Америкалык ырчы Леди Гага. Архив

Леди Гаганын Instagram баракчасы россиялыктардын чатына айланып кеткенде

454
(жаңыланган 15:20 17.07.2019)
Россиялык интернет колдонуучулар Леди Гаганын баракчасына кирип тамак-аштардын рецепттери менен бөлүшө баштады.

БИШКЕК, 17-июл. — Sputnik. Леди Гаганын Instagram баракчасында өзгөчө флешмоб жүрүүдө.

ВВС жазганына караганда, бардыгы ЖМКларда Брэдли Купер менен Леди Гаганын ортосундагы сүйүүсү тууралуу малымат тарагандан кийин башталган. Тагыраагы, Instagram тармагынын орус тилдүү колдонуучулары америкалык актердун модель Ирина Шейктен кетип, популярдуу ырчы менен сүйлөшүп баштаганы тууралуу кабарлар тарагандан кийин нааразычылыктарын билдире башташкан.

Посмотреть эту публикацию в Instagram

Публикация от Lady Gaga (@ladygaga)

Колдонуучулар Леди Гаганын баракчасына кирип, тамаша иретинде түрдүү комментарийлерди калтырышууда. Ошентип чет элдик ырчынын аккаунту бир заматта россиялыктардын чатына айланып кетти.

"Эх, Гага, Гага... Эмненин башын баштадың. Биздин орус кыздын бактысына балта чаптың!" — деп колдонуучулардын бири жазган.

Комментарийлердин арасынан "Крымды кайтардык, Бредлини дагы кайтарабыз" деген тамашалуу билдирүүлөрдү окууга болот.

Колдонуучулар бир маалда Гага, Купер жана Шейкти унутуп калып дээрлик бардык темада пикир алыша башташкан.

Мисалы, тамак-аштын рецепттери тууралуу талкуу популярдуу болуп кеткен. Бирөөлөр борщту кантип жасаш керектигин айтса, дагы бири экзотикалык өсүмдүктөрдү тандоо жолун айтып берген. Дагы башкалары күйөөлөрүнөн балдарын бала бакчадан ала кетүүсүн өтүнүп, билдирүү калтырышкан.

Учурда ырчынын баракчасындагы орус тилдүүлөрдүн комментарийлери он миңдеп саналат.

Кийинчерээк Россиянын жылдыздары дагы комментарий жаза башташты.

"Хинкали кантип жасалат?" — деп шоумен Гарик Харламов суроо салды.

Ага Comedy Club шоусундагы кесиптеши Гарик Мартиросян жооп кайтарды.

"Харламов, мага чалсаң", — деп жазды ал.

Ирина Шейк Брэдли Купер менен төрт жыл чогуу жашап, Леа аттуу кыздуу болгон.

Ал эми Леди Гага Купер менен "Звезда родилась" аттуу мюзиклге тартылган. Ырчы Shallow саундтрегин аткарып "Оскар" алган.

454
Белгилер:
флешмоб, модель, Леди Гага
Тема боюнча
Леди Гага кылдыбы? Ирина Шейк менен Брэдли Купер ажырашты
UFC уюмунун жеңилирээк салмактагы чемпиону Валентина Шевченко бир тууган эжесин Антонина менен. Архив

Ыңгайсыз болуп турам. Валентина эжеси Антонинаны колдогон сөздөрүн жазды

38
(жаңыланган 12:30 31.05.2020)
Антонина сиңдиси Валентинанын мурдагы атаандашы менен кармашты. Ушул жылдын февралында кыргызстандык спортчу Чукагянды техникалык нокаут менен утуп алган.

БИШКЕК, 31-май — Sputnik. UFC уюмунун жеңилирээк салмактагы (57 кг) чемпиону Валентина Шевченко UFC on ESPN 9 турниринде Кэтлин Чукагянга утулган эжеси Антонинаны колдоого алды. Ал билдирүүсүн Twitter-аккаунтуна жазды.

