Ачуу калемпир. Архив

Калемпирдин кайсы түрү өпкө рагынан сактайт? Окумуштуулардын изилдөөсү

1433
Чили калемпиринин активдүү капсаицин компоненти аденокарциноманын (өпкө рагынын эң көп жайылган түрү) өрчүшүн басаңдатып, шишиктин жайылышын токтотот.

БИШКЕК, 15-апр. — Sputnik. Өпкө рагынын өрчүшүн чили калемпиринин компоненти жайлатат. АКШдагы Маршалл университетинин алдындагы медициналык мектептин изилдөөчүлөрүнүн мындай жыйынтыгын Sputnik Азербайжан агенттиги Faseb Journal басылмасына таянып жарыялады.

Билдирүүгө ылайык, чили калемпиринин активдүү капсаицин компоненти аденокарциноманын (өпкө рагынын эң көп жайылган түрү) өрчүшүн басаңдатып, шишиктин жайылышын токтотот.

Окумуштуулар капсаициндин башка табигый аналогдорун — капсиат жана капсикониатты да изилдеп көрүп, капсаицин рак клеткаларынын тарашына бөгөт болорун аныктап чыгышкан.

"Бир күнү химиотерапиянын башка каражаттарына кошуп капсаицин өпкө ооруларынын ар кандай түрүн дарылоо үчүн пайдаланылышы мүмкүн", — деп айткан изилдөөнүн авторлорунун бири Жейми Фридман.

Буга чейин капсаицин рактын бир нече түрүнүн өрчүшүн токтотот деп айтылган. Анын ичинде боор рагы да бар.

Бирок дарыгерлер ашказан жана он эки эли ичегисинде жарасы бар, гастрит жана жоон ичегиси ооруган адамдар оозду куйкалаган калемпирди таптакыр жегенге болбой турганын эскертишкен.

1433
Белгилер:
изилдөө, оору, рак
Тема боюнча
Окумуштуулар диабет илдетине чалдыккандарга пайдалуу тамактарды сунуштады
Колоңсодон арылуунун жаңы ыкмасы табылды. Окумуштуулар жасаган ачылыш
Буудай. Архивдик сүрөт

Кытайда айыл чарба азыктарына болгон талап өсөрү айтылды

103
(жаңыланган 15:44 26.10.2020)
Кытай компаниясынын өкүлү айыл чарба азыктарынын рыногу активдүүлүгүн көрсөтүп, азыктарды импорттоого болгон талап өскөнүн белгилейт.

БИШКЕК, 26-окт. — Sputnik. Кытайда айыл чарба азыктарына талап өсөрүн кытайлык СOFCO International компаниясынын директорлор кеңешинин башчысынын орун басары Сун Сюаньи билдирди.

Ал Евразиялык экономикалык комиссиянын аянтчасында ЕАЭБ менен Кытай демилгесинин өз ара кызматташтыгына арналган "Бир алкак — бир жол" деп аталган видеофорумда сөз сүйлөдү. Сун Сюаньи айым пандемия дүйнөлүк экономикага таасирин тийгизгенин эске салды.

Кризис учурунда ЕАЭБден кайсы товарлардын экспорту өскөнү айтылды

"Бул көйгөйлөргө карабастан айыл чарба азыктарынын рыногу активдүүлүгүн көрсөтүүдө. Бул азыктарды импорттоого талап өсөт. Бул Кытайдын жана дүйнөлүк рыноктун тенденциясы. 2019-жылы биздин компания ЕАЭБ өлкөлөрүнөн жалпы суммасы 110 миллион доллар болгон 322 тонна буудай, май, суу жана башка азыктарды сатып алган", — деп белгиледи Сюаньи.

Ал кошумчалагандай, компания өз ишинде бир катар принциптерди карманып, анын ичинде биргелешкен пайдага жетүүгө кызыкдар болуп келет.

103
Белгилер:
талап, импорт, азык, айыл чарба, Кытай, Евразиялык экономикалык биримдик
Тема боюнча
Министрлер ЕАЭБ менен Кытай кызматташтыгын талкуулайт
ЕАЭБде жүк ташуучу унааларга навигациялык мөөр коюлат. Түшүндүрмө
Жүк ташуучу унаалар. Архив

ЕАЭБде жүк ташуучу унааларга навигациялык мөөр коюлат. Түшүндүрмө

100
(жаңыланган 15:18 26.10.2020)
Навигациялык мөөр — жүк ташуучу унааларга коюлчу электрондук каражат. Анын жардамы менен товар кайсы жакта экенин гана билбестен, жүк тууралуу бардык маалыматты алууга болот.

БИШКЕК, 26-окт. — Sputnik. Евразия экономикалык бирикмесинде (ЕАЭБ) товарларга навигациалык мөөр коюу боюнча келишим даярдалып жатат. Бул тууралуу Россиянын Федералдык бажы кызматынын жетекчисинин биринчи орун басары Руслан Давыдов билдирди.

Ал "Евразия экономикалык бирикмеси менен "Бир алкак — бир жол" долбоорунун байланышы" видеофорумунда сүйлөдү.

"ЕАЭБде товарларга навигациалык мөөр коюу боюнча келишим даярдалып жатат. Бул эмнени түшүндүрөт? Жүккө атайын электрондук каражат тагылат. Анын жардамы менен товар кайсы жакта экенин гана билбестен, жүк тууралуу бардык маалыматты алууга болот. Бул текшерип жаткан учурда товар менен адамдын байланышын азайтат", — деди Давыдов.

Анын айтымында, навигациалык мөөрлөр Россияда колдонула баштады.

100
Белгилер:
келишим, бажы, мөөр, Евразиялык экономикалык биримдик, Россия
Тема боюнча
Министрлер ЕАЭБ менен Кытай кызматташтыгын талкуулайт
Жогорку Кеңештин депутаты Жанар Акаев. Архив

Жанар Акаев Бишкек мэри болот деген маалыматты өзү төгүндөдү

53
(жаңыланган 22:03 26.10.2020)
Жанар Акаев өзүнүн социалдык тармактагы баракчасына Бишкек мэрлиги тууралуу эч ким менен эч качан сүйлөшүү болбогонун жазды.

БИШКЕК, 26-окт. — Sputnik. Жогорку Кеңештин депутаты Жанар Акаев Бишкек мэри болот деген маалымат чындыкка төп келбей турганын айтты.

Буга чейин бир катар ЖМКларда ал шаар жетекчилигине талапкерлигин коюп жаткандыгы тууралуу маалымат  тараган.

Ал өзүнүн социалдык тармактагы баракчасына Бишкек мэрлиги тууралуу эч ким менен эч качан сүйлөшүү болбогонун жазды.

“Андай планым да жок. Садыр Жапаров менен жолугушканым чын, бирок биз өлкөдөгү кырдаал, кризистен чыгуу жолдору тууралуу маселелерди сүйлөшкөнбүз”, — деди Акаев.

Эске салсак, Бишкек мэри Азиз Суракматов иштен кеткенден бери Бишкек мэрлиги талашка түшүп келет. Бүгүн мэрия мэрдин милдетин аткаруучу катары мыйзамдуу түрдө биринчи вице-мэр Нариман Түлеевди гана тааный турганын айтты.

53
Белгилер:
Жанар Акаев, Бишкек мэриясы
Тема боюнча
Бишкек мэриясынын алдында кайрадан митинг. Сүрөт, видео