Дүйнөдө 120 миллион адам дайыма ачка жүрөт. БУУнун иликтөөсү
БИШКЕК, 7-июн. — Sputnik. Учурда дүйнө жүзү боюнча 120 миллион адам ачкачылыкта жашайт. Эл аралык уюмдар бул кырдаалды 2030-жылга чейин жоюуну пландап жатканын БУУнун Азык-түлүк боюнча дүйнөлүк программасынын директору Дэвид Бизли РИА Новости агенттигине айтып берди.
"Биздин максат — 2030-жылга чейин ачкачылыкты жоюу. Ушул күндөрү жер жүзүндө 821 миллион кишинин колу азык-түлүккө жетпей турат. Анын ичинен 120 миллиону дайыма ачка жүрөт", — деди ал.
Директордун пикиринде, буга аягы тыйылбаган согуштар жана ири державалар ортосундагы пикир келишпестиктер себеп.
"Тынчтык менен токчулук дайыма бирге жүрчү нерселер. Бирок азыр согуштар тыйылбай келет. Бул биздин эң биринчи көйгөйүбүз", — деди Бизли.
2015-жылдын сентябрь айында БУУнун кезектеги саммитинде "Ачкачылыкты 2030-жылга чейин жоюу" программасы кабыл алынган. Анда азык-түлүк жетишсиздиги көйгөйүнөн кутулуудан тышкары климаттын кескин өзгөрүшүнө каршы туруу жана гендердик теңчилик маселелери камтылат.
Баланын коопсуздугун колу менен коргогон мышык. Ич жылыткан видео
Балкондун кармагычына колун созгон бөбөктү жанында отурган мышык кадимкидей тыйып, кадам сайын "тартипке чакырып" жатканын көрүүгө болот.
Тили чыга элек бала балкондун кармагычына колун созуп, асылгысы келип, бирок ага жанында периште сымал кайтарып отурган мышык "жол бербей" жатканы четте турган кишинин ичин жылытат. Агала мышык "максатына жетүүгө тоскоол болгонун" түшүнгөн сымал, бөбөктүн бөлмөнүн башка тарабына кетип бара жаткан учуру менен видео аяктаган.
Белгилер:
Мамагенттик: Токио Олимпиадасынан үч медаль утабыз деген максат бар
(жаңыланган 19:04 27.01.2021)
Мамагенттик ата мекендик спортчулар эл аралык ири мелдештерге мыкты даярдык көрүүсү үчүн бардык зарыл шарттар түзүлүп жатканы айтылууда.БИШКЕК, 27-янв. — Sputnik. Кыргызстан Токио Олимпиадасынан үч медаль утууну пландап жатат. Бул тууралуу Жаштар иши, дене тарбия жана спорт боюнча мамлекеттик агенттигинин башчысы Канат Шабданбаев айтканын агенттиктин маалымат кызматы билдирди.
Бүгүн, 27-январда, мекеменин коллегиясы өтүп, ага вице-премьер Эльвира Сурабалдиева жетекчилик кылган.
"Азыркы тапта олимпиадалык оюндарга чейин биздин спортчулардын лицензиялык мелдештерге катышуусу турат. Жалпысынан спорттун 13 түрү боюнча 21 лицензия алууга жетишүүнү максат кылганбыз. Олимпиада оюндарында үч медаль алуу ниетибиз бар. Паралимпиадалык спорттун түрлөрү боюнча 3 лицензиядан кем эмес жана Паралимпиада оюндарында бир байгелүү орунга жетебиз деп пландаштырып жатабыз", — деген ал.
©
AFP 2021 / KIRILL KUDRYAVTSEV
Кыргызстанда учурда Олимпиада оюндарына жалпысынан алты лицензия бар. Грек-рим күрөшүнүн балбаны Атабек Азисбеков, кыздар күрөшүнүн дүйнө чемпиону Айсулуу Тыныбекова, жөө күлүк спортчулар Дарья Маслова, Юлия Андреева жана Мария Коробицкая, ошондой эле суучул Денис Петрашов лицензия утуп алышкан.
"Айламды таппай калдым". Ырчы Анжелика улуу кызынын да моюну сынганын билдирди
(жаңыланган 22:39 27.01.2021)
Ырчы 23-январдын таңында Ысык-Көл облусунда жол кырсыгына кабылган. Автоунаасында өзү менен кошо үч кызы болгон.БИШКЕК, 27-янв. — Sputnik. Жол кырсыгына кабылган ырчы Анжелика Кайратованын чоң кызы Айыманын да мойнунун омуртка сөөктөрү сынганы аныкталды. Бул тууралуу ырчы өзү Instagram баракчасына жазды.
Посмотреть эту публикацию в Instagram
Ал кыргызстандыктардан кызынын батыраак айыгып кетишин тилеп, дуба кылып коюуну сурап кайрылган.
"Айламды таппай турган кезим. Кызым белим дей берип, моюндун омуртка сөөктөрү сынганын эми көрүп жатабыз. Бир капталы кыймылдабай жатат. Элим, дуба кылалы. Аллахтан жардам, сиздерден жардам сурайм! Ушундай колдоо керекте жалгызсыратпаңыздар, суранам!" — деп кайрылды ырчы.
Эске салсак, Анжелика Кайратова 23-январдын таңында Ысык-Көл облусунда жол кырсыгына кабылган. Автоунаасында өзү менен кошо үч кызы болгон. Дарыгерлер беш жаштагы кызынын эки бутунун тең кашка жиликтери сынып, ырчынын өзүнүн омурткалары жабыркаганын айткан. Экөөнө тең операция жасалган. Ал эми эки кызынын абалы туруктуу экени кабарланган болчу.