Бүгүн эртең менен болгон беттеште Антонина Шевченко америкалык Кэтлин Чукагян менен кез келип, калыстардын бирдей чечими менен жеңилип калды. Каршылашы беттештин жүрүшүндө көбүрөөк үстөмдүк кылды.

"Кандай гана болбосун, сени жакшы көрөм, менин сүйүктүү эжем! Сен мага эргүү, колдоо берген дүйнөдөгү эң кымбат адамымсың. Жаракатыма байланыштуу октагондун бурчунда туруп, сага колдоо көрсөтө албай калганыма ыңгайсыз болуп турам. Бирок ар дайым жаныңда болом", — деген Валентина.

Белгилей кетсек, эже-сиңди бир салмактан беттешке чыгышат. Бүгүн Антонина Валентинанын мурдагы атаандашы менен кармашты. Ушул жылдын февралындагы UFC 247 турниринде кыргызстандык спортчу Чукагянды техникалык нокаут менен утуп, наамын коргоп калган.

38
Белгилер:
атаандаштык, колдоо, беттешүү, Валентина Шевченко, Антонина Шевченко, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Мындан да күчтүү болуп кайтам! Бети-башы көгала Антонина үн катты
Коронавируска тест жасап жаткан медицина кызматкери

Ааламда коронавирус жуктургандардын саны 6 миллиондон ашты

12
(жаңыланган 12:10 31.05.2020)
Пандемия башталгандан бери жер жүзүндө 369,1 миң адам көз жумду. Коронавирус жуктурган жана каза тапкан мамлекеттердин сап башында Америка турат.

БИШКЕК, 31-май — Sputnik. Дүйнө жүзүндө коронавирус инфекциясын жуктурган адамдардын саны 6 миллиондон ашты. Бул тууралуу Жон Хопкинс университетинин сайтында жазылган.

Акыркы маалыматтар боюнча, жалпы жонунан вируска кабылгандардын саны 6 миллион 60 миң кишиге жетти. Пандемия башталгандан бери 369,1 миң адам көз жумду.

Дүйнө жүзү боюнча АКШда инфекциянын эң көп учуру аныкталды, ал жакта ооругандардын саны 1,7 миллиондон ашат. Экинчи орунда Бразилия турат, жуктургандарды саны 498 миңден көп. Үчүнчү сапта Россия, ал мамлекетте вирустун 396,5 миң учуру катталган.

Коронавирустан каза тапкандар боюнча дагы Америка алдыга чыкты. Өлкөдө 103,781 адам көз жумган.

12
Белгилер:
өлүм, жуктуруу, коронавирус, Дүйнө
Тема:
Кытайдагы жаңы типтеги коронавирус
Тема боюнча
Москвада чектөөлөр коронавирустун вакцинасы чыкканга чейин улантылат
Мышык менен ойноп жаткан бөбөк. Архив

Бөбөгүн жоготкон бала милицияга айтып, алар эки жашар баланы эки саатта тапты

0
(жаңыланган 12:55 31.05.2020)
29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала кайрылган.

БИШКЕК, 31-май — Sputnik. Патрулдук милиция башкармалыгынын инспекторлору Бишкектин Ак-Өргө кичи районунда жоголуп кеткен эки жашар баланы ата-энесине таап берди. Бул тууралуу аталган башкармалыктын маалымат кызматынан билдиришти.

29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала (жашы айтылган эмес) кайрылган. Ал саат 13.30дар чамасында эшиктин алдында ойноп турган инисин таппай калганын айткан.

"Эки сааттан кийин бөбөк ошол эле конуштагы Гагарин менен Ашар көчөлөрүнүн кесилишинен табылып, ата-энесинин колуна тапшырылды", — деп айтылат билдирүүдө.

Милициядан билдиришкендей, небересинин табылганына сүйүнгөн чоң эне инспекторлорго ыраазычылыгын айткан.

0
Белгилер:
издөө, бала, милиция, "Ак-Өргө" кичи району, Бишкек
Тема боюнча
Чүйдөн жоголгон өспүрүм кыздар Баткенден табылды