Көлгө түшүп жаткан адамдар. Архив

Көп жашоо үчүн канча убакыт эс алуу керек. Окумуштуулардын изилдөөсү

2353
(жаңыланган 16:15 04.06.2019)
Адистер 30-60 жаштын ортосундагы 100гө чукул аялга изилдөө жүргүзүп, аларды алты күнгө мейманканада эч нерсе жасабай эс алып жатууга жиберген.

БИШКЕК, 3-июн. — Sputnik. Огайо университетинин (АКШ) окумуштуулары узак жашоо үчүн ири алдыда эмне керектигин изилдеп чыккандыгын "Известия" басылмасы жазды.

Адистер ден соолукту сактап жана эрте өлүмдүн алдын алуу үчүн адамдар кеминде үч жума эс алышы керектигин айтышкан.

Окумуштуулар 30-60 жаштын ортосундагы 100гө чукул аялга изилдөө жүргүзүп, аларды алты күнгө мейманканада эч нерсе жасабай, эс алып жатууга жиберген. Эс алуудан кийин кандын анализин алып, ага кошумча, жылына үч ирет саламаттыгын жана ал-абалын сурап көзөмөлдөп турушкан.

Натыйжада ден соолукка ал тургай төрт күн катары менен эс алуу кадимкидей таасирин берери, иштебегенде стресстин деңгээли бир топ эле түшүп калары аныкталган.

Экспериментке катышкандардын абалы бир аптада кадимкидей өзгөргөн. Кооптонуу сезимдери жоголуп, иммунитет көтөрүлүп, стресске реакция кылган гендер активдешкен. Алардын канындагы картаюуну көрсөткөн биомаркерлер кадыресе кыскарган.

Окумуштуулар мындай майнаптуу көрсөткүч ондогон айларга чейин созулгандыгын белгилешти.

2353
Белгилер:
изилдөө, эс алуу, окумуштуулар, АКШ
Тема боюнча
Узак жашагысы келген аялдар эмнеден баш тартышы керек? Адистердин жообу
Окумуштуулар кара моюлдун пайдасын айтып беришти
Беларусь президенти Александр Лукашенконун улуу баласы Виктор Лукашенко. Архив

Лукашенконун уулуна генерал наамы берилди

12
Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

БИШКЕК, 1-мар. — Sputnik. Беларусь президенти Александр Лукашенконун улуу баласы Виктор Лукашенкого запастагы генерал-майор наамы берилди. Бул тууралуу РИА Новости аталган президенттин маалымат кызматынын сайтына таянып кабарлады.

"Полковниктер Владимир Куприянюк, Роман Подлинев, Николай Карпенков, Дмитрий Шахраев, Андрей Павлюченкого кезектеги генерал-майор наамы, ал эми Виктор Лукашенкого запастагы генерал-майор наамы ыйгарылды", — деп айтылат маалыматта.

Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

"Анда Беларусь башчысы бийликти өзүнүн балдарына берүү боюнча маалыматты четке каккан. Тагыраагы, кеп бул жерде улуу баласы туурасында жүргөн. Мамлекет башчысы Виктор Лукашенко УОК жетекчилигине шайлангандан кийин мамлекеттик кызматкер болбой тургандыгын, аны президенттин улуттук коопсуздук боюнча жардамчылыгынан бошотушарын айткан", —  деп жазды РИА Новости.

Беларусь президенти Лукашенко буга чейин жаңы Конституция кабыл алынгандан кийин мамлекет башчысы болбой турганын жар салды.

12
Белгилер:
Виктор Лукашенко, генерал, УОК, Александр Лукашенко, Беларусь
Тема боюнча
Владимир Путин Садыр Жапаровго кунда жок кылыч белек кылды. Сүрөт
Пашиняндын "Искандерлер" боюнча айтканы элди экиге бөлгөндө. Россия эмне деди

Брюс Лини туураган Нурмухаммед өзгөчө өнөрү менен рекорд койду. Видео

222
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.

Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.

Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.

"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.

Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.

Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.

222
Белгилер:
Нурмухаммед Ташмаматов, видео, өнөр, теннис, рекорд, жеткинчек, Россия, Кыргызстан
Тема боюнча
Кыргызстандык кыз "Лучше всех" шоусунда спорттун өзгөчө түрүн көрсөттү. Видео