Германиянын канцлери Ангела Меркель. Архив

Денесин калтырак баскан Меркель: эми жолугушуулардын протоколу өзгөртүлдү

298
(жаңыланган 12:57 13.07.2019)
Протоколдогу өзгөрүүлөр канцлер айымдын саламаттыгына байланыштуу болду.

БИШКЕК, 13-июл. — Sputnik. Германиянын канцлери Ангела Меркель Даниянын премьер-министри Метте Фредериксен менен болгон жолугушууда эки мамлекеттин гимнин отуруп укту. Bild басылмасынын жазганына караганда, протоколдогу мындай өзгөртүү Меркелдин саламаттыгына байланыштуу.

Себеби Меркель көпкө туруп калганда денесин калтырак басып, өзүн ыңгайсыз сезүүдө.

10-июлда Ангела Меркель Финляндиянын премьер-министри Антти Ринне менен жолугуп жатканда денесин үчүнчү ирет калтырак баскан болчу. Кийин Меркель журналисттерге өзүн жакшы сезип жатканын, тынчсызданууга негиз жок экенин билдирген.

Буга чейин ушундай эле көрүнүш Украинанын президенти Владимир Зеленский менен болгон расмий жолугушууда болгон. Андан көп өтпөй эле Меркель өлкө президенти Франк-Вальтер Штайнмайер менен жолугуп жатканда денесин капысынан калтырак баскан.

298
Белгилер:
Германия, Ангела Меркель
Тема боюнча
Меркель денесин калтырак басканда эмне деп күбүрөнгөн? Эксперттин аныктамасы
Кайра-кайра калчылдаган Ангела Меркель. Негизги версиялар айтылды
Дүйнөлүк саламаттыкты сактоо уюмунун эмблемасы. Архив

АКШ Дүйнөлүк саламаттыкты сактоо уюмунан качан чыгарын так айтты

0
(жаңыланган 15:29 08.07.2020)
БУУнун башкы катчысы учурда ДССУ менен биргеликте АКШнын уюмдан чыгуусу боюнча шарттар сакталышын текшерип жатат.

БИШКЕК, 8-июл. — Sputnik. Америка Кошмо Штаттары (АКШ) Дүйнөлүк саламаттыкты сактоо уюмунан (ДССУ) 2021-жылдын 6-июлунда чыгарын билдирди. Бул тууралуу өлкө Бириккен Улуттар Уюмунун (БУУ) башкы катчысына айтканын Баш катчынын расмий өкүлү Стефан Дюжаррикке таянып РИА Новости жазды.

"АКШ Дүйнөлүк саламаттыкты сактоо уюмунан чыга турганын ушул жылдын 6-июлунда жар салган. Чечим 2021-жылдын 6-июль күнү күчүнө кирет", — деген Дюжаррик.

Америка ДССУну каржылоодон баш тартса ким жабыркай турганы айтылды

Ал белгилегендей, Кошмо Штаттары 1948-жылдын 21-июнунан бери Дүйнөлүк саламаттыкты сактоо уюмуна мүчө. АКШны ДССУга киргизүү чечими Дүйнөлүк саламаттыкты сактоо ассамблеясы тарабынан атайын шарттар менен кабыл алынып, каалаган учурда уюмдан чыгуу мүмкүнчүлүгү эске алынган.

"Айтылып жаткан шарттарда уюмдан чыгуу тууралуу бир жыл калганда эскертүү жана бардык финансылык милдеттенмелерди токтотуу каралган", — деп белгилейт Дюжаррик.

Ал кошумчалагандай, БУУнун башкы катчысы учурда ДССУ менен биргеликте АКШнын уюмдан чыгуусу боюнча шарттардын сакталышын текшерип жатат.

0
Белгилер:
БУУ, чыгуу, Дүйнөлүк саламаттыкты сактоо уюму, АКШ
Тема боюнча
ДССУ Россиянын СOVID-19га каршы вакцинасына кызыгууда. Видео
Армата танктар. Архив

"Армата" экспортко чыгат: россиялык жаңы Т-14 танкын биринчи ким алат?

