Түгөйлөр. Архивдик сүрөт

Ар бир үчүнчү кыз жолугушууга тамак жеш үчүн барат. АКШдагы сурамжылоо

814
(жаңыланган 20:11 22.06.2019)
Адистин пикиринде, мындай ишти кээде эркектер да жасайт.

БИШКЕК, 22-июн. — Sputnik. Ар бир үчүнчү кыз жолугушууга акысыз тамак ичиш үчүн барат. Бул тууралуу "Известия" жазды.

Басылма АКШдагы Азуса университетинин социологдорунун билдирүүсүн жарыялап, америкалык журналдардын бирине чыккан изилдөөнүн жыйынтыгына таянган.

Сурамжылоого жүздөгөн кыз катышкан. Окумуштуулар алардын психологиялык абалын жана анча олуттуу эмес кездешүүлөргө кандай көз карашта экендигин текшерген. Жыйынтыгында кыздардын 33 пайызы жок дегенде бир жолу романтикалык сезимдер үчүн эмес, жолугушууга курсагын тойгузуу үчүн баргандыгы белгилүү болгон.

Адистер мындай ыкмага көбүрөөк ыктаган аялдарды да аныктаган. Алардын айтымында, андай кыз-келиндер терс сапаттарга ээ болуп, башкаларды манипуляциялап, баарлашкан адамынын ички сезимин, эмоцияларын жакшы түшүнө албайт.

"Мындай сулуулар өзүмчүл, таш боор келишет. Алар аял менен эркектин ролун салттык көз караш менен карагандар", — деди социолог Брайан Коллиссон.

Анын пикиринде, изилдөөнүн жыйынтыгы мындай жолдорго кыз-келиндер гана бара тургандыгын далилдебейт. Мындай ишти кээде эркектер да жасайт, бирок азырынча андай изилдөө жүргүзүлө электиги белгиленди.

814
Белгилер:
сурамжылоо, изилдөө, АКШ
Тема боюнча
Адам 50 жаштан кийин эмнеге бат карый баштайт? Окумуштуулардын иликтөөсү
Агам экенин айтып коюшса, сүйбөйт элем го... Жаш кыздын жүрөк тилген каты
Кыргызстандык мушкер Рафаэль Физиев. Архив

Кубанып турам! Кыргызстандык Физиев UFC уюму менен келишимин жаңыртты

4
Аралаш мушташ спортундагы эң беделдүү UFC уюмунда күчүн сынаган Физиев эми дагы төрт беттеш өткөрө алат. Андан кийинки турнирлерге катышуусу рейтингинен көз каранды деп эсептелинет.

БИШКЕК, 5-авг. — Sputnik. Кыргызстандык мушкер Рафаэль Физиев Абсолюттук мушкерлер уюму (UFC) менен келишимин узартты. Бул сүйүнүчтүү кабары менен спортчу Instagram баракчасы аркылуу бөлүштү.

 

Контракт боюнча Физиев уюмдун алкагында төрт беттеш өткөрөт.

"UFC уюму менен жаңы келишим түзгөнүмө кубанып турам. Жакшы бир шарттар менен төрт беттеш өткөрөм. Менин менеджерлик командама ыраазычылыгымды билдирем", — деген Физиев.

Рафаэль Физиевге UFC канча гонорар төлөп берери белгилүү болду

Белгилей кетсек, промоутерлик компания спортчу бир нече кармаш өткөргөн сайын анын келишимин узартууну же токтотууну карап чыгып турат. Бул мушкердин жеңиштерди камсыздап, өз рейтингине кам көргөнүнө жараша болот. 

Эске салсак, Физиевдин соңку кармашы 19-июлда Абу-Дабидеги "Мушкерлер аралында" өтүп, анда англиялык Марк Диакезини жеңип алган.

Рафаэль жалпысынан UFC уюмунда үч кармаш өткөргөн. Биринчисинде россиялык Магомед Мустафаевден жеңилип, кийин бразиялык Алекс Уайтты утуп алган.

 

4
Белгилер:
турнир, мушкер, келишим, Рафаэль Физиев, UFC
Тема боюнча
Физиев жеңишинен кийин кыргызстандыктарга кайрылды. Видео
Төрага Жумабеков мушкер Физиевди UFC мелдешиндеги жеңиши менен куттуктады
Стамбулдагы Ататүрк аэропортунан учуп жаткан учак. Архив

Элчилик: Түркия Кыргызстан менен авиа байланышты жандантты

178
(жаңыланган 13:59 05.08.2020)
Жарандык авиация агенттигинин башчысы Курманбек Акышевдин айтымында, бул каттамдар туруктуу авиа байланышка кирбейт, анткени Кыргызстандын чек арасы ачыла элек.

БИШКЕК, 5-авг. — Sputnik. "Түрк аба жолдору" компаниясы Стамбул – Бишкек – Стамбул багыты боюнча авиакаттамды жандантты. Бул тууралуу Түркиянын Кыргызстандагы элчилигинен кабарлады.

Каттамдар аптасына эки ирет жүргүзүлөт. Жарандык авиация агенттигинин башчысы Курманбек Акышевдин айтымында, бул каттамдар туруктуу авиа байланышка кирбейт.

"Бул каттамдар менен Кыргызстандан Түркия жарандары гана учуп кете алышат, ал эми Стамбулдан болсо биздин жарандар гана учуп келишет. Бул аптасына эки жолу жүргүзүлүүчү чартердик каттамдар. Биздин чек аралар март айында жабылган. Ал ачылмайынча биз туруктуу авиа байланышты жанданта албайбыз. Түркия макулдук берген, чек аралар ачылары менен биз туруктуу каттамдарды жандантабыз", - деген  Акышев.

Түркиянын элчилиги билдиргендей, Стамбул – Бишкек каттамына Кыргызстандын жарандарына уруксат берилген. Каттам менен учуу үчүн ПЦР-тест тапшыруу талап кылынбайт, учуп келгенде кыргызстандыктар карантинге жаткырылбайт.

Россия-казак чек арасында чогулган кыргыз, өзбек мигранттары эртең мекенине жөнөтүлөт

Көпчүлүк чет өлкөлүктөрдүн, анын ичинде Түркия жарандарына Кыргызстанга кирүүгө тыюу салынган. Өлкөдөн төмөнкү категориядагы жарандар гана чыгып кете алышат:

  • Дипломатиялык өкүлчүлүктүн кызматкерлери жана алардын үй-бүлө мүчөлөрү;
  • Дипломатиялык өкүлчүлүктөрдүн суроо-талабы колдонулган чет өлкө жарандары (өзгөчө W1 жана W2 визасын алып жүрүүчүлөр);
  • Чет өлкө жарандары болуп саналган расмий делегациянын мүчөлөрү;
  • Кыргызстанда жумушчу визасы бар чет элдиктер;
  • Кыргызстандын жарандарынын жакын тууганы болгон чет өлкөлүктөр;
  • Жүк жеткирүүчүлөр;
  • Учкучтар жана айдоочулар.

Бул жарандарга ошондой эле карантин да тиешелүү болбойт.

Эске сала кетсек, ЖАА директору буга чейин чет өлкөлөр менен туруктуу авиа байланыш сентябрь айында жанданаарын билдирген.

178
Белгилер:
Кыргызстан, Түркия, байланыш, авиакаттам, пандемия
Тема боюнча
Кыргызстанга эл аралык аба каттамдары августта жаңыланабы? Расмий жооп
Миңдеген кыргызстандыктар Россия менен каттамдын ачылышын күтүп жатат