Париждеги Нотр-Дам-де-Пари чиркөөсү. Архив

Наполеон Бонапарт тактыга отурган. Нотр-Дам-де-Пари чиркөөсү тууралуу 7 факты

765
(жаңыланган 13:23 16.04.2019)
Париждин символу болуп калган Нотр-Дам-де-Пари чиркөөсүндө 15-апрелде ири өрт чыгып, имараттын чатыры толугу менен урап түштү. Sputnik Кыргызстан агенттиги туристтердин сүйүктүү жайына айланган ыйык жер тууралуу кызыктуу фактыларды сунуштайт.

Нотр-Дам-де-Пари чиркөөсүндө өрт жергиликтүү убакыт боюнча саат 18:50дө (Бишкек убактысы боюнча 22:50) чыккан. Тилсиз жоонун кесепетинен имараттын чатыры толугу менен урап түштү. Франциянын ЖМКларынын жазышынча, тарыхый жайда реставрация иштери жүрүп жаткандыктан, чатырдагы курулуш жыгачтары күйүп кеткен.

Франциянын маанилүү символуна айланган жай тууралуу жети фактыны сунуштайбыз.

Курулуш иштери 1163-жылы башталып, 1250-жылы аяктаган. Кийин чиркөө бир нече жолу оңдолуп, кеңейтилип, жаңы элементтер кошулган. Анын пайдубалына биринчи ташты Рим папасы Александр III койгон.

Учурдагы чиркөөнүн ордунда бир нече храм болгон. Анын ичинде христиандардын Париждеги биринчи чиркөөсү ыйык Стефандын храмы да орун алган.

1239-жылы чиркөөгө Христостун тикенектүү ыйык чамбары алып келинген. ЖМКлардын жазышынча, 15-апрелде чыккан тилсиз жоодо бул баалуу буюм жабыркаган эмес, аны сактап калууга жетишишти.

Чиркөөнүн чатырындагы узун темир шиш биринчи жолу урап жаткан жок. Ал Улуу Француз революциясы учурунда талкаланып, 1840-жылы калыбына келтирилген. Революция учурунда бийликке жаңы келгендер шаардыктардан аны түрттүрүү үчүн ири суммадагы каражат сурашкан, кийин бул имарат "акылдын храмы" деп аталып калган.

1804-жылы Наполеон Бонапарт дал ушул имаратта тактыга отурган. Бул жерде анын баласы Наполеон IIни чокундуруу салтанаты болгон. Андан сырткары, жээни Наполеон IIIнүн үйлөнүү үлпөтү өткөрүлгөн.

Чиркөөнүн жогорку бөлүгү сыйкырдуу жандыктар менен шөкөттөлгөн. Атап айтканда, гаргулья жана химера бар. Биринчи эстеликтер орто кылымда коюлган. Ал эми химералар XIX кылымда реставрация учурунда пайда болгон.

Чиркөөнү жок болуу коркунучунан жазуучу Виктор Гюгонун чыгармасы сактап калып, дүйнөгө атагын чыгарган. Гюгонун "Собор Парижской богоматери" романынан кийин имаратта реставрация иштери башталып, ал 23 жылга созулган. Ага чейин чиркөөнү түрттүрүп салуу сунушталып жаткан.

765
Белгилер:
Франция, Париж, факты, чиркөө
Тема:
Нотр-Дам чиркөөсүндөгү ири өрт (7)
Тема боюнча
Париждеги Нотр-Дам чиркөөсү күйүп жатат. Видео

Бейруттагы жарылуу: чаңырып эшикке чуркашты. Үйлөнүп жаткандардын качкан видеосу

180
(жаңыланган 20:22 09.08.2020)
Өткөн шейшемби күнү Бейрут шаарындагы портто ири жарылуу болуп, бир секунд ичинде тургундардын жашоосуна бүлүк салды.

Бул күнү бир топ түгөй бейкапар, эч нерседен шек санабай үйлөнүү үчүн чиркөөгө келишкен. Салтанаттын бири жарылуунун борборунан 17 чакырым аралыкта болгон. Жарылуунун толкуну ошол жерге чейин жетип, имараттын айнектери толугу менен күбүлүп калган. Алгач ичиндегилер чокунуп, тобо келтирип, ал эми жарылуу экинчи ирет кайталанып, төбөдөн айнектер талкаланып кулай баштаганда чаңырып, кыйкырып эшикти көздөй чуркашканын көрүүгө болот.

Үрөй учурган жарылуу болгон жерден алынган 14 сүрөт. Бейруттагы трагедия

Ал эми салтанатка келген бир кыз катуу коркуп калгандыктан, бир топко чейин тынчтана албай, ыйлаганын токтоткон эмес.

Эске салсак, 4-августта Ливандын борбору Бейрут шаарында катуу жарылуу болуп, 150дөн ашык адам көз жумса, алты миңден көбү жабыркаган.

180
Белгилер:
чиркөө, үйлөнүү, жарылуу, Бейрут, Ливан
Тема:
Бейруттагы жарылуу
Тема боюнча
Жарылуу болгон Бейруттан көрсөтүлгөн түз эфир

Гигиенаны сактаган чычкан элди күлкүгө салды. Видео

176
(жаңыланган 18:28 09.08.2020)
Жамгыр алдында жуунуп жаткан чычкан социалдык тармактын колдонуучуларын жылмайтты. Жагымдуу ролик Вьетнамда тартылган.

Күбөнүн видеосу ViralHog YouTube каналына жүктөлгөн. Кадрдан көрүнүп тургандай, чычкан бутка туруп алып кадимкидей жаандын суусуна жуунуп жатат.

Индияда ээси менен обон созгон ит интернетти жарды. Видео

Видеонун авторунун айтымында, бул окуя 6-августта Хошимин көчөсүндө болгон. Суу алдындагы кемирүүчү жандыкты ал кафенин жанынан көргөн.

"Досторубуз менен көчөдөгү кафеде отурганбыз. Бир маалда чычкандын бул жоругун байкап калып чөнтөк телефондун камерасына тартып алгам", — деди видеонун автору.

Вьетнамдагы соцтармак колдонуучулары аны "эң таза чычкан" деп атап коюшкан.

176
Белгилер:
видео, Суу, жамгыр, чычкан, Вьетнам
Тема боюнча
Өлүмүш болуп арстандардын азуусунан кутулган иттин видеосу
Президент Сооронбай Жээнбеков. Архив

Кеткендерди кайра кайтаруу керек. Жээнбеков айылдарды өнүктүрүү туурасында

33
(жаңыланган 19:43 09.08.2020)
Маек учурунда Жээнбеков аймактарда көп иштеп келгенин, ал жактагы кыйынчылыктардын баарын жакшы билерин белгилеген.

БИШКЕК, 9-авг. — Sputnik. Айылдарды өнүктүрүү үчүн мамлекетте болгон каражатты ошол жактарга буруу керек. Бул тууралуу өлкө башчы Сооронбай Жээнбеков "Биринчи радиого" (КТРК) маек берип жатып билдирген.

Жээнбеков маек учурунда аймактарда көп иштеп келгенин, ал жактагы кыйынчылыктардын баарын жакшы билерин белгилеген.

"Аймактарда ыңгайлуу жашоо үчүн шарттарды жана жумуш орундарын түзүүгө жергиликтүү бийликтин каражаты да, мүмкүнчүлүгү да жок. Ошондуктан жергиликтүү тургундар өлкөнүн чоң шаарлары менен облус борборлоруна жана чет өлкөлөргө чыгып кетип жатат", — деди Жээнбеков.

Мамлекет башчы премьер-министр болуп турганда жыйырма шаардын тегерегинде өнөр жай ишканаларын куруу боюнча өкмөт программа кабыл алганын да айтып кетти.

Жээнбеков: аймактарда ооруканалар эски, аны оңдоодо каржылоо маселеси жаралбасын

"Калкыбыздын 70 пайызы айыл жеринде жашаарын дайыма айтып келебиз. Бирок чындап келгенде, айылдардан көбү кетти. Аларды кайра кайтаруу керек. Баарын алып келе албасак дагы өсүп келе жаткан муунга, балдарыбызга ошол жерде жумуш орундарын түзүшүбүз шарт. Ал үчүн мамлекетте болгон каражатты ошол жактарга буруу керек. Бүгүнкү күндө мамлекеттеги болгон мүмкүнчүлүктөр анын ичинде бюджет, сырттан тартылган каражаттар аймактарга багытталат", — деди президент.

Мындан сырткары, мамлекет башчы таза суу темасына да токтолуп, бул маселе 2024-жылга чейин чечилип бүтүп каларын убадалады.

33
Белгилер:
өнүктүрүү, айыл, Сооронбай Жээнбеков, Кыргызстан
Тема боюнча
Жээнбеков: ооруканалардын курулушуна 100 млн доллар салчу адамдар бар