Сейф. Архив

Турист 40 жылдан бери бекип турган сейфти кокусунан ачып алды

1194
Буга чейин сейфтин ичинде эмне бар экенин эч ким билчү эмес. Ачылгандан кийин эски документ, официанттын блокноту жана чек табылган.

БИШКЕК, 9-июн. — Sputnik. Канададагы турист 40 жылдан бери бек турган, эч ким сындырып да ача албаган сейфти кокустан ачып койду. Бул тууралуу Sputnik Белоруссия Global News басылмасына таянып кабарлады.

​Билдирмеге караганда, турист үй-бүлөсү менен Альберт провинциясында эс алып жүргөн. 36 жашар Стивен Миллс дем алышы узакка созулуп кеткендиктен, музейге кире кетүүнү чечкен. Музей анча популярдуу болбогондуктан жабык болчу. Бирок туристтерге экскурсия жасалган.

Музейге белек катары берилген сейф тууралуу туристтерге маалымат айтылып, аны 40 жылдан бери эч ким ача албай койгону кабарланган. Бул учурда туристтердин арасындагы Миллс оюна биринчи келген 20, 40, 60 комбинациясын колдонуп, сейфти ачууга аракет кылып көрөт. Ал сандар туура чыгып, сейф ачылып, элдин баарын таң калтырган.

"Буга чейин анын ичинде эмне бар экенин эч ким билчү эмес. Көрсө, сейфте эски документ, официанттын блокноту жана чек бар экен", — деп жазылат кабарда.

Музей жетекчисинин айтымында, турист бул иши менен тарыхый жайды жабылып калуу коркунучунан сактап калган. Анткени аталган маалымат ЖМКга чыккандан кийин музейге келген туристтердин саны арбыган.

1194
Белгилер:
турист, сейф, Канада
Тема боюнча
Мельбурнда олдоксон ууру соцтармак колдонуучуларын күлкүгө бөлөдү. Видео

Тизелеп, тилектештикти билдирип… АКШ полициясынын видеосу

50
Американын Де-Мойн шаарындагы нааразычылык акциясы жүрүп жаткан маалда полиция эл алдында тизелеп турду.

Муну менен тартип коргоочулар акцияга чыккандарга тилектештигин билдирип, расизмге жана адилетсиздикке каршы экендигин билдиришкен.

Шаар администрациясынын айтымында, митинг коменданттык саат алдында болгон. Ага катышкандар өздөрү эле үйүнө кайтышкан.

46 жаштагы афроамерикалык Жордж Флойддун өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен чатактын мизи кайта элек. Нааразычылык акциясынын катышуучулары Флойдду өлүмгө дуушар кылган полиция кызматкерлерин катуу жазалоону талап кылышууда.

50
Белгилер:
видео, нааразычылык акциясы, полиция, АКШ
Тема боюнча
Америкалыктар бизнесин мародерлордон курал менен коргоп жатат. Видео
Өмүрүн тобокелге салып тартышкан. АКШдагы башаламандыкты баяндаган 12 сүрөт
Телефон колдонуп жаткан кыз. Архив

Телефон тыңшоодо экенин кантип билүүгө болот. Адистин кеңеши

478
(жаңыланган 11:23 04.06.2020)
Тыңшоочу аппараттын түрлөрү көп, алар легалдуу жана легалдуу эмес деп бөлүнөт. Бирок муну тактоо оңой эмес.

БИШКЕК, 4-июн. — Sputnik. Телефонго ээси орнотпосо да кошумча программалык камсыздоонун кирип калганы аппараттын тыңшоодо экендигинен кабар берет. Бул тууралуу TelecomDaily маалымат-аналитикалык агенттигинин башчысы Денис Кусковдун айтканына таянуу менен РИА Новости жазып чыкты.

Маалыматка ылайык, уюлдук аппараттын өзүнөн өзү өчүп-күйүп, колдонулбаса деле кубаттуулугу түгөнө бергенинде да мандем бар.

Кусковдун айтымында, тыңшоочу аппараттын түрлөрү көп, аларды легалдуу жана легалдуу эмес деп бөлүүгө болот. Бирок муну билүү оңой иш эмес, ал үчүн кымбат аппарат керектелет.

Ошондой эле смартфондун кубаттуулугу бат эле түгөнүп калса, демек кайсы бир программа фондук режимде иштеп жатат. Муну дагы тактап алуу керек.

478
Белгилер:
программа, аппарат, телефон
Тема боюнча
Кооптуу делген смартфондор аталды
Эл аралык Манас аэропортунда учак. Архив

15-июндан тарта тышкы каттамдар жанданат. Кайсы компаниялар учууга макулдук берди

5
(жаңыланган 13:44 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

5
Белгилер:
авиакомпания, коронавирус, алгоритм, учак, каттам, Курманбек Акышев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр: Бишкек — Оштун ортосунда авиакаттам жумасына бир эле жолу болот
РФ элчилиги "Кант" базасынын аймагы Россияга өтөт деген кабарды төгүндөдү