117
(жаңыланган 13:23 08.07.2020)
Россия дүйнөдө теңдеши жок үчүнчү муундагы "Армата" Т-14 танкынын үлгүлөрү менен эл аралык курал рыногунда атаандаштарын сүрүп чыгарууда.

Бул россиялык коргонуу-өнөр жай комплексинин ийгиликтүү өнүгүп келе жатканын жана аскердик машинанын технологиялык мыктылыгын тастыктайт. Рыноктогу бул жаңылык жана аталган куралдын артыкчылыгына аскерий баяндамачы Александр Хроленко токтолду.

6-июлда РФтин Аскердик-техникалык кызматташтык боюнча федералдык кызматынын директору Дмитрий Шугаев Москва жаңы Т-14 "Армата" танктарын экспорттоого ниеттенгенин билдирди. Россия куралдын ынанымдуу жана натыйжалуу үлгүлөрүн гана сатат. Аларга сөзсүз суроо-талап күч болуп, атаандаштарын рыноктон сүрүп чыгарары айкын.

Кептин кызыгы, бул — дүйнөдө согуштан кийинки үчүнчү муундагы жападан жалгыз танк экенинде. Ал түгүл Россиянын Коргоо министрлиги да бул уникалдуу сооттолгон техниканын ("Армата" платформасындагы Т-14 жана Т-15 оор аскердик пехоталык машинасы) 132 бирдик алууга келишим түзүүгө үлгүрдү. Келерки, тагыраак, 2021-жылдын аягына чейин министрликтин колуна тиери күтүлүүдө.

Кынтыксыз курал: Россиянын жаңы электромагниттик замбирегинин артыкчылыгы

Сыртка сатуу РФтин Коргоо министрлигинин буюртмалары аткарылып бүткөн соң жана машинанын экспорттук көрүнүшү такталгандан кийин гана башталары болжонууда (чет өлкөгө эмне чыгарын, россиялык күчтөр кандай элементтерди пайдаланарын адистер чечет).

Жогорку технологиялык танктын баасы арзан эмес, бир бирдиги 7 миллион доллар турат. Анткен менен кызыккан көп, маселен, "Арматаны" Египет, Индия, Кытай (алдын ала заявкалар берилген) сатып алууга ниеттенди. Баса, белгилүү четөлкөлүк танктар, атап айтканда, америкалык "Абрамс", француздардын "Леклерк", немистердин "Леопард", израилдик "Меркава" 6 – 12 миллион доллардын айланасында сатылат.

Болжолдуу буюртмачылар

Бир аз мурдараак Египет жаңы россиялык T-90МС танкынан 400 – 500дү сатып алууну чечкен, келечекте Т-14төн да алышы ыктымал. Индия да 1770 заманбап танкты сатып алууну пландоодо. "Арматаны" да карайт, келишимдин суммасы алдын ала 442 млрд рубль деп бааланууда. Кытай дагы бул жаатта четте калбайт окшойт.

Жаңы россиялык танктын жакынкы чет өлкөлөргө экспорттоо көлөмү азырынча анык эмес. Т-14 КМШ өлкөлөрүнүн коргонуу жөндөмүн бекемдээри шексиз. Мурда россиялык өндүрүштөгү сооттолгон техниканы Армения, Азербайжан, Беларусь, Казакстан, Өзбекстан активдүү сатып алган.

Пайдасы жокпу? Америкалык Patriot комплексинин натыйжасыздыгы

Россия дүйнөлүк курал рыногунун үчтөн бир бөлүгүн оңой эле ээлеп койду. "Рособоронэкспорт" портфелинде бүгүн 55 млрд долларга буюртма бар (дүйнөдө АКШдан кийинки экинчи орунда). Россиялык курал экспортунун 15 чакты пайызы кургактагы техникага туура келет.

РФ жаңы танктар рыногунда таанылган лидерге айланды. Батышта тегин жерден Т-90 танкын "россиялык коргонуу экспортунун кыйратуучу хити" деп аташпагандыр. Жакынкы жылдары "Уралвагонзавод" буюртмачыларына 2500 чакты Т-90МС танкын тапшырат. Жаңы Т-14 аталган державанын экспорттук жеңиштеринин татыктуу улантуучусу болору бышык.

