Арыктоо. Архивдик сүрөт

Чоң курсактан бир айда кантип арылса болот. Адистердин аныктамасы

5292
Диетолог Сонал Шахтын айтымында, эң биринчи эртең мененки тамакты тууралоо керек.

БИШКЕК, 21-май — Sputnik. Британиялык окумуштуулар төрт жума ичинде чоң курсактан кантип арылса болорун изилдеп чыгышты. Анын жыйынтыгын The Sun басылмасы жазган.

Диетолог Сонал Шахтын айтымында, эң биринчи эртең мененки тамакты тууралоо керек.

"Эртең менен углеводдон баш тартып, белок жана май жеш керек. Булар кандагы канттын деңгээлин турукташтырып, инсулиндин аракетин басаңдатат. Мындан улам бара-бара ички органдардагы ашыкча майлар жоголот", — деди ал.

Мындан тышкары, адистер арыктагысы келген адамдарга бир күн ичинде топтогондон көбүрөөк калория сарптоону сунуш кылат. Бирок бир эле кыймыл менен ойдогу тулку бойго жетүү кыйын. Өзгөчө ашыкча салмак көбүрөөк болгон учурда диета дагы кармоо керектиги кошумчаланды.

Углеводдорго — нан, кант, жаңгак, ботко, көпчүлүк жер-жемиштер жана газдалган суусундук кирет. Ал эми белокко бай азыктар — эт, балык, жумуртка, буурчак, сыр, соя жана башкалар. Майлар тобунда — жумуртка, зайтун, авокадо, эт жана сыр бар.

5292
Белгилер:
салмак, ден соолук, арыктоо
Тема боюнча
Арыктоо менен таңкы тамактын байланышы жокко чыгарылды
Окумуштуулар арыктоо үчүн туздун да пайдасы бар экенин аныкташты
Адистер арыктоо үчүн канча убакыт жөө басуу керектигин айтышты
Ток жүрүп кантип арыктоого болот? Кытайлык медиктин кеңеши
Ооруканада медициналык кызматкер. Архив

Америка ДССУну каржылоодон баш тартса ким жабыркай турганы айтылды

8
(жаңыланган 17:54 26.05.2020)
Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

БИШКЕК, 26-май — Sputnik. АКШнын Дүйнөлүк саламаттыкты сактоо уюмун (ДССУ) каржылоодон баш тартышы Африка өлкөлөрүнө пандемия менен күрөштө терс таасирин тийгизет. Бул тууралуу ДССУнун Африкадагы өкүлү Михель Яого таянып РИА Новости жазды.

Буга чейин АКШ президенти Дональд Трамп аталган уюмдун директору Тедрос Адханомго 30 күн ичинде ДССУ  Кошмо Штаттар талап кылып жаткан реформаларды ишке ашырбаса, уюмга акча бөлүүнү токтото турганын билдирген. Ошондой эле мүчөлүктөн чыгып кетерин дагы айткан. Президенттин пикиринде, уюм коронавирус пандемиясына жетиштүү тез реакция кылган эмес.

"Азыр ушул сыяктуу төлөмдөрдөн баш тарта турган убакыт эмес. Тетиринче, тилектештик керек. Балким, өнүккөн өлкөлөр ДССУга көп муктаж эместир, бирок биздин континент үчүн уюм абдан керек. Бизде азыр узакка созулган кризисти баштан кечирип жаткан өлкөлөр бар", — деди Яо.

Анын айтымында, учурда Африка өлкөлөрүнүн саламаттык сактоо тармагына колдоо катары түшкөн каражаттын 80 пайызы ДССУдан келет. Ал эми АКШнын андагы үлүшү 20 пайызды түзөт.

"Бул бюджеттин кыскартылышы, албетте, бизге абдан эле сезилээрлик болот. АКШнын салымы биз үчүн өтө маанилүү", — деди Яо.

Ошондой эле бул көйгөй учурда коронавирус инфекциясы менен күрөшүп жаткан медиктерге дагы терс таасирин тийгизиши ыктымал. Алардан тышкары Африкада безгек, Эбола сыяктуу өлүмгө алып келген илдеттер көп.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

8
Белгилер:
пандемия, коронавирус, каржылоо, Африка, АКШ
Тема:
Кытайдагы жаңы типтеги коронавирус
Тема боюнча
ДССУ коронавируска каршы препаратты сыноону токтотту. Аны КР дагы алган
ДССУ коронавирустун экинчи толкуну болорун божомолдоду
Facebook соцтармагынын логотиби. Архивдик сүрөт

Facebook кызматкерлеринин теңин аралыктан иштөөгө өткөрмөкчү

13
(жаңыланган 17:33 26.05.2020)
Цукерберг белгилегендей, дистанттык вакансияларды түзүү Facebook компаниясына башка шаарлардан жана өлкөлөрдөн таланттуу адамдарды тартууга мүмкүндүк берет.

БИШКЕК, 26-май — Sputnik. Жакынкы бир нече жылда Facebook 48 миң кызматкеринин жарымын дайыма аралыктан иштегенге өткөрөт. Бул тууралуу компаниянын директору Марк Цукерберг жумушчулары менен жолукканда билдиргенин The New York Times жазды.

Ошондой эле ал бул тууралуу The Verge гезитине берген маегинде да айткан.

Цукербергдин айтымында, учурда Facebook кызматкерлеринин 40 пайызы үйдөн иштөө каалоосун билдиришкен.

"Албетте, COVID-19 биздин жашообузду, ишибизди бир топ өзгөрттү. Бул мезгилден кийин аралыкта иштөө тенденцияга айланат деп ишенем", — деген компаниянын башчысы.

Цукерберг белгилегендей, дистанттык вакансияларды түзүү Facebook компаниясына башка шаарлардан жана өлкөлөрдөн таланттуу адамдарды тартууга мүмкүндүк берет. Себеби бардык эле киши жумуш үчүн жер которгусу келбейт.

Бирок алгач Американын жер-жерлериндеги улук инженерлерди аралыктан иштөөгө штатка алышат. Ал эми компаниянын учурдагы айрым кызматкерлери, тагыраагы, жогорку көрсөткүчкө ээ болгондору гана пандемиядан кийин алыстан эмгектенет. Убакыттын өтүшү менен жумуштун бул түрүн башка бөлүмдөрдө жайылтышат.

Facebook сырттан иштей турчуларды 2021-жылдын 1-январына чейин тизмектейт. Алардын жашаган жерине жараша эмгек акы менен компенсациялары өзгөртүлүшү мүмкүн.

13
Белгилер:
эл аралык укук, иш, кызматкер, Марк Цукерберг, Facebook
Тема боюнча
АКШ соту Facebook компаниясын 5 млрд. доллар айыпка жыкты. Себеби