Алжирден Францияга келгендер Париждин борборунда башаламандык уюштуруп, дүкөндөрдү тоноду

Алжирликтер Парижде футболдук беттештен кийин дүкөн талады. Видео

128
(жаңыланган 11:34 12.07.2019)
Жаалданган күйөрмандарды тартип сакчылары тизгиндеген.

БИШКЕК, 12-июл. — Sputnik. Алжирден Францияга келгендер Париждин борборунда башаламандык уюштуруп, дүкөндөрдү тоноду. Бул туурасында РИА Новости жазды.

Жумага караган түнү Алжирдин курама командасынын күйөрмандары анын Африка кубогунун жарым финалына чыгышын белгилөөнү чечкен.

Окуя болгон жерден Sputnik France видео жарыялады.

Эл Елисей талаасынын районуна Бишкек убактысы боюнча түнкү саат 01:00 чамасында чогулган. Башаламандык эки сааттан кийин башталып, ээнбаштар дүкөндөрдү талкалап баштаган.

Агенттиктин маалыматына караганда, бутага мотоцикл саткан дүкөн алынган. Мародёрлор ал жерден кол каптарды, башка кийген каражаттарды, ал тургай мотоциклдерди алып чыга баштаган. Полиция келгенден кийин талап-тоноо кан буугандай токтогон.

128
Белгилер:
футбол, Франция
Британиялык актер Шон Коннери. Архив

Белгилүү актёр Шон Коннери көз жумду

55
(жаңыланган 20:34 31.10.2020)
Дүйнөгө белгилүү актёр 1988-жылы “Оскар” сыйлыгына татыган. Анын жалпы жонунан үч “Алтын глобусу” бар.

БИШКЕК, 31-окт. – Sputnik. Британиялык актёр Шон Коннери 90 жашында дүйнөдөн өттү. Бул тууралуу BBC жазды.

Актёр Джеймс Бонд жөнүндөгү тасмалардан сырткары, 70тен ашык кинодо роль жараткан. 1988-жылы “Оскар” сыйлыгына татыган. Актёрдун үч “Алтын глобусу” бар.

Анын уулу Жейсондун айтымында, Коннери Багам аралдарындагы Нассау шаарында көз жумган. Ал бир нече күндөн бери ооруп жүргөн.

55
Белгилер:
Шон Коннери, каза болду, актер
Тема боюнча
"Форрест Гамп" романынын автору көз жумду
Измирдеги жер титирөөдөн кийин куткаруучулар иш учурунда

Измирде уранды алдында калган төрт киши бир суткадан кийин тирүү табылды

55
(жаңыланган 19:23 31.10.2020)
Аман-эсен табылган төрт адамдын экөө аял, бирөө эркек жана бирөө бала. Куткаруучулар жана окуя болгон жерде тургандар аларды кол чаап тосуп алышкан.

БИШКЕК, 31-окт. — Sputnik. Измирдеги жер титирөөдөн кийин куткаруучулар уранды алдынан төрт адамды тирүү алып чыгышкан. Алар талкаланган үйлөрдүн алдында бир сутка жаткан. Бул тууралуу РИА Новостинин кабарчысы жеринен маалымдады. 

Билдирмеге ылайык, куткарылган төрт адамдын экөө аял, бирөө эркек жана бирөө бала. Куткаруучулар жана окуя болгон жерде тургандар аларды кол чаап тосуп алышкан.

Уранды алдында дагы бир нече адам бар экени божомолдонууда. Анын ичинде имаратта жайгашкан кафенин кардарлары да болушу ыктымал.

Эске салсак, кечээ, 30-октябрда, Түркиянын батышында күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измирдеги Сеферлихисар шаарындагы райондо жайгашкан.

Жер силкинүү Грециянын аралында да сезилип, жергиликтүү сейсмологдор анын күчүн 6,9 баллга жетти деп баалашкан.

Измирдин жер титирөөдөн коркуп калган тургундары таңды көчөдөн атырды

Измирдеги жер силкинүүдөн 20дай имарат талкаланганы айтылууда. Акыркы маалыматтар боюнча, жаратылыш кырсыгынан 26 адам каза болуп, 831 киши жабыркаган.

Ал эми Грециянын Самос аралында эки адам көз жумуп, 20дай адам жаракат алган.

55
Белгилер:
куткаруучу, урандылар, имарат, жер титирөө, Измир, Түркия
Тема:
Измирдеги жер титирөө
Тема боюнча
Түркиядагы зилзала. Каза болгондордун саны 24кө жетип, 804 киши жабыркады
Түркиядагы зилзаладан 200дөн ашык адам жабыркап, каза болгондордун саны өсүүдө
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы