Тамеки. Архив

Албаниялык киши кесилген бутунун сүрөтүн тамекинин сыртынан көрүп шок болду

289
(жаңыланган 14:26 19.07.2019)
Ал бутунан чылымдын айынан эмес, бирөөлөр кол салгандан кийин жоготуп алганын айтат. 

БИШКЕК, 19-июл. — Sputnik. Франциянын чыгышында жашаган 60 жаштагы албаниялык жаран тамекинин кутучасынын сыртынан өзүнөн ампутацияланган бутунун сүрөтүн көрүп алып шок абалында калган.

ВВС жазганына караганда, сүрөт Европа биримдигине кирген өлкөлөрдүн аймагында сатылчу тамекинин кутучасына колдонулган. Анда "Чылым чегүү кан тамырлардын ишин начарлатат" деп жазылган. Аны бутсуз калган албаниялыктан уулу Люксембургда жүрүп, тамеки сатып алганда байкап калган.

Өзүнүн айтымында, бутунан чылымдын айынан эмес, 1997-жылы мекенинде жүргөндө кол салуудан улам ажыраган. 

Жабырлануучунун жактоочусу сүрөт чылымдын кутусунда кандайча пайда болгонун билүү үчүн Европа комиссиясына кат жолдоду. Анткени ал эч качан бул сүрөттү кайсы бир жерге жарыялоого ураксат берген эмес. Өзүнүн божомолунда кадр ал бутунан ажыраган кезде кайрылган ооруканада жасалышы мүмкүн.

289
Белгилер:
чылым, Сүрөт, бут, Франция
Тема боюнча
АКШ сенатору: Россиянын FaceApp тиркемеси улуттук коопсуздукка коркунуч жаратат
Кардиограмма. Архив

Жүрөккө кайсы витамин пайдалуу экендиги айтылды. Изилдөө

164
(жаңыланган 09:44 05.07.2020)
Атайын жүргүзүлгөн изилдөөдө D витамининин концентрациясы нормадан ылдый болгондордо инфаркт жана инсульт менен жабыркагандар көп аныкталган.

БИШКЕК, 5-июл. — Sputnik. Адамдын организминде D витаминдин жетишсиздиги жүрөк-кан тамыр ооруларын өөрчүтөт. Бул тууралуу Известия кардиолог жана терапевт дарыгер Ирина Мурадянга шилтеме кылып жазып чыкты.

"D витамини жүрөк-кан тамыр ооруларын алдын алат. Андан сырткары артериалдык гипертензия кооптуулугунун жаралбашына шарт түзөт", — деген адис.

Окумуштуулар 100 жашка чейин өмүр сүрүүнүн сырларын айтып беришти

Окумуштуулар 18 жаштан жогору курактагы 16 миңден ашык киши катышкан изилдөө жүргүзгөн. Анын жыйынтыгында организминде D витаминдин аралашмасы адаттагы калыбынан ылдый болгондордо инфаркт жана инсульт көп кездешери аныкталган.

164
Белгилер:
кан тамыр, жүрөк, изилдөө, витамин, медицина
Тема боюнча
Окумуштуулар 100 жашка чейин өмүр сүрүүнүн сырларын айтып беришти
Россияда COVID-19га каршы вакцинаны сайдыргандардын абалы айтылды
Россиянын президенти Владимир Путин. Архив

Песков Путиндин "унутуп калган" көйнөгүн саткан жарнама боюнча айтып берди

331
(жаңыланган 20:33 04.07.2020)
Жарнамада көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган.

БИШКЕК, 4-июл. — Sputnik. Интернеттеги "Россия президенти Владимир Путиндин унутуп таштап кеткен көйнөгү сатылат" деген кабарга лидердин маалымат катчысы Дмитрий Песков комментарий берип, ага ишенбеш керектигин айтты. Бул тууралуу РИА Новости жазды.

Элге белгилүү болгон сайттардын бирине "Нижний Новгород аймагындагы Sheraton мейманканасына президент Путиндин унутуп таштап кеткен көйнөгү сатылат" деген жарнама чыккан. Анда көйнөк отелдин номерин тазалап жатканда табылгандыгы, бирок андан кийин атайын жуулбагандыгы, эгерде керек болсо сатуучу аны экспертизага берүүгө даяр экендиги айтылган. Көйнөк 165 миң рублга бааланган. Путин аталган шаарда соңку ирет 2019-жылдын 10-ноябрында Дене тарбия жана спортту өнүктүрүү боюнча президенттин алдындагы кеңештин отурумуна катышкан.

Путин жыйында калемин столго ыргытып жиберип, министрлерден отчёт сурады. Видео

Сатуучу көйнөк дагы деле сатыкта экендигин айткан. Анын сөзүнө караганда, "кийимдин президентке таандык экендиги боюнча жазылган эч кандай атрибуттар жок, бирок зарыл болсо ДНК-экспертизага берүүгө даяр".

Песков мындай кулактандырууларга ишене берүүгө болбой тургандыгын айткан.

"Жок. Андай болууга мүмкүн эмес", — деген ал көйнөк чын эле президентке таандык болушу мүмкүнбү деген суроого жооп берип жатып.

Путин буга чейин журналисттерге кабинетиндеги жашыруун бөлмөсүн көрсөтүп, ал ЖМКлардын эле эмес, коомчулуктун дагы кызыгуусун