Instagram соцбаракчасы. Архивдик сүрөт

Instagram лайктарды жашыруу үчүн жаңы функция даярдап жатат

(жаңыланган 14:16 19.07.2019)
Жаңы функцияны адистер колдонуучулар арасында бири-бирин басынтуунун алдын алуу үчүн иштеп чыгышкан.

БИШКЕК, 19-июл. — Sputnik. Instagram колдонуучулары баракчасына жүктөгөн сүрөт, видеолоруна канча адам же ким лайк койгонун өзү гана көрө алат. Учурда мындай функция Австралия жана Япония баштаган жети өлкөдө сыноодон өтүп жатканын Instagram сервиси Twitter баракчасына жарыялады. 

Instagram өткөн айда колдонуучуларынын арасындагы кемсинтүүнү азайтуу максатында лайктарды жашыруун түргө өткөрүүнү убада кылган. Бул кээ бир колдонуучуларга жакса, айрымдары Twitter аркылуу #instagramdelete хештеги менен жактырбаганын билдирүүдө.

Instagram сервисинин Австралия жана Жаңы Зеландия боюнча жооптуу кызматкери Миа Гарлик бул бир катар колдонуучулар үчүн ыңгайлуу болорун айткан. Мындай система катталуучусу аз адамдарга "эч ким лайк койгон жок" деп корунбай эле аталган кызматты пайдалана берүүсүнө жол ачат деп түшүндүргөн. 

Белгилер:
функция, социалдык тармак, Instagram
Тема боюнча
Акаарат келтирген комментарийлер өчүрүлөт! Instagram жаңы функция киргизди
Россия президенти Владимир Путин. Архив

Байдендин чакыруусун кабыл алды. Путин климат боюнча саммитке катышат

(жаңыланган 21:05 19.04.2021)
Буга чейин АКШ президенти аталган саммитке катышууга 40 мамлекеттин башчысын чакырган.

БИШКЕК, 19-апр.— Sputnik. Россия президенти Владимир Путин климат маселеси боюнча саммитке катышат. Бул тууралуу Кремлдин сайтында жазылган.

Талкуу 22-23-апрель күндөрү онлайн-форматта өтөт.

"Саммитте Путин Россиянын климаттын глобалдык өзгөрүшүнүн кесепетин жоюуга багытталган кадамдары тууралуу кеп кылат", — деп жазылат маалыматта.

Буга чейин АКШ президенти аталган саммитке катышууга 40 мамлекеттин башчысын чакырган. Анын ичинде Путин да бар эле.

Америка бийлиги апрелде өтчү талкуу айлана-чөйрөгө чыгарылып жаткан зыяндуу калдыктарды азайтуу боюнча күч-аракеттерди бириктирүүгө арналарын айткан.

Белгилер:
климат, чакыруу, саммит, Владимир Путин, Россия
Тема боюнча
Путинге Байден менен жолугуунун эмне зарылчылыгы бар

UFC Шевченко менен Андраденин беттешине карата проморолик жарыялады

Абсолюттук мушкерлер чемпионаты (UFC) Валентина Шевченко менен бразилиялык Жессика Андраденин беттешинин промо видеосун чыгарды.

Кыргызстандык чемпион кыздын беттешин утурлаган ролик UFC уюмунун расмий YouTube-каналына жарыяланды.

Видео UFC уюмунун комментаторлору бир учурда эки дивизиондун чемпиондугун ээлеген Аманда Нуньеске тең келе турган мушкер айым ким болорун талкуулап жаткан жерден башталат. Алардын пикиринде, Нуньеске Шевченко гана чакырык таштай ала турган жалгыз талапкер.

"Ким чакырык таштай алат деп ойлойсуң! Сен анын ким экенин билесиң! Валентина Шевченко", — деген алып баруучулардын бири.

Видеодо ошондой эле алдыдагы мелдештин башкы беттештерине чыгуучу мушкерлердин даярдыктары, алардын мурдагы таймаштарындагы мыкты нокауттары, жыга чапкан соккулары көрсөтүлөт.

"Жеңил салмактын ханышасы эң жеңил салмак категориясынын мурдагы чемпиону Жессика Андраде менен кез келет", — деп айтылат видеодо.

Роликте байкалгандай, Шевченконун машыгуусу Невада штатында Боулдер Сити шаарында өткөн. Бул болжол менен Лас-Вегастын түштүк-чыгыш тарабынан 40 чакырым аралыкта жайгашкан.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилле шаарында өтүүчү UFC 261 турниринде беттешет.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Мушкерлер кечесине COVID-19 пандемиясы башталгандан бери алгачкы ирет көрүүчүлөр киргизилет. Алардын саны чектелбейт. Март айынын соңунда UFC башчысы 15 миң көрүүчү катышчу спорттук иш-чаранын билеттери бир нече мүнөттөрдө эле сатылып кеткенин айткан.

Белгилер:
видео, Жессика Андраде, беттешүү, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу