UFC уюмунун эки салмак категориясы боюнча чемпиону, эркек киши Генри Сехудо. Архивдик сүрөт

"Эркекпи?". UFC чемпиону Генри Сехудо Валентина Шевченкого чакырык таштады

1733
(жаңыланган 16:33 11.07.2019)
Сехудо UFC 238 турниринин алкагында мушкер Марлон Мораести техникалык нокаут менен утуп, жеңил жана өтө жеңил салмак категориясы боюнча чемпион болгон.

БИШКЕК, 11-июл. — Sputnik. UFC уюмунун эки салмак категориясы боюнча чемпиону, эркек киши Генри Сехудо аял мушкерлер Аманда Нуньес жана Валентина Шевченко менен беттешүүгө даяр экенин айтты. Ал мындай пикирин TMZ порталына берген маегинде белгилеген. 

"Мен 44,9 килограммдан 65,8 килограммга чейинки салмактагылардын баары менен мушташканга даярмын. Эгер Аманда Нуньес да ушуну каалап жатса мен даярмын. Валентина Шевченко сени да чакырам. Мен алтын издегичмин. Эгер анын алтыны болсо, аны алгым келет", — деди Сехудо.

Сехудо Марлон Мораести  UFC 238 турниринде техникалык нокаут менен жеңип, өтө жеңил (57 килограммга чейин) жана жеңил салмак (61 килограммга чейин) категориялары боюнча чемпион атыкты. Беттеш учурунда Сехудо олуттуу жаракат алган. ЖМКлардын жазганына караганда, мушкер жаракатын калыбына келтирүү үчүн бери болгондо жарым жылдай октагонго чыкпайт.

Эске салсак, Аманда Нуньес орточо жеңил (66 килограммга чейин) жана жеңил (61 килограммга чейин) салмак боюнча, ал эми Валентина Шевченко өтө жеңил салмак боюнча (57 килограммга чейин) UFC чемпиону.

1733
Белгилер:
UFC, чемпион, Валентина Шевченко
Тема боюнча
Кудум Шевченкодой! Нуньестин атаандашын бетке тепкен видеосу
Шевченко күрөшкө басым жасап... Мушкердин Кытайдагы машыгуусунан сүрөттөр
Медициналык маска кийген кыз. Архив

Вирусолог Россияда коронавирустун экинчи толкуну качан болорун айтты

138
Адис вирустун кийинки толкунунда өлүм көрсөткүчү азыраак болорун айтып, бирок оорунун массалык түрдө тарашына даяр турууну эскерткен.

БИШКЕК, 6-авг. — Sputnik. Вирусолог жана профессор Анатолий Альтштейн Россияда коронавирус эпидемиясынын экинчи толкуну октябрь-ноябрь айларында башталарын божомолдогонун РИА Новости жазды.

Анын айтымында, коронавирустун таралышы сезонго да жараша болушу мүмкүн. Анткен менен айрым адистердин оору күндүн ысышы менен жок болот деген үмүтү акталган жок.

"Биз жаңылыштык. Ооба, оорунун бир аз төмөндөгөнү байкалды. Эми октябрь-ноябрь айларында күн салкын болуп, аба нымдашканда коронавирус кайра башын көтөрүшү ыктымал", — деген вирусолог.

Адис вирустун кийинки толкунунда өлүм көрсөткүчү азыраак болорун айтып, бирок оорунун массалык түрдө тарашына даяр болууну эскерткен.

"Теория боюнча, убакыттын өтүшү менен вирус адамга ыңгайлашып баштайт. Коронавируска ээсин өлтүрүү эч кандай пайда алып келбейт. Ага бир адамдан экинчисине тарап коюп жүрө берген жакшы", — деген окумуштуу.

ДССУ Кытай менен коронавирустун келип чыгышын иликтөөнү макулдашты

Кытай бийлиги былтыр 31-декабрда ДССУга өлкөнүн борбордук бөлүгүндөгү Ухань шаарында (Хубэй провинциясы) белгисиз пневмониянын келип чыгышы жөнүндө маалымдашкан. Адистер ооруну жаңы коронавирус козгогонун аныкташып, кийинчерээк инфекция расмий түрдө COVID-19 деп аталган. 11-мартта коронавирус пандемиясы жарыяланган.

