Россия президенти Владимир Путин. Архивдик сүрөт

Путин Ким Чен Ын менен жолугушуу үчүн Владивостокко барды

195
(жаңыланган 10:32 25.04.2019)
Ким Чен Ын Россияга иш сапары менен кечээ, 24-апрель күнү, келген.

БИШКЕК, 25-апр. — Sputnik. Россия президенти Владимир Путин Түндүк Кореянын лидери Ким Чен Ын менен толук форматта жолугушуу үчүн Владивосток шаарына барды. Бул тууралуу РИА Новости жазды.

Түндүк Кореянын башчысы Ким Чен Ын
© Фото / пресс-служба администрации Приморского края
Ким Чен Ын Россияга иш сапары менен кечээ, 24-апрель күнү, келген.

Түндүк корея лидери Россияга биринчи ирет 2011-жылы келгени маалым. Ал эми ушул жылдын апрель айында кайра шайлангандан кийин чет өлкөгө алгачкы жолу чыгышы.

Иш сапарынын майда-чүйдөсү коопсуздук үчүн акыркы күндөргө чейин сыр катары сакталды. Жогулугууга эки гана күн калганда Россия президентинин жардамчысы Юрий Ушаков лидерлер 25-апрель күнү Владивосток шаарында кезигерин билдирди.

"Бүгүн алар түштөн кийин жолугушат. Алгач экөө бетме-бет сүйлөшүп, андан соң делегация мүчөлөрүнүн катышуусунда кеңири чөйрөдө сүйлөшүүлөрдү жүргүзөт. Бирок документтерге кол коюу жана ЖМКларга билдирүү жасоо пландалган жок", — деп айтылат билдирүүдө.

Буга чейин тараптардын Корей жарым аралынын өзөктүк куралдар боюнча көйгөйлөрүн жолго салуу жана эки тараптуу мамилесин талкууга алары айтылган.

195
Белгилер:
жолугушуу, Ким Чен Ын, Владимир Путин, Владивосток
Тема боюнча
Ким Чен Ын Россияга зооттолгон поезд менен келди
Кыргызстандын тышкы иштер министри Руслан Казакбаев

Тышкы иштер министри Руслан Казакбаев Казакстанга барды

125
(жаңыланган 19:54 28.10.2020)
Жумушчу сапардын алкагында Руслан Казакбаев Казакстандын президенти Касым-Жомарт Токаев жана кесиптеши Мухтар Тлеуберди менен жолугат.

БИШКЕК, 28-окт. – Sputnik. Кыргызстандын тышкы иштер министри Руслан Казакбаев бүгүн, 28-октябрда, Казакстанга жумушчу сапары менен барды.

Сапардын алкагында Руслан Казакбаевдин Казакстандын президенти Касым-Жомарт Токаев жана кесиптеши Мухтар Тлеуберди менен жолугушуусу күтүлүүдө.

Мындан сырткары, Казакбаев Казакстандын бир катар мамлекеттик органдарынын жана коммерциялык уюмдарынын жетекчилери менен баарлашат.

“Эки тараптуу жолугушуу учурунда саясат, соода-экономикалык, маданий-гуманитардык, коопсуздук сферасы жана башка кызыкчылыктар талкууланат”, — деп айтылат маалыматта.

Эске салсак, буга чейин Руслан Казакбаев Россияга барып кесиптеши Сергей Лавров менен баарлашкан.

125
Белгилер:
Тышкы иштер министрлиги, Казакстан, Кыргызстан
Тема боюнча
Өкмөт Россиядан COVID-19га каршы вакцинаны алып келүү шартын караштырууда
ТИМ жетекчиси Казакбаев: өлкөдөгү башаламандыкка сырткы күчтөр да аралашты
Анталья шаарынын деңиз жээгиндеги турист. Архив

Түркия бийлиги жакын арада туристтер үчүн эшигин жабышы ыктымал

92
(жаңыланган 18:36 28.10.2020)
Мындан сырткары, өлкөдө адам көп чогулган массалык иш-чараларды да чектеп, дем алыш күндөрү коменданттык саат киргизүү пландалууда.

БИШКЕК, 28-окт. — Sputnik. Түркиянын өкмөтү туристтер үчүн эшигин жабышы ыктымал. Ошондой эле эл аралык сапарларга чектөө коюшу мүмкүн. Бул тууралуу Daily Hürriyet басылмасы жазды.

Билдирмеге ылайык, мындай кадам коронавирус жуктургандардын көбөйүп жатышы менен байланыштуу.

Басылма маалымдагандай, Түркия бийлиги саякаттап жүргөндөргө өзүнчө, жергиликтүү жашоочуларга өзүнчө жаңы чараларды иштеп чыга баштады. Алар ноябрь жана декабрь айларында киргизилет. Чектөөлөр биринчи кезекте ири туристтик борборлорго жана Стамбул шаарларына тиешелүү болмокчу.

Мындан сырткары, адам көп чогулган массалык иш-чараларды да чектеп, дем алыш күндөрү комендаттык саат киргизүү пландалууда.

Исмаилова: өлкөдө коронавирустун экинчи толкуну башталды

Жаңы чаралардын киргизүү маселеси өлкөнүн Саламаттык сактоо министрлигине караштуу илимий кеңештин жыйынында талкууланат. Ал 28-октябрга белгиленген.

92
Белгилер:
турист, чектөө, коронавирус, Түркия
Тема:
Дүйнөгө жайылган коронавирус
Тема боюнча
Келерки жылы Түркияда эс алуу кымбатташы мүмкүн. Себеби
ПЦР-тест кайсы өлкөдө канча турат
Өрт өчүрүү учурунда. Архив

Токмокто базар өрттөнүп, аны өчүрүп жатышат. Видео

0
(жаңыланган 23:27 28.10.2020)
Базардагы дүкөндөрдүн бириндеги тилсиз жоо тууралуу маалымат 19:12де түшүп, ал жерге үч бригада жөнөп кеткен.

БИШКЕК, 28-окт. — Sputnik. Токмоктогу "Булак" базарынын аймагындагы жалынды өрт өчүрүүчүлөр чектегендигин ӨКМдин маалымат кызматы кабарлады.

Өрттүн видеосу "Короче" Telegram-каналына жүктөлгөн.

Базардагы дүкөндөрдүн бириндеги тилсиз жоо тууралуу маалымат 19:12де түшүп, ал жерге үч бригада жөнөп кеткен. Жалынды саат 21:12де чектөөгө алышкан.

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү