Таш баканы чуркай албайт деп ким айтты эле! Соцтармакты таң калтырган тасма
(жаңыланган 14:00 10.07.2019)
Видеодо ордунан шашпай козголгон ташбака бир маалда чымын-куюн болуп сууну көздөй чуркаганын көрүүгө болот.БИШКЕК, 10-июл. — Sputnik. Социалдык тармактын колдонуучулары буту-бутуна тийбей чуркаган таш баканын видеосуна таңыркашууда. Бул тууралуу "Ридус" порталы жазды.
Видеодо ордунан шашпай козголгон таш бака бир маалда чымын-куюн болуп сууну көздөй чуркаганын көрүүгө болот. Чакан ролик 3,1 миллиондон ашык жолу көрүлдү.
Көптөгөн колдонуучулар таш баканын ылдамдыгына ишенбей жатканын жазышса, бул жандыкты багып жүргөндөр таң кала турчу деле эч нерсе жок экенин айтып, бул жаныбарлар кээде ушинтип эле чуркай турганын белгилешкен.
Белгилер:
Эстеп көрөлү. Макгрегор менен Порьенин алгачкы беттешинин видеосу жарыяланды
(жаңыланган 17:45 27.11.2020)
UFC уюмунун экс-чемпиону Конор Макгрегор менен америкалык Дастин Порьенин алгачкы беттешинин видеосу жарыяланды. Ал ирмемдерди уюмдун Facebook баракчасынан көрүүгө болот.Белгилей кетсек, ирландиялык мушкер америкалык спортчу менен 2014-жылы беттешип, биринчи эле раундда техникалык нокаут менен утуп алган.
Дастин Порье менен Конор Макгрегордун кайрадан октагонго чыгары күтүлүүдө. Алдын ала маалымат боюнча, реванш Абу-Дабидеги "Мушкерлер аралы" спорттук жайында кийинки жылдын 23-январында болот.
Эки мушкер тең буга чейин россиялык спортчу Хабиб Нурмагомедов менен беттешип, жеңилүү ызасын тарткан.
Өз тажиямда эмне дээр элем... Марадонанын эски видеосу желдей тарады
(жаңыланган 16:39 27.11.2020)
Диего Марадонанын каза болгону тууралуу кабар 25-ноябрда айтылган. XX кылымдын мыкты футболчуларынын бири жүрөк кемтигинен каза болду.БИШКЕК, 27-ноя. — Sputnik. Соцтармакта Диего Марадонанын өзүнүн акыркы сапарга узоо зыйнатында эмне деп айткысы келмектиги боюнча суроого жооп берген видеосу вирустай тарап жатат.
"Чемпионаттын" маалыматына караганда, бул 2005-жылы аргентиналык теле берүүгө чыккан La noche del 10 берүүсүнүн үзүндүсү.
"Өзүмдүн акыркы сапарга узаган зыйнатымда эмне деп айткым келер эле... Футбол ойногонума рахмат. Бул спорт мага кубаныч жана эркиндик берди. Асманды колуңа кармап тургандай эле сезим. Топко дагы рахмат. Табытыма "топко рахмат" деп жазып койгула", — деген Марадона.
Видео Bolavip Facebook аккаунтуна жарыяланды.
Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.
Белгилер:
Мыйзамсыз байыган. Экс-вице-премьер Тайырбек Сарпашевге иш козголду
(жаңыланган 18:03 27.11.2020)
Финансы полициясынын кызматкерлери 2020-жылдын ноябрь айында мурдагы аткаминердин үйүн тинтүүгө алган.БИШКЕК, 27-ноя. — Sputnik. Мурдагы вице-премьер-министр Тайырбек Сарпашевге кылмыш иши козголду. Бул тууралуу Экономикалык кылмыштарга каршы күрөшүү кызматы билдирди.
Маалыматта Финансы полициясы Сарпашевге карата мыйзамсыз баюу фактысы боюнча сотко чейинки өндүрүш баштаганы айтылат.
"Мурдагы вице-премьер С.Т. мамлекеттик мекемеде жетекчилик кызмат ордун ээлеп турганда көп сандаган кыймылдуу жана кыймылсыз мүлктү сатып алган. Кийин аны декларацияларда көрсөтпөстөн жакын туугандарына каттаган", — деп айтылат маалыматта.
Финпол бул сотко чейинки өндүрүштүн алкагында Сарпашев суракка чакырыларын белгиледи.
Белгилей кетсек, Тайырбек Сарпашев 2012-2014-жылдары Кыргызстандын экономика жана инвестиция боюнча вице-премьер-министри болуп эмгектенген. 2020-жылдын ноябрь айында Финпол анын үйүн тинтүүгө алган.
Тергөөгө ылайык, 2016-жылы президенттин аппаратынын кызматкерлери, Мамлекеттик каттоо кызматынын жетекчилиги, судьялар жана сот тутумунун өкүлдөрү соттун чечимдерин жасалмалап, Максим Бакиевге жакын кишилердин мүлкүн камакка алуу чечимин жокко чыгартышкан. Алар муну менен "Г.Э" ишканасынын кызыкчылыгын көздөшкөн. Сарпашев 2015-2017-жылдары Мамлекеттик каттоо кызматынын төрагасы болуп турган.