Индонезиянын Түштүк Сулавесинде жумушчулар шайлоо урнасын дарыядан ташып өткөзүүдө. Архивдик сүрөт

Индонезияда 190 млн. адамга ээ боло албай шайлоо комиссиясынын 92 мүчөсү каза болду

1902
(жаңыланган 10:13 13.05.2019)
Шайлоо 17-апрелде өткөнүнө карабастан добуштар ушу кезге чейин саналууда.

БИШКЕК, 23-апр. — Sputnik. Индонезияда жалпы шайлоону уюштуруу жана өткөрүү иштеринен чарчап шайлоо комиссияларынын 92 мүчөсү каза тапты. Бул тууралуу Antara басылмасына таянуу менен РИА Новости жазды.

Буга чейин катуу чарчагандан жана жол кырсыгынан мертингендердин саны 69 экени айтылган, анын ичинде 15 полиция кызматкери жана шайлоо участкаларынын 54 мүчөсү бар экени маалым болгон.

Президенттик, вице-президенттик, улуттук парламент, аймактык парламенттер, шаар жана райондук кеңештердин жалпы шайлоосу 17-апрелде өткөнүнө карабастан добуштар ушу кезге чейин саналууда. Шайлоого 193 миллион киши келип, бул рекорддук көрсөткүч экени айтылды. Расмий жыйынтык 22-май күнү жарыяланат.

Шайлоо участкаларынын кызматкерлери шайлоо алдында эки күн катары менен эс албай иштөөгө мажбур болгон.

Ал эми алдын ала божомол боюнча жарышта алдыда келе жаткан учурдагы президент Жоко Видодо көз жумгандардын жакындарына көңүл айтып, набыт болгондор "демократиянын баатырлары" экенин белгилеген.

1902
Белгилер:
президент, комиссия, добуш, шайлоо, Индонезия
Тема боюнча
Петр Порошенко президенттик шайлоодо жеңилгенин моюнга алды
Россиядагы мигранттар. Архивдик сүрөт

Россияда мигранттардын адаптациясы үчүн борборлорду ачуу маселеси каралууда

17
(жаңыланган 10:51 02.12.2020)
Россиянын аймактарында атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат.

БИШКЕК, 2-дек. — Sputnik. Россияга келген мигранттардын жергиликтүү элдин социалдык жана маданий турмушуна бат көнүп кетиши үчүн атайын аймактык борборлорду ачуу керек. Бул тууралуу РФтин Улуттар иши боюнча федералдык агенттигинин жетекчиси Игорь Бариновдун сөзүнө таянып Sputnik Өзбекстан агенттиги жазды.

"Мигранттардын социалдык жана маданий адаптациясы жеңил болушу үчүн бир топ иштерди аткаруу керек. Бул бүгүнкү күндөгү эң маанилүү нерселердин бири. Аймактарда атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат", — деди Баринов.

Ал кошумчалагандай, бул нерсени ишке ашыруу үчүн эң биринчиден мыйзам жүзүндө бекитип алуу керек.

17
Белгилер:
борбор, адаптация, Мигрант, Россия
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Бейшенов: эми мигранттар тааныштарын сатып алган үйүнө каттатууга укуктуу
Саркисян: мигранттар үчүн сонун долбоор бар, бирок Кыргызстан кызыкпай жатат
Кабулдагы Афганистандын аскер кызматкерлери. Архивдик сүрөт

Россия ТИМи Кабулдагы элчилигинин жардырылган унаасы боюнча үн катты

24
(жаңыланган 10:40 02.12.2020)
Россия афган тараптан окуяны тыкыр иликтөөнү, Россиянын Афганистандагы мекемелеринде иштегендердин коопсуздугун камсыз кылуу үчүн чара көрүүнү талап кылган.

БИШКЕК, 2-дек. — Sputnik. Кечээ, 1-декабрда, Афганистанда Россия элчилигинин автоунаасы жардырылды. Бул тууралуу Россиянын Тышкы иштер министрлигинин расмий өкүлү Мария Захарованын билдирүүсүндө айтылат.

Маалым болгондой, Россиянын Кабулдагы элчилигинин имаратынан анча алыс эмес жерде дипмиссиянын автоунаасы колго жасалган түзүлүш менен жардырылган.

Транспорттун ичиндеги кызматкерлер жеңил жаракат алганы белгилүү болду.

Захарованын айтымында, террордук чабуул элчиликтин автоунаасынын алдында аскер кызматкерлерин жүктөп бара жаткан Афганистандын улуттук коопсуздук күчтөрүнүн жүк ташуучу унаасына жасалышы керек болчу деген божомол бар.

Анткен менен Захарова теракт Россиянын жарандарына деле каршы жасалышы мүмкүн деген оюн айткан.

"Афган тараптан окуяны тыкыр иликтөөнү, Россиянын Афганистандагы мекемелеринде иштегендердин коопсуздугун камсыз кылуу үчүн чара көрүүнү талап кылабыз", — деди ТИМ өкүлү.

Ал Кабулдагы элчилик дипөкүлчүлүктөрдүн имараттарын жана кызматкерлерин коргоону күчөтүү үчүн кошумча чараларды көрөрүн кошумчалады.

24
Белгилер:
автоунаа, жардыруу, теракт, Афганистан, Россия
Тема боюнча
"Ислам мамлекети"* тобу Венадагы жардырууга жоопкерчилик алды
Афганистанда кызмат өтөп келген 9 австралиялык аскер жанын кыйды
АКШ Афганистанда 10 аскер базасын жапты. Өлкөнү талибдерге салып бердиби?
Бишкектин Коопсуз шаарынын камералары. Архивдик сүрөт

Бишкекте дагы 40 кесилишке "Коопсуз шаардын" камералары коюлат

0
(жаңыланган 10:50 02.12.2020)
Долбоордун экинчи этабын ишке ашыруу үчүн тендерди Shenzhen Sunwin Intelligent Co.Ltd компаниясы утуп алган.

БИШКЕК, 2-дек. — Sputnik. Бишкекте дагы 40тай жол кесилишине "Коопсуз шаардын" камераларын коюу пландалууда. Бул тууралуу мэриянын маалымат кызматы кабарлады.

Тез жардам унаасы. Архивдик сүрөт
© Пресс-служба президента КР / Султан Досалиев
Ага ылайык, азыркы учурда тийиштүү адистер камера орнотула турган кесилиштерди карап, изилдөөдө. Аппараттар кайсы кесилиштерде пайда болору маалыматта айтылган эмес.

Белгилей кетсек, "Коопсуз шаар" долбоорунун экинчи этабын ишке ашыруу үчүн тендерди Shenzhen Sunwin Intelligent Co.Ltd компаниясы утуп алган. Мында өлкөнүн бардык аймактарына камералар коюлат. Жалпы 306 жерге атайын жабдуу орнотулары, анын 266сы стационардык, 40ы көчмө камера боло турганы кошумчаланды.

0
Белгилер:
долбоор, тендер, жол, камера, Бишкек
Тема боюнча
Иши жеңилдеди. Патрулдук милиция айдоочуларды эми планшет менен текшерет
Жээнбаева: "Коопсуз шаар" киргенден бери Бишкекте жол кырсыгы 70%га азайды
Активист: майыптыгы бар адамдар "Коопсуз шаар" сыяктуу системада иштесе болмок