Бала бакчадагы балдар. Архив

Тарбиячынын айынан эки жашар кыз бакчанын 2-кабатынан кулап кетти. Казакстандагы окуя

1289
Полиция учурда окуянын чоо-жайын иликтеп жатат.

БИШКЕК, 16-май — Sputnik. Талдыкоргондо эки жашар кыз "Карлыгаш" деп аталган бала бакчанын 2-кабатынан кулап кеткенин Sputnik Казакстан жазып чыкты.

Интернетте камерага түшүп калган окуянын видеосу пайда болду. Кадрда бала бакчанын кенже тайпасында иштеген аял кызды колуна алып, ачык турган терезенин кырына койгон. Жанында дагы бир бөбөк турат. Тар жерде батышпагандыктан кыз терезенин торуна таянууга аргасыз болгон. Тор туруштук бере албай, наристе жерге кулаган.

Ал эми дагы бир видеого (сыртка орнотулган камера) бөбөктүн кулап баратканы түшүп калган.

Ушу тапта кылмыш иши козголуп, ал полициянын тыкыр көзөмөлүндө. Ал эми кулаган кыз облустук оорукананын реанимация бөлүмүндө экени айтылып, абалы туруктуу оор деп бааланды.

1289
Белгилер:
полиция, тарбиячы, көп кабаттуу үй, бала бакча, Казакстан
Ооруканадагы реанимациялык бөлүм. Архивдик сүрөт

Дарыгер: коронавирус жүрөк оорусуна алып келиши ыктымал

8
(жаңыланган 10:54 30.11.2020)
Адис коронавирустан ооруп айыккандарда миокардит (жүрөк булчуңдарынын оорусу) пайда болушу ыктымал экенин белгилеген.

БИШКЕК, 30-ноя. — Sputnik. Коронавируста кан уюп, оору жүрөктүн кан тамырларында тромбду пайда кылат. Бул тууралуу Россиядагы согуштун ардагерлери госпиталынын кардиология бөлүмүнүн башчысы Сергей Ивановдун сөзүнө таянып, РИА Новости кабарлады. 

Дарыгердин айтымында, коронавирус жүрөккө өтүп, аталган органдын булчуңдарын жабыркатат. Жыйынтыгында андан ооруп айыккандарда миокардит (жүрөк булчуңдарынын оорусу) пайда болушу ыктымал.

"Коронавирус катуу кармаганда канда тромбдор пайда болуп, көбүнчө экинчи типтеги миокард инфаркты өрчүп кетет. Бул оорунун кесепеттеринин бири", — деди Иванов.

Адис COVID-19 менен ооруган айрым бейтаптарда бир нече ай өткөндөн кийин алсыздык жана тахикардия (жүрөк оорусу) байкалганын да кошумчалаган.

8
Белгилер:
кан, жүрөк, оору, коронавирус
Тема:
Дүйнөгө жайылган коронавирус
Тема боюнча
Естебесова: COVID-19дан айыккандан кийин деле суюктукту көп ичүү керек

Месси "Осасунага" киргизген голун Марадонага арнады. Видео

35
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

35
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады
Ооруканадагы медиктер. Архивдик сүрөт

COVID жуктургандарды кабыл алчу Бишкектеги ооруканалар. Бош орундардын саны

0
(жаңыланган 11:02 30.11.2020)
Соңку суткада коронавирус жуктургандардын саны 380 адамга жетип, алардын ичинен беш бейтап каза болуп калды.

БИШКЕК, 30-ноя. — Sputnik. Саламаттык сактоо министрлиги COVID-19 жуктуруп алгандарды жаткыруу үчүн Бишкектеги бош оруну бар ооруканалардын тизмесин жарыялады.

30-ноябрь саат 8:00гө карата берилген маалыматка ылайык, 13 ооруканада 240 бош орун бар.

Коронавируска чалдыккандарды дарылаган ооруканалар:

  • Кыргыз-түрк "Достук" ооруканасы — 8;
  • Улуттук хирургия борбору — 2;
  • Улуттук госпиталь — 17;
  • Улуттук госпиталдын урология борбору — 27;
  • Улуттук фтизиатрия борбору — 6;
  • Улуттук кардиология жана терапия борбору — 9;
  • №1 шаардык клиникалык ооруканасы — 48;
  • Республикалык жугуштуу илдеттер ооруканасы — 20;
  • Темир жол ооруканасы — 13;
  • Эне жана баланы коргоо улуттук борбору — 16;
  • Улуттук онкология жана гематология ооруканасы — 5;
  • №2 клиникалык төрөт үйү — 10;
  • Республикалык наркология борбору — 59.

Кыргызстанда COVID-19ду жуктургандардын саны жалпысынан 72 807ге жетип, анын ичинен 1 271 адам адам каза болуп калды.

0
Белгилер:
өлүм, оорукана, коронавирус, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
380 кишиден коронавирус табылып, 360 бейтап айыкты. Соңку статистика
Өткөн суткада COVID-19дан беш кыргызстандык каза болду