НАТОнун желеги. Архив

Россия НАТО менен кызматташтыгын токтотту

241
ТИМ жетекчисинин орун басары НАТОнун аскер жаатында кызматташуусун токтотуу Европадагы коопсуздукка шек келтире турганын кошумчалады.

БИШКЕК, 15-апр. — Sputnik. Россия менен НАТОнун жарандык жана аскерий багыттар боюнча бардык кызматташуулары токтотулду. Бул тууралуу РИА Новости агенттиги Россиянын Тышкы иштер министрлигинин жетекчисинин орун басары Александр Грушкого таянуу менен жазды.

Ал НАТОнун мындай чечим кабыл алганын акылга сыйбаган нерсе катары баалоодо.

"НАТО өзү Россия менен болгон мамилесин жакшы нукка буруудан баш тартты. Азырынча НАТО бул туңгуюктан чыгуунун жолун билбейт", — деди Грушко.

ТИМ жетекчисинин орун басары НАТОнун аскер жаатында кызматташуусун токтотуу Европадагы коопсуздукка шек келтире турганын кошумчалады.

Грушконун айтымында, НАТОго мүчө мамлекеттердин аскерий багытка жумшаган каражаты былтыр триллион доллардан ашкан, бул көрсөткүч Россиянын коргонууга короткон чыгымынан 22 эсеге көп.

Грушко өз кезегинде Москва аскер тармагына каражат бөлүү боюнча НАТО менен атаандашпай турганын белгиледи.

241
Белгилер:
Россия, НАТО
Тема боюнча
Трамп Россияга каршы санкцияларды узартып койду