Курт-кумурскалар. Архивное фото

Курт-кумурскалар жоголуп баратат. Андан ары адамзатты ири кыйроолор күтөт

1133
(жаңыланган 11:05 02.07.2019)
Крефельд шаарындагы Энтомология коомунун окумуштуулары массалык түрдө кырылып калуунун башталышы тууралуу маалыматтарды таап чыгышкан.

БИШКЕК, 2-июл. — Sputnik. Адам баласын динозаврлар доорунан берки эң ири экологиялык кыйроо күтүп жатканын немис окумуштууларынын иликтөөсүнө таянып Phys.org порталы жазды. 

Крефельд шаарындагы Энтомология коомунун окумуштуулары массалык түрдө кырылып калуунун башталышы тууралуу маалыматтарды таап чыгышкан.

Адистер 30 жыл бою Рейн дарыясынын жээгинин ар кайсы жеринде жашаган, саны 80 миллионго жеткен курт-кумурскаларды карап турушкан.

Жыйынтыгында алардын саны кескин түрдө кыскарып бара жатканы белгилүү болгон. Мисалы, 1994-жылга салыштырмалуу учуп жүрүүчү майда жандыктардын саны 76 пайызга азайып кеткен.

"Биз Европанын жаратылышы өзгөрүп, бак-шагы аябай кыскарып кеткенин түшүнүшүбүз керек. Мисалы, дыйканчылык талааларында курт-кумурскалар үчүн тамак таап жечү жай болбой калды. Анткени талаанын баары эле химиялык заттарга ууланып калган", — дейт эколог Ханс де Кроон.

Мындай кырдаал бир гана жандыктар үчүн эмес, адам баласы үчүн дагы чоң коркунуч алып келери айтылды. Анткени курт-кумурскалардын жок болуп кетиши жер-жемиш жана жашылчалардын өспөй калышын шарттайт.

1133
Белгилер:
Кыйроо, курт-кумурска, Окумуштуулар, Европа
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

38
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

38
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш

Тынчтыкка карай... Россия Тоолуу Карабахка кандай жардам берип жатат

113
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

113
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?