Үйлөнүү үлпөтү. Архив

Бразилиялык аял өзүнө өзү турмушка чыгууну чечти

859
(жаңыланган 10:16 24.05.2019)
Жуссара Дутра Коту тойдон кийин деле адамдар менен ачык-айрым сүйлөшүп, башкалар менен жылуу мамиледе кала бермекчи.

БИШКЕК, 24-май — Sputnik. Бразилиялык 38 жаштагы аял өлкөнүн тарыхында өзүнө өзү турмушка чыккан келин болуп калганын РИА Новости Estado de Minas басылмасына таянып жазган.

Салтанат жекшемби күнү Бразилиянын батышында орун алган Белу-Оризонти шаарында өтөт. Аялдын өмүрүндөгү өзгөчө окуянын жүрүшү анын социалдык тармактагы жеке баракчасында түз алып көрсөтүлөт.

"Көп аялдар үлпөт көйнөк кийип турмушка чыккысы келет. Ал эми азыркыдай үйлөнүү тою мындай кыз-келиндерге жакшы мүмкүнчүлүк берет, тагыраагы, аял эркекке муктаж болбойт. Өзүңө болгон сезим эң таза сезим эмеспи", — деп айткан Жуссара Дутра Коту (Jussara Dutra Couto).

Бразилияда мындай үйлөнүү расмий нике катары катталбайт. Аппак көйнөкчөн энесин жекшемби күнү алтарга 21 жаштагы кызы колтуктап барса, тойду курбусу өткөрүп жатканы айтылды.

Аял колуна шакек алмашып салган жөрөлгөнүн ордуна көпөлөктүн канаты бар аялдын сүрөтүн татуировка кылып тарттырганы жатканын, ал көз карандысыздыктын символу экендигин айтты. Маалыматта тойдун көркүн көп кабаттуу торт ачары жазылган.

Жуссара Дутра Коту тойдон кийин деле адамдар менен ачык-айрым сүйлөшүп, башкалар менен жылуу мамиледе каларын белгиледи.

859
Белгилер:
аял, той, Бразилия
Тема боюнча
Ашыгына үйлөнүү үчүн 43 жыл бою колун сурап, акыры көздөгөнүнө жетти
Астероид. Архив

2-ноябрда Жерге астероид түшүшү ыктымал

183
(жаңыланган 10:44 20.10.2020)
Астрофизиктин айтымында, биздин планетага келе жаткан таш олуттуу зыян алып келгидей көлөмдө эмес.

БИШКЕК, 20-окт. — Sputnik. 2-ноябрда Жерге муздаткычтын көлөмүндөй болгон астероид түшүшү мүмкүн. Бул тууралуу АКШнын астрофизиги Нил Деграсс Тайсон Instagram баракчасы аркылуу билдирди.

"Көлөмү муздаткычтай болгон 2018VP1 деп аталган астероид, тагыраагы, космос ташы бизге саатына 40,2 миң чакырым ылдамдык менен келе жатат. Ал Жерге 2-ноябрда, АКШдагы президенттик шайлоого бир күн калганда, түшүшү мүмкүн", — деп жазган Деграсс Тайсон.

Астрофизиктин айтымында, биздин планетага келе жаткан таш олуттуу зыян алып келгидей көлөмдө эмес.

"Эгер 2020-жылы акыр заман болсо, ага астероид себепкер болбойт", — деген ал.

Буга чейин NASA окумуштуулары космос ташы Жер планетасынан 384 миң чакырым алыс өтө турганын айтышкан.

АКШ космоско алгачкы ажатканасын орнотууну пландап жатат

Астероид 2018-жылдын 3-ноябрында Калифорния штатындагы (АКШ) Паломар обсервациясында ачылган. Ал "Аполлон" тобуна кирет, тагыраагы, анын учуу жолу Жердин орбитасы аркылуу өтөт.

183
Белгилер:
астрофизика, космос, астероид, жер
Тема боюнча
"Роскосмос" 2011 ES4 астероиди Жерге канчалык коркунуч келтирерин айтты
АКШ президенти Дональд Трамп. Архив

Трамп өзүн суперменге теңеп жиберди

97
(жаңыланган 10:07 20.10.2020)
АКШ лидери коронавируска каршы иммунитети бар экенин жана буга кошумча дары ичкенин айтып, анын укмуштуудай таасирин белгилеп өткөн.

БИШКЕК, 20-окт. — Sputnik. АКШ президенти Дональд Трамп коронавируска каршы антителолордон турган жаңы коктейль ичип, өзүн супермен сезгенин айтып берди. Бул тууралуу РИА Новости жазды.

"Мен Regeneron дарысын ичтим, аны жарым жыл мурда бир да адам уккан эмес. Коктейлди ичкенден кийин өзүмдү супермен сезип жатам", — деген Трамп.

Трамп франциялык кесиптеши Макронду премьер-министр деп салды

Ошондой эле президент америкалыктарга вакцинанын жакын арада иштелип чыгарын убадалаган. Мындан тышкары, ал коронавируска иммунитети бар экенин жана бул эпидемия эмдөөсү жок эле жакынкы мезгилде "өзү кетерин" кошумчалаган. Медиктер Трамптын бул айткандарын сынга алды.

Октябрдын башында Американын лидери Дональд Трамп менен канайым Мелания Трамптан коронавирус аныкталган. Ал ортодо Трамптын абалы кескин начарлап кеткени, кайра өзүн жакшы сезип калганы айтылган. Үч күн ооруканада жаткандан кийин үйүнө чыгарылып, коронавируска улам тест тапшырып жаткан. Соңку ирет дарыгерлер Трамптын коронавирусту башкаларга жуктуруу коркунучу жок экенин маалымдашты.

97
Белгилер:
эмдөө, коронавирус, Дональд Трамп, АКШ
Тема боюнча
Трамптан так талашкан Байден аны "Путиндин күчүгү" деп ачуусуна тийди
Мамлекеттик бажы кызматынын төрагасынын мурдагы орун басары Райым Матраимовду кармалды

Райым Матраимов кантип колго түшүрүлдү. Сүрөттөр

0
(жаңыланган 14:40 20.10.2020)
УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган.

БИШКЕК, 20-окт. — Sputnik. УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады.

  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады
    © Фото / пресс-служба ГКНБ КР
  • Райымбек Матраимов вместе с супругой Амандой Матраимовой задержан в Бишкеке сотрудниками ГКНБ КР. 20 октября 2020 года
    Кадрларда анын колуна кишен салып, андан соң бир нече адам коштоп басып келе жатканын көрүүгө болот
    © Фото / пресс-служба ГКНБ КР
  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды
    © Фото / пресс-служба ГКНБ КР
1 / 3
© Фото / пресс-служба ГКНБ КР
УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады

Кадрларда анын колуна кишен салып, андан соң бир нече адам коштоп басып келе жатканын көрүүгө болот.

УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды.

0
Белгилер:
Сүрөт, УКМК, Райымбек Матраимов
Тема:
Райым Матраимовдун кармалышы
Тема боюнча
Райым Матраимов кармалды