Аалам боюнча вирус жуктургандардын саны 18,3 миллиондон ашса, анын 700 миңдейи каза тапты.

138
Белгилер:
божомол, коронавирус, Россия
Тема:
Дүйнөгө жайылган коронавирус
Тема боюнча
Собянин Москвада чектөө чаралары качан алынышы мүмкүн экенин айтты
Эмнеге балдар коронавируска жакшы туруштук берет? Педиатрдын пикири
2009 PQ1 астероиди

Футбол талаасындай астероид Жерге урунбай, кайып өтүп кетти

74
(жаңыланган 10:19 06.08.2020)
Астероид 2009-жылы 14-августта табылган. Ал "Аполлон" тобуна кирет, тагыраагы, анын учуу жолу Жердин орбитасы аркылуу өтөт. Кийинки жолу биздин планетага 2137-жылы жакындайт.

БИШКЕК, 6-авг. — Sputnik. Көлөмү футбол талаасындай болгон 2009 PQ1 астероиди жерге тийбей, коопсуз аралыктан өтүп кетти. Бул тууралуу маалыматты РИА Новости жазды.

"Ал Москва убактысы боюнча саат 19:35те жерден эң кыска аралыкта учушу керек болчу. Эч кандай коркунуч болгон жок. Көлөмү 200 метрге чейин эле, бул футбол талаасына барабар дегендик. Мындай астероиддер эки жумада же жок дегенде ай сайын бир жолу учуп өтүп турат. Алар жакындап келип, андан соң өзүнүн орбитасы менен андан ары кетет", — дейт Москва планетарийинин директору Фаина Рублева РИА Новостиге берген маегинде.

Россия академиясынын Астрономия институтунун Күн системасы бөлүмүнүн аспиранты Екатерина Ефремова буга чейин РИА Новостиге билдиргендей, астероид жерге эч кандай коркунуч келтирбестигин айткан. Анын өтүү жолунун аралыгы жерден 4 миллион чакырым алыстыкта болот. Кийинки жолу 2009 PQ1 биздин планетага 2137-жылы жакындайт.

Астероид 2009-жылы 14-августта табылган. Ал "Аполлон" тобуна кирет, тагыраагы, анын учуу жолу Жердин орбитасы аркылуу өтөт.

74
Белгилер:
космос, астероид, жер
Тема боюнча
Жер планетасы болушунча Күнгө жакындады
Ооруканадагы медицина кызматкери. Архив

Бишкекте жок. Акыркы суткада башка аймактардан 37 медиктен COVID аныкталды

25
(жаңыланган 11:52 06.08.2020)
Бир суткада беш медицина кызматкери ооруканалардан айыгып чыкса, үй карантининен 34 медик жакшы болуп кетти.

БИШКЕК, 6-авг. — Sputnik. Бир сутка ичинде өлкө боюнча 37 медицина кызматкери коронавирус жуктуруп алганы аныкталды. Бул тууралуу Коомдук саламаттык сактоо башкармалыгынын башчысы Айнура Акматова билдирди.

Алар:

  • Ош шаарында – 13;
  • Жалал-Абад облусунда – 13;
  • Ош облусунда – 2;
  • Баткен облусунда – 6;
  • Ысык-Көл облусунда – 2;
  • Нарын облусунда – 1.

Россиялык дарыгерлер: кыргыз медиктери COVID-19ду дарылоону жакшы өздөштүргөн

Ал эми бир суткада беш медицина кызматкери ооруканадан айыгып чыгарылды. Мындан сырткары, үй карантининен 34 медик сакайып кетти.

Жалпысынан республика боюнча COVID-19 диагнозу менен медициналык кызматкерлер арасында  2911 учур катталды, алардын ичинен 1973 медкызматкер айыкты.

 

25
Белгилер:
дарыгерлер, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Кыргызстанда коронавирустан дагы 589 бейтап айыкты
Бир суткада 549 кыргызстандыктан COVID табылды
Акыркы суткада коронавирустан 9 киши каза тапты