Технологиялык артыкчылыгы

Т-14 душман менен түздөн-түз бет келишет, мотоаткычтар бөлүгүнүн чабуулун колдойт, душмандын фортификациялык курулмаларын, калкалоочу жайдагы жана ачык жердеги тирүү күчтөрүн жок кылууга багытталган. "Армата" танкы Сирия Араб Республикасынын аймагында согуштук кырдаалда, ал эми июлдун башында учкучсуз режимде ийгиликтүү сыноодон өткөн.

Уникалдуу аскердик машинанын киши отурбаган мунарасы, экипаж үчүн сооттолгон капсуласы, 125 миллиметрлик калибрдеги куралы (НАТОнун танктарынын 120 миллиметрлик замбиректеринен артык), модулдук конструкциясы жана роботтоштуруунун негизи үчүн ачык санарип архитектурасы бар.

"Триумфалдык" келишим: Түркия С-400дү алары бышыкталды

Россияда иштелип чыгып жаткан экипажсыз (учкучсуз) электромагниттик замбиректүү танктар келечекте бекем ордун табат. Т-14тө мээлөөчү оператор жана танктын командири бул курал жабдуусун санарип интерфейстер аркылуу (триплекстер өткөн доордо калды) башкарат. Танктын от кубаттуулугунун негизин 2А82-1М жогорулатылган күчтөгү 125 миллиметрлик жылмакай стволдуу замбирек түзөт (ок-дары комплектинде жаңы муундагы дүрмөттөр жана башкарылуучу ракеталар бар, жалпы 40 бирдик).

Т-14 танкынын эшелондук коргоо тутуму "Афганит" активдүү коргоо комплексин (реактивдүү жана танкага каршы ракеталык ок-дары, броня талкалоочу калибрдик дүрмөттөр менен күрөшүүгө жөндөмдүү дүйнөдөгү бирден-бир түзүлүш), ар кандай багыттоо тутумдары бар ок-дарыдан далдалаган автоматтык тутумун (бардык ракурстарында, анын ичинде жогорку жарым сферасында да), ошондой эле "Малахит" динамикалык коргоо комплексин (кумулятивдик жана кинетикалык ок-дарынын көзөп өтүшүнөн коргойт) камтыйт. Ичи комбинацияланган, четтери көп кат сооттолгон, бурчтары рационалдуу ийилген.

"Армата" – дүйнөдөгү таптакыр жаңы түзүлүштөгү биринчи танк. Ал бардык электромагниттик спектрде байкалышын төмөндөтүүнүн "стелс-технологиясын" да алгачкылардан болуп алган. Машина унифицикацияланган борттук маалыматтык-башкаруу тутуму менен жабдылган, башка тескөөчү системалар менен да жуурулушууга жөндөмдүү.

Башкача айтканда, Т-14түн ар бир экипажы согуш талаасында өзү жалгыз эмес, тактикалык бөлүктүн Бирдиктүү башкаруу тутумунда калат. Мындан тышкары, "Армата" оор категориясынын унификацияланган чынжырлуу базасында технологиялык жактан "окшош" Т-15 аскердик пехоталык машинасы жана Т-16 сооттолгон ремонттук-эвакуациялык машинасы курулган.

Антиторпеда: россиялык фрегаттардын өзгөчөлүгү

Т-14 менен конструктивдик жагынан окшош танк куруу боюнча өнүккөн өлкөлөрдүн адистери жыйырма жылдан бери ойлонуп келет. Алдыга жылыш бар, бирок даяр сериялык түзүлүштү Россия гана сунуштай алат.

Салыштырсак, АКШда унификацияланган Future Ground Combat System (болочоктун жердеги аскердик тутуму) чынжырлуу платформасын жаңыдан гана иштеп чыгууда. Ал эми аскердик сооттолгон, киши отурбаган мунаралуу, дөңгөлөктүү "Страйкер" (MobileGunSystem) аппараты баары бир танк болуп саналбайт.

Дүйнөдө "Арматанын" түз атаандашы же аналогу жок. Былтыр Т-14 эң өнүккөн мамлекеттердин 12 көлүгүнүн ичинен мыкты деп табылган.Танк куруу тармагында Россия ушул технологиялык революцияны жалгыз өзү жасай алды. Андыктан экономикалык жана аскердик-саясий дивиденддерди алууга үмүт артууга акысы бар.

117
Белгилер:
рынок, Россия, техника, курал-жарак, танк
Тема боюнча
Америка да алсам дейт. Калашников автоматы дүйнөнү багынтууда
Дарыгерлер. Архивдик сүрөт

Учурдун талабы! Боронов эмгек өргүүдөгү дарыгерлерден ишке чыгуусун өтүндү

19
(жаңыланган 16:14 08.07.2020)
Премьер республика боюнча  иштеген медицина кызматкерлерин талдап чыгып, ар бир медкызматкерди COVID-19га каршы күрөшүүгө чакырууну тапшырды.

БИШКЕК, 8-июл. — Sputnik. Эмгек өргүүсүндөгү бардык медицина кызматкерлерин чакыртуу керек. Мындай тапшырманы премьер-министр Кубатбек Боронов Республикалык штабдын жыйынында бергенин өкмөттүн маалымат кызматы кабарлады.

Анын айтымында, азыркы эпидемиологиялык кырдаал өтө кооптуу.

"Ар бирибизге эс алуу керек. Бирок эпидемиологиялык абал бизден чечкиндүү аракеттерди талап кылууда. Ооруп калган жарандарга азыр, ушул жерде жардам берүү кажет. Биринчи кезекте адамдар медицина кызматкерлеринин көмөгүнө муктаж. Алар бүгүн өлкөгө абадай зарыл болуп турат. Ооруп жаткандар дарыланып, саламаттыгын чыңдашсын. Бирок дени сак жана эмгек өргүүсүндөгү медкызматкерлер ишке чыгып, күнү-түнү нөөмөттө туруп, бейтаптарды кабыл алып жаткан кесиптештерине жардам берүүгө тийиш", —  деди Боронов.

Алдыда оор сыноо күтүп турат, чыдамдуу бололу. Суракматов шаардыктарга кайрылды

Саламаттык сактоо министрлигинин маалыматы боюнча, бүгүнкү күнү медкызматкерлердин бир бөлүгү эмгек өргүүсүндө. 

"Дарыгерлер силердин өтүнүчтү туура түшүнүп, жакында ишке чыгышат деп ишенем. Учурда оорунун күчөгөн учуру Бишкек шаарына жана Чүй облусуна туура келди. Медкызматкерлер адам өмүрүн сактап калуу үчүн күнү-түнү оор шарттарда иштеп жатышат. Илдет менен күрөшүүгө аймактардан дарыгерлер келишти, өлкө аймагынан тышкары жашаган медицина кызматкерлерибиз дагы четте калышкан жок. Бирок региондордо дагы квалификациялык медициналык жардамга муктаж жашоочуларыбыз бар. Ошондуктан Бишкекте жашаган саламаттык сактоонун бардык кызматкерлерин өргүүдөн ишке чыгууга чакырам. Бул азыркы учурдун талабы болуп жатат", — деди премьер-министр.

Боронов республика боюнча  иштеген медицина кызматкерлерин талдап чыгып, ар бир медкызматкерди COVID-19га каршы күрөшүүгө чакырууну тапшырды.

Акыркы суткада дагы 62 медиктен коронавирус чыкты

Эскерте кетсек, өлкө аймагында коронавирус илештирип алгандардын жалпы саны 8 486га жетти.

Азыркы тапта стационарда 592 киши бар, анын 17си реанимацияда. 4 799 адам үй карантининде дарыланып жатат. Бүгүн дагы 13 киши каза таап, жалпы саны 112 болду. Ал эми пневмониядан 44 адам каза таап, жалпы саны 268ге жетти.

Өлкө аймагындагы соңку кабарлар менен биздин Telegram-каналдан таанышып туруңуз.

19
Белгилер:
жыйын, штаб, медик, эмгек өргүү, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Ошто ыктыярчы дарыгерлердин тизмеси түзүлүп, окутула баштады
Боронов өз жакындары үчүн орун "брондоп" жаткан дарыгерлер боюнча жооп берди
Дарыгер көк боорун алдыргандар үчүн керектүү деген кеңештерин айтты