Калифорниядагы Ажал өрөөнү. Архивдик сүрөт

Жер жүзүндөгү мээ кайнаткан ысык жерлер аталды. Тизме

600
(жаңыланган 10:54 20.06.2019)
Сап башына Калифорниядагы Ажал өрөөнү чыкты. Мындан башка дагы аптап куйкалаган аймак катары метеорологдор Кувейтти аташты.

БИШКЕК, 20-июн. — Sputnik. Дүйнөлүк метеорология уюму адамзаттын тарыхында эң ысык болгон жерлерди атаганын Sputnik Казакстан жазды.

"2016-жылдын 21-июлунда Митрибахтагы (Кувейт) +53,9 градус Азиядагы алды-кийин болбогон аптап деп аталып, Жер планетасындагы үчүнчү эң ысык температура катары аныкталды", — деп айтылат аталган уюмдун Twitter баракчасында.

Метеорологдор эң ысык жердин тизмесиндеги төртүнчү тепкичте + 53,7 градусу менен Турбат (Пакистан) аймагы 2017-жылдын 28-майында катталгандыгын билдирген.

Мээ кайнаткан ысыктыгы менен рекорд койгон жерлер төмөнкүлөр:

  • Калифорниядагы Ажал өрөөнү — 56,7 градус ысык 1913-жылы 10-июлда катталган;
  • Келибия (Тунис) — 55 градус ысык 1931-жылы июлда катталган;
  • Митрибах (Кувейт) — 53,9 градус ысык 2016-жылы 21-июлда катталган;
  • Турбат (Пакистан) — 53,7 градус ысык 2017-жылдын 28-майында катталган.

Ажал өрөөнү деген аталышка аймак алтын күчөп жаткан кезде ээ болгон. Бул жерде индейлердин тимбиша деп аталган уруусу жашаган. Элди азыркыга чейин өзүнө тарткан жай — кургап калган Рейстрек-Плайя көлүндөгү жылып турган таштар, жарым-жартылай суу толуп калган Азезилдин чуңкуру деп аталган үңкүр. Анын тереңдиги азыркыга чейин белгисиз.

600
Белгилер:
Гидрометеорология агенттиги, ысык, Калифорния, Кувейт, АКШ
Тема боюнча
Сездиңиз беле? NASA эң ысык төрт жыл жана аптаптын кесепети тууралуу
Нөшөрлөп жаан жаап, тоолорго кар түшөт. ӨКМ шашылыш билдирүү таратты
Бириккен Араб Эмирлигинин түндүк-чыгышындагы Аджман аймагындагы базарда ири өрт учурунда

Бириккен Араб Эмирлигинде базарда ири өрт чыкты. Видео

27
(жаңыланган 16:01 06.08.2020)
Маалыматка караганда, өрт 5-августта жергиликтүү убакыт менен саат 18:30да башталган. Тилсиз жоо менен өрт өчүрүүчүлөр 2,5 саат күрөшкөнү айтылат.

БИШКЕК, 6-авг. — Sputnik. Бириккен Араб Эмирлигинин түндүк-чыгышындагы Аджман аймагындагы базарда ири өрт чыкты. Бул тууралуу The National жазды.

Маалыматка караганда, өрт 5-августта жергиликтүү убакыт менен саат 18:30да башталган. Тилсиз жоо менен өрт өчүрүүчүлөр 2,5 саат күрөшкөнү айтылат.

​Жергиликтүү полиция жетекчисинин айтымында, базардын айрым жерлери такыр эле өрттөнүп, күлү гана калды. Бирок жабыркагандар болгон жок. Анткени акыркы төрт айдан бери карантинге жабылып турган.

Үрөй учурган жарылуу болгон жерден алынган 14 сүрөт. Бейруттагы трагедия

Учурда полиция өрттүн себебин иликтеп жатат.

27
Белгилер:
видео, өрт, базар, Бириккен Араб Эмирлиги
Тема боюнча
Жүрөктү титиретет! Бейруттагы  катуу жарылуунун видеосу 
Аэрофлот авиакомпаниянын Airbus A320  учагы. Архив

"Аэрофлот" бир нече шаарга августтагы каттамдарын токтотту. Ичинде Бишкек да бар

220
(жаңыланган 13:47 06.08.2020)
Буга чейин КРдин Жарандык авиация агенттигинин жетекчиси Курманбек Акышев Россия Кыргызстанга 15-августтан 30-августка чейин каттамдарды жаңылоо маселесин карап жатканын айткан.

БИШКЕК, 6-авг. — Sputnik. Россиянын "Аэрофлот" авиакомпаниясы буга чейин пландалып, билеттер сатылып кеткен август айындагы бардык каттамдарын токтотту. Бул тууралуу ишкананын маалымат кызматына шилтеме берип РИА Новости жазды.

Компания учууларды кайра токтоткон шаарлардын тизмесинен Бишкекти дагы көрүүгө болот.

"Аэрофлот" дүйнөдөгү эпидемиологиялык абалды эске алуу менен август айына пландалган каттамдарын токтотуп турууга мажбур болду", — деп айтылат компаниянын түшүндүрмөсүндө.

Буга чейин Жарандык авиация агенттигинин жетекчиси Курманбек Акышев Россия Кыргызстанга 15-августтан 30-августка чейин каттамдарды жаңылоо маселесин карап жатканын айткан.

Кыргызстан жакында үч өлкө менен аба каттамын жандантууну пландап жатат

Эске салсак, Борбор Азия мамлекеттеринде, анын ичинен Кыргызстанда Россия менен аба каттамдарынын ачылышын чыдамсыздык менен күтүп жатышат. Чек ара жабылгандан кийин миңдеген адамдар сыртта калып, учурда алардын көбү үйүнө кайтууну көздөп турушат.

220
Белгилер:
пандемия, миграция, учак, каттам, Кыргызстан, Россия
Тема боюнча
Кыргызстанга эл аралык аба каттамдары августта жаңыланабы? Расмий жооп
Дарылар. Архив

Кыргызстанда коронавируска каршы кайсы дарылар жетишсиз. Тизме

6
(жаңыланган 16:16 06.08.2020)
Жетишпей жаткан дарылардын бардыгы коронавирус жана пневмония илдетинин оор жана өтө оор формаларын дарылоо үчүн зарыл.

БИШКЕК, 6-авг. — Sputnik. Милдеттүү медициналык камсыздандыруу фондунун төрайымы Элнура Боронбаева өлкөдө дары-дармек менен камсыз кылуу боюнча кырдаал турукташып калганын, бирок айрым препараттар тартыш болуп жатканын брифингде маалымдады.

Анын айтымында, өлкөдө азыр төмөнкү дарылар тартыш болууда:

  • надропарин (фраксипарин)
  • натрийдин эноксапарини
  • кларитромицин
  • пиперациллин-тазобактам
  • мидазолам.

Булар коронавирус жана пневмония илдетинин оор жана өтө оор формаларын дарылоо үчүн зарыл.

"Бүгүнкү күндө саламаттык сактоо уюмдарында акча каражаты жетиштүү. Дары-дармек каражаттары жана медициналык буюмдар менен камсыз кылуу департаментинен билдиргендей, бардык дары-дармек Кыргызстандын рыногунда бар. Ушуга байланыштуу саламаттык сактоо уюмдарынын жетекчилерине кайрылып кетким келет. Колдо болгон ресурстарды пайдаланып, калкты дары-дармек, дезинфекциялоочу каражат жана медициналык буюмдардын запасы камсыз кылыңыздар", — деди Боронбаева.

Ал жыл башынан тартып медиктердин компенсациялык төлөмдөрүн жүргүзүүгө 623,8 миллион сом төлөнүп берилгенин кошумчалады.

6
Белгилер:
дарылоо, коронавирус, каражат, ММКФ, дары-дармек
Тема:
Коронавируска байланыштуу Кыргызстандагы кырдаал
Тема боюнча
Заматта баары тозокко айланып кетерин эч ким күткөн эмес. Дарыгердин маеги