Региондук финансылык механизм катары иш алып барган фонд башка эл аралык каржы институттары жана донорлор менен биргеликте катышуучу-мамлекеттерге маанилүү колдоолорду көрсөтүп келет. Бул алардын каржылык туруктуулугун камсыздап, пандемиянын социалдык-экономикалык кесепеттерин жоюу үчүн кризиске каршы улуттук программаларды ишке ашырууга мүмкүнчүлүк берет", — деген Финансы министри жана ЕТӨФ кеңешинин башчысы Антон Силуанов.

Каражат өкмөт менен Улуттук банктын COVID-19 эпидемиясынын экономика, финансы жана социалдык тармактарга тийгизген таасирине каршы күрөшүү программасын ишке ашырууга жумшалат.

Өкмөт: Кытай баштаган бир катар өлкө Кыргызстандын карызын сурабай турат

Евразиялык турукташтыруу жана өнүктүрүү фонду — катышуучу-мамлекеттердин экономикасын колдоодо регионалдык финансылык механизм болуп саналат. Анын каражатын эң көп Белоруссия алган. Аталган өлкөгө 5 миллиард доллар өлчөмүндө эки насыя менен бекитилген. Инвестициялык жана каржылык насыяларды, ошондой эле гранттар түрүндө каржылык колдоолорду Кыргызстандан сырткары Тажикстан менен Армения алып турат.

124
Белгилер:
каражат, насыя, Евразия, Кыргызстан
Тема боюнча
Былтыр банктар элге канча насыяны кандай максатта берген. Сандар
Карабаева: насыя боюнча жеңилдик алгандардын 28%ы соодагер
Ишканалардын дебитордук карызы көбөйдү. Статистика