Машыгуу. Архивдик сурөт

Илимпоздор кайсы учурда жасалган машыгуу арыктатарын айтышты

3061
Адистер майды кетирген процесстерге оң таасирин тийгизген метаболиттер күндүн кайсы маалында көп бөлүнөрүн аныктап чыккан.

БИШКЕК, 21-апр. — Sputnik. Жакында эле изилдөө жүргүзгөн израилдик окумуштуулар кечинде жасаган дене көнүгүүлөрү алда канча пайдалуу экендигин айтышты. Бул туурасында MedicalXpress берген маалыматта айтылат.

Вейцман институтунун профессору Гэд Ашер жетектеген изилдөөчүлөрдөн турган топ муну далилдөө үчүн чычкандарга иликтөө жүргүзгөн.

Алар кемирүүчүлөрдү таман алдындагы жол сымал тилке артка жылып кетип турган аппаратка күндүн ар кыл мезгилинде салып, кыймылын ченеп, байкап көрүшкөн. Чычкандарды эки топко бөлүшкөн. Биринчилерин ойгонгондон эки сааттан кийин, экинчилерин ойгонгондон 10 сааттан соң чуркатышкан. Жыйынтыгында кечки убакта кыймылга көп кабылган жаныбарлардын көрсөткөн натыйжасы башкаларга салыштырмалуу (50 пайыз) айырмаланып турган. Дал ошол кечки учурда майларды кетирген процесстерге оң таасирин тийгизген метаболиттер (заттардын алмашуу процессинде тирүү клеткаларда жаралган арабөк заттар) көп бөлүнүп чыккан.

Мындан сырткары, 12 адамга да сыноо жасашкан. Кечинде спорт менен алектенгендер орто эсеп менен кислородду азыраак жутуп, машыгуу майнаптуу болгонун көрсөткөн.

3061
Белгилер:
арыктоо, Израиль, дене, май
Тема боюнча
Окумуштуулар терини картайтпай турчу мөмөлөрдү атады
Калемпирдин кайсы түрү өпкө рагынан сактайт? Окумуштуулардын изилдөөсү
Окумуштуулар ачка болуунун пайдасын далилдешти
Чай же кофени көп ичүү рак илдетин чакырабы? Окумуштуулардын жообу

Швецияны АКШдагы нааразылыктын толкуну каптады

0
(жаңыланган 20:11 05.06.2020)
Афроамерикалык Жорж Флойддун өлүмүнөн кийинки жаалданган толкун Швецияга чейин жетти. Жүздөгөн кишилер Мальма шаарында демонстрацияга катышты.

Аларды коронавирустан улам коюлган чектөөлөр, тыюу салуулар токтото алган жок. Көптөрдүн колунда кара түстүүлөргө карата адилетсиз мамилени жана расага бөлүүнү айыптаган плакаттар болду.

Жергиликтүү полиция чогулгандарды кууп таратууга аргасыз болгону айтылат.

Жорж Флойд майдын аягында Миннеаполисте полиция кармап, күч колдонгондон кийин көз жумган. Анын өлүмү элдин жаалын кайнатып, АКШ эле эмес башка жерлерде да нааразылык толкундарын жаратты. Улуу Британиядан, Франциядан, Грециядан жана Испаниядан да тилектештик билдирип жатышты.

0
Белгилер:
башаламандык, Жорж Флойд, Швеция, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Нью-Йоркто мародёрчулук күч алды. Жеринде тартылган видео
Москва шаарындагы кызыл аянт. Архив

Москвада коронавирустан улам кирген чектөөлөр качан алынары айтылды

150
Собянин болжол менен эки-үч жумадан кийин шаардык ооруканалар кадимки шартта иштеп, бейтаптарга кызмат көрсөтүп каларын да баса белгиледи.

БИШКЕК, 5-июн. — Sputnik. Москвада коронавирустан улам киргизилген чектөөлөр июлда алынат. Бул тууралуу Москва шаарынын мэри Сергей Собянин "Россия 24" телеканалына маек берип жатып айтканын РИА Новости жазды.

Собяниндин айтымында, чектөөлөр шаардагы кырдаалга жана коронавирустун жайылуу темпине жараша алынмакчы.

"Шаарга киргизилген чектөөлөр 1-июлга чейин акырындык менен алынат. Бирок бул москвалыктардын коюлган талаптарды аткаруусунан да көз каранды. Бул убакытка чейин шаардыктар чыдайт деген ойдомун", — деген мэр.

Собяниндин айтымында, чектөөлөрдү алуу боюнча график 8-июнда белгилүү болот.

Ал болжол менен эки-үч жумадан кийин шаардык ооруканалар кадимки шартта иштеп, бейтаптарга кызмат көрсөтүп каларын да баса белгиледи.

"Кийин коронавирус менен ооругандар Москвадагы жогорку квалификациялык стационарларга гана жаткырылат. Ал эми убактылуу корпустар резервде болот", — деди Собянин.

Пандемия башталгандан бери Москвада 189 214 адам коронавирус жуктуруп алган. Анын ичинен 95 миңдейи айыгып, 2749 бейтап көз жумган.

150
Белгилер:
Сергей Собянин, коронавирус, чектөө, Россия, Москва
Тема:
Кытайдагы жаңы типтеги коронавирус
Тема боюнча
Эксперт: коронавирусту дарылоочу вакцина жакынкы жылдары чыкпайт
Көп жуккан сайын алсырайт. COVID кантип жайыларын адис айтып берди