Чуркап жаткан адам. Архив

Колоңсодон арылуунун жаңы ыкмасы табылды. Окумуштуулар жасаган ачылыш

4984
Дезодоранттар адамдын колтугу жана денесинин дагы башка жерлериндеги жытты кетирет. Окумуштуулар мындай каражаттар теринин микрофлораларын алмаштырып, сезгенүүгө алып келерин айтышууда.

БИШКЕК, 13-апр — Sputnik. Окумуштуулар жагымсыз жыт менен күрөшүүнүн дагы башка жолдорун тапканын РИА Новости жазды.

Адистер цинк кычкылы менен аралашма жасоого көңүл буруп жатышат, бул элге кеңири тарап кеткен дезодоранттардан да майнаптуу болуп чыккан.

Адамдан бөлүнүп чыккан тер белгилүү бир жытка ээ эмес. Адамдын жагымсыз жыттанып турушу кишинин терисиндеги микробдордон улам пайда болот. Алардын кээ бири тердин курамындагы органиканы "жеп", анын ордуна көзгө көрүнбөгөн учуп чыгып турган нерселерди бөлүп чыгарат.

Азыркы дезодоранттардын көбү адамдын колтугу жана денесинин дагы башка жерлериндеги жытты жок кылат. Окумуштуулар мындай каражаттар теринин микрофлораларын алмаштырып, сезгенүүгө алып келерин айтышты.

Цинк кычкылы бактерияга каршы касиетке ээ болгондуктан стоматологияда, тиш жууган пасталарды жасоодо жана ар кыл медициналык каражаттарда кеңири колдонулуп келет. Акыркы учурда аны ачык жараларды дезинфекциялоо жана терини тиккен учурда пайдаланып келишет.

Эксперттер цинк кычкылынын аралашмасы сезгенип кетүүнү гана жок кылбастан, май кислотасы бөлүп чыккан бактерияларды да жок кыларын байкашкан. Жагымсыз жыт аталган бактериялардан жаралары айтылып келет.

Адистер 30га чукул кишини чогултуп, аларды үч жума бою дезодорант колдонбоого чакырышкан. Жети күндөн кийин антиперспиранттардан баш тарткандардын териси менен микробдорунун үлгүсүн алып, колтуктарын иштелип чыккан аралашма менен сүртүп чыгышкан.

Тажрыйба цинк кычкылы жогоруда айтылган микробдордун дээрлик бардыгы кеткендигин көрсөткөн.

Эми окумуштуулар бул тажрыйбаны массалык түрдө өткөрүүгө камданууда.

4984
Белгилер:
жыт, илимий изилдөө, цинк, Окумуштуулар
Тема боюнча
Алкоголду таштагандан кийин деле ал мээни талкалаганын уланта берет
Чай же кофени көп ичүү рак илдетин чакырабы? Окумуштуулардын жообу
Медициналык кызматкер бейтаптын өпкөсүн рентген кылып жатат. Архив

Коронавирустан кийин өпкөнү калыбына келтирүүнүн ыкмалары айтылды

14
(жаңыланган 08:30 12.07.2020)
Адистер инфекциянын кесепетин жүрөк менен өпкө көбүрөөк тартарын айтып келишет. Мындан улам ооруган организмди калыбына келтирүүгө аракет кылыш керек.

БИШКЕК, 12-июл. — Sputnik. Коронавирус жабыркаткан өпкөнү калыбына келтирүүнүн бир нече ыкмасы тууралуу Россия илимдер академиясынын профессору, пульмонолог Кирилл Зыковдун айтып бергенине таянып "Известия" басылмасы жазды.

Адистер инфекциянын кесепетин жүрөк менен өпкө көбүрөөк тартарын белгилеп келишет. Зыковдун айтымында, биринчи кезекте чылым тартуудан баш тартуу керек. Электрондук тамеки менен вейптерге да тыюу салынат.

Өпкөмдүн 80 пайызы жабыркаптыр. Пневмониядан сакайган жигиттин маеги

"Андан соң толук кандуу респиратордук реабилитация зарыл. Бул бир нече тармактын адистери, анын ичинде физиотерапевттер, дарылоочу дене тарбия көнүгүүлөрү боюнча адистер, диетологдор, психологдор бар катышкан программа. Калыпка келүү аракеттеринин натыйжалуу болушу үчүн көнүгүүлөрдү жумасына үч жолу жарым сааттан кем эмес жасоо керек. Бул эки айга созулат", — деди Зыков.

Пульмонолог машыгуу комплекстүү болушу шарт экенин белгилеп, ооруп айыккан өпкөнү суук тийүүдөн, грипптен сакташ керек экенин кошумчалады.

14
Белгилер:
көнүгүү, пульмонолог, дарыгер, өпкө, пневмония, коронавирус
Тема:
Дүйнөгө жайылган коронавирус
Тема боюнча
Батыралиев: пандемия 1-2 айда бүтүп калчу иш эмес
Лабораториянын кызматкери иш учурунда. Архив

Россиянын COVID-19га каршы вакцинасына качан уруксат берилери айтылды

268
(жаңыланган 00:19 12.07.2020)
Июндун ортосунда РФ Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган.

БИШКЕК, 11-июл. — Sputnik. Россия чыгарган коронавируска каршы вакцинага регулятор жайдын соңу менен уруксат берет. Бул тууралуу Түз инвестициялар фондунун жетекчиси Кирилл Дмитриевдин айтканына таянып РИА Новости жазды.

Анын айтымында, ушу тапта Гамалея институтунан чыккан вакцинаны колдонууга чыгаруу боюнча иштер жигердүү жүрүп жатат.

"Бул өтө маанилүү. Россиялык вакцинага август-сентябрь айларында уруксат берилиши керек деген ойдобуз", — деди Дмитриев "Россия 1" каналынын эфиринде.

Россия коронавируска каршы дагы бир дары чыгарды. Мүнөздөмөсү

Ал COVID-19га каршы чыгарылган россиялык "Авифавир" менен АКШнын "Рамдесивир" дарысын салыштырып көрдү. Анын айтымында, россиялык препарат "Рамдесивирге" караганда алда канча натыйжалуу жана арзан. Мындан тышкары, ал ампула эмес таблетка түрүндө. Инвестор "Авифавир" менен Россиянын бардык аймагын камсыздоого өндүрүштүн күчү жете турганын белгиледи.

Июндун ортосунда РФ Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган. Препараттар Гамалея атындагы эпидемиология жана микробиология боюнча илим-изилдөө борбору тарабынан иштелип чыккан.

Сыноо Коргоо министрлигинин Бурденко атындагы госпиталында жана Сеченов медицина университетинде ыктыярчыларга жүргүзүлүүдө.

ДССУ Россиянын СOVID-19га каршы вакцинасына кызыгууда. Видео

Ушу тапта сыноо иштери соңуна чыгып калды. 15-июлда ыктыярчылардын биринчи тобу чыгарылат. Коргоо министрлигинин маалыматы боюнча алардын абалы жакшы, эч кандай даттануу жок.

Сеченов университетиндеги ыктыярчылардын да саламаттыгы жакшы экени белгиленген. Тесттин катышуучулары 15 жана 20-июлда чыгарылат.

268
Белгилер:
Россия, уруксат, ыктыярчылар, сыноо, вакцина
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты