Аюу. Архив

Итти алдаган аюунун куулугу. Онтариодогу окуя

636
(жаңыланган 20:39 13.05.2019)
Жергиликтүү тургун кара аюулардын алар жашаган аймакка көп келерин, бирок адамга, үй жаныбарларына кол салбагандыгын билдирген.

БИШКЕК, 14-май — Sputnik. Канада аймагындагы Онтарио провинциясында аюу айылдагы итке бугунун сөөктөрүн ташып келип берип тургандыгын Daily Mail басылмасы жазды. 

Канадалык Жесси Жордан ити үч күн бою бугунун сөөктөрүн кемирип жатканына таңгалганын айтып берген. Ал тургай, сөөк сатып бербегендигин эстеген. Жесси Жордан бул барып келип эле ошол аймакта көп пайда боло калчу кара аюулардын колунан келген иш деп башкаларды ынандырган. Буга жырткычтын таштанды челекти бейкапар, жайма-жай аңтарып чыгууга кылган аракети себеп болгондой. Анткен менен кожоюн ити Бриклберринин "пара алып жаткан жеринен" кармап албагандыгын кошумчалаган.

Жордан кара аюулардын алар жашаган түндүк аймакка көп келерин, бирок адамга, үй жаныбарларына кол салбагандыгын билдирген. Жергиликтүү элдин айтымына караганда, жырткычтар эл жашаган жерге негизинен тамак-аш издеп келет.

636
Белгилер:
ит, аюу, Онтарио, Канада
Тема боюнча
Телефонго азгырылба, сабак оку! Өспүрүмдү көзөмөлдөгөн иттин видеосу
Адашып, алсырап, жоошуган аюунун муз кечип адамдарга келген видеосу
Москвадагы Жеңиш аба парады

Россияда Жеңиш парады 24-июнда өтмөй болду

29
(жаңыланган 18:41 26.05.2020)
Мамлекеттин коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

БИШКЕК, 26-май — Sputnik. Россиянын президенти Владимир Путин Жеңиш парады 24-июнда өтөрүн билдирди. Бул тууралуу РИА Новости жазды.

Ага ылайык, мамлекет башчы иш-чарага даярдык көрүүнү баштоого буйрук берген. Коргоо министри Сергей Шойгуга коопсуздукту камсыздап, тобокелдиктерди азайтуу тапшырылган.

Путин ошондой эле "Өлбөс полктун" жүрүшүндө аралыкты сактоо мүмкүн эмес экендигин айтып, аны 26-июлда, тагыраагы, Аскер-деңиз флотунун парадынан кийин өткөрүү пландалып жатканын белгилеген.

Эскерте кетсек, 9-майга пландалган парад жана "Өлбөс полктун" жүрүшү быйыл коронавирус эпидемиясынан улам өтпөй калган.

29
Белгилер:
иш-чара, Жеңиш парады, Владимир Путин, Россия
Тема:
Улуу Ата Мекендик согуштагы Жеңиштин 75 жылдыгы
Тема боюнча
"Өлбөс полктун" онлайн түрүн 20 миллион адам көрдү
Ооруканада медициналык кызматкер. Архив

Америка ДССУну каржылоодон баш тартса ким жабыркай турганы айтылды

49
(жаңыланган 17:54 26.05.2020)
Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

БИШКЕК, 26-май — Sputnik. АКШнын Дүйнөлүк саламаттыкты сактоо уюмун (ДССУ) каржылоодон баш тартышы Африка өлкөлөрүнө пандемия менен күрөштө терс таасирин тийгизет. Бул тууралуу ДССУнун Африкадагы өкүлү Михель Яого таянып РИА Новости жазды.

Буга чейин АКШ президенти Дональд Трамп аталган уюмдун директору Тедрос Адханомго 30 күн ичинде ДССУ  Кошмо Штаттар талап кылып жаткан реформаларды ишке ашырбаса, уюмга акча бөлүүнү токтото турганын билдирген. Ошондой эле мүчөлүктөн чыгып кетерин дагы айткан. Президенттин пикиринде, уюм коронавирус пандемиясына жетиштүү тез реакция кылган эмес.

"Азыр ушул сыяктуу төлөмдөрдөн баш тарта турган убакыт эмес. Тетиринче, тилектештик керек. Балким, өнүккөн өлкөлөр ДССУга көп муктаж эместир, бирок биздин континент үчүн уюм абдан керек. Бизде азыр узакка созулган кризисти баштан кечирип жаткан өлкөлөр бар", — деди Яо.

Анын айтымында, учурда Африка өлкөлөрүнүн саламаттык сактоо тармагына колдоо катары түшкөн каражаттын 80 пайызы ДССУдан келет. Ал эми АКШнын андагы үлүшү 20 пайызды түзөт.

"Бул бюджеттин кыскартылышы, албетте, бизге абдан эле сезилээрлик болот. АКШнын салымы биз үчүн өтө маанилүү", — деди Яо.

Ошондой эле бул көйгөй учурда коронавирус инфекциясы менен күрөшүп жаткан медиктерге дагы терс таасирин тийгизиши ыктымал. Алардан тышкары Африкада безгек, Эбола сыяктуу өлүмгө алып келген илдеттер көп.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

49
Белгилер:
пандемия, коронавирус, каржылоо, Африка, АКШ
Тема:
Кытайдагы жаңы типтеги коронавирус
Тема боюнча
ДССУ коронавируска каршы препаратты сыноону токтотту. Аны КР дагы алган
ДССУ коронавирустун экинчи толкуну болорун божомолдоду
Борбордук клиникалык оорукананын дарыгери. Архив

Коронавирустан улам Октябрь акимиатынын кызматкерлери имараттан чыга албай калышты

17
(жаңыланган 19:27 26.05.2020)
Райондук администрациянын имараты жабылды. Учурда бардык кызматкерлерден анализ алынууда.

БИШКЕК, 26-май — Sputnik. Октябрь райондук администрациясынын кызматкеринен коронавирус табылды. Бул тууралуу аталган мекеменин бир жумушчусу өз ысымын атабастан билдирди.

Анын айтымында, учурда мекеме жабылып, ал жакта иштегендерден анализ алынууда.

Азырынча окуя боюнча Бишкек мэриясы, Саламаттык сактоо министрлиги жана Республикалык штаб расмий маалымат бере элек.

Кыргызстанда өткөн суткада 35 кишиден COVID-19 аныкталды. Жалпы вирусту жугузуп алгандардын саны 1468ге жетти.

Акыркы маалыматтарды Sputnik Кыргызстан агенттиги жүргүзгөн тексттик баяндамасынан окуңуздар.

17
Белгилер:
кызматкер, Бишкек, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирус чымын-чиркей аркылуу жугушу мүмкүнбү? Адистердин пикири
Бишкекте муниципалдык унаа токтотуучу жайлар иштей баштады. Тизме