Россия президенти Владимир Путиндин түз алып берүүсүн көргөн кыз. Архивдик сүрөт

Путин кайсы учурда өзүн күнөөлүү сезерин айтып берди

434
(жаңыланган 18:28 20.06.2019)
Россия лидери кол алдындагыларга сөгүш берип же аларды иштен бошотууну сейрек жасаш керектигин айтты.

БИШКЕК, 20-июн. — Sputnik. Россия президенти Владимир Путин эгерде анын берген буйругу аткарылбай, иш алга жылбаса, буга өзүнүн да күнөөсү бар деп эсептерин айтты. Бул пикирин Россия лидери калк менен болгон түз байланышта билдирди.

Анда журналист айткандары аткарылбай калса, президенттин чыдамы канчага чейин жетерин сураган.

"Кимдир бирөө мен айткан нерсени аткарбай, иш жасалбай калса, демек, мен өзүмдүн күнөөм бар деп сезем. Аткаминерлерге кылыч булгалап (образдуу айтканда — ред.), артынан сая кууган ыкманы өтө зарыл болгон учурларда гана колдонуу керек", — деди президент.

Түз байланышта Путин россиялыктардын суроолоруна жооп берип жатат.

434
Белгилер:
сөгүш, жетекчилик, күнөө, байланыш, Владимир Путин, Россия
Тема боюнча
Путин россиялыктарды кайсы маселелер көбүрөөк түйшөлтөрүн айтты
Путин санкциядан Россия, Евробиримдик жана АКШ тарткан зыянды салыштырды
Астероид. Архив

2-ноябрда Жерге астероид түшүшү ыктымал

175
(жаңыланган 10:44 20.10.2020)
Астрофизиктин айтымында, биздин планетага келе жаткан таш олуттуу зыян алып келгидей көлөмдө эмес.

БИШКЕК, 20-окт. — Sputnik. 2-ноябрда Жерге муздаткычтын көлөмүндөй болгон астероид түшүшү мүмкүн. Бул тууралуу АКШнын астрофизиги Нил Деграсс Тайсон Instagram баракчасы аркылуу билдирди.

"Көлөмү муздаткычтай болгон 2018VP1 деп аталган астероид, тагыраагы, космос ташы бизге саатына 40,2 миң чакырым ылдамдык менен келе жатат. Ал Жерге 2-ноябрда, АКШдагы президенттик шайлоого бир күн калганда, түшүшү мүмкүн", — деп жазган Деграсс Тайсон.

Астрофизиктин айтымында, биздин планетага келе жаткан таш олуттуу зыян алып келгидей көлөмдө эмес.

"Эгер 2020-жылы акыр заман болсо, ага астероид себепкер болбойт", — деген ал.

Буга чейин NASA окумуштуулары космос ташы Жер планетасынан 384 миң чакырым алыс өтө турганын айтышкан.

АКШ космоско алгачкы ажатканасын орнотууну пландап жатат

Астероид 2018-жылдын 3-ноябрында Калифорния штатындагы (АКШ) Паломар обсервациясында ачылган. Ал "Аполлон" тобуна кирет, тагыраагы, анын учуу жолу Жердин орбитасы аркылуу өтөт.

175
Белгилер:
астрофизика, космос, астероид, жер
Тема боюнча
"Роскосмос" 2011 ES4 астероиди Жерге канчалык коркунуч келтирерин айтты
АКШ президенти Дональд Трамп. Архив

Трамп өзүн суперменге теңеп жиберди

96
(жаңыланган 10:07 20.10.2020)
АКШ лидери коронавируска каршы иммунитети бар экенин жана буга кошумча дары ичкенин айтып, анын укмуштуудай таасирин белгилеп өткөн.

БИШКЕК, 20-окт. — Sputnik. АКШ президенти Дональд Трамп коронавируска каршы антителолордон турган жаңы коктейль ичип, өзүн супермен сезгенин айтып берди. Бул тууралуу РИА Новости жазды.

"Мен Regeneron дарысын ичтим, аны жарым жыл мурда бир да адам уккан эмес. Коктейлди ичкенден кийин өзүмдү супермен сезип жатам", — деген Трамп.

Трамп франциялык кесиптеши Макронду премьер-министр деп салды

Ошондой эле президент америкалыктарга вакцинанын жакын арада иштелип чыгарын убадалаган. Мындан тышкары, ал коронавируска иммунитети бар экенин жана бул эпидемия эмдөөсү жок эле жакынкы мезгилде "өзү кетерин" кошумчалаган. Медиктер Трамптын бул айткандарын сынга алды.

Октябрдын башында Американын лидери Дональд Трамп менен канайым Мелания Трамптан коронавирус аныкталган. Ал ортодо Трамптын абалы кескин начарлап кеткени, кайра өзүн жакшы сезип калганы айтылган. Үч күн ооруканада жаткандан кийин үйүнө чыгарылып, коронавируска улам тест тапшырып жаткан. Соңку ирет дарыгерлер Трамптын коронавирусту башкаларга жуктуруу коркунучу жок экенин маалымдашты.

96
Белгилер:
эмдөө, коронавирус, Дональд Трамп, АКШ
Тема боюнча
Трамптан так талашкан Байден аны "Путиндин күчүгү" деп ачуусуна тийди
Райымбек Матраимов вместе с супругой Амандой Матраимовой задержан в Бишкеке сотрудниками ГКНБ КР. 20 октября 2020 года

Райым Матраимов кантип колго түшүрүлдү. Сүрөттөр

0
(жаңыланган 14:34 20.10.2020)
УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган.

БИШКЕК, 20-окт. — Sputnik. УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады.

  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады
    © Фото / пресс-служба ГКНБ КР
  • Райымбек Матраимов вместе с супругой Амандой Матраимовой задержан в Бишкеке сотрудниками ГКНБ КР. 20 октября 2020 года
    Кадрларда анын колуна кишен салып, андан соң бир нече адам коштоп басып келе жатканын көрүүгө болот
    © Фото / пресс-служба ГКНБ КР
  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды
    © Фото / пресс-служба ГКНБ КР
1 / 3
© Фото / пресс-служба ГКНБ КР
УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады

Кадрларда анын колуна кишен салып, андан соң бир нече адам коштоп басып келе жатканын көрүүгө болот.

УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды.

0
Белгилер:
Сүрөт, УКМК, Райымбек Матраимов
Тема боюнча
Райым Матраимов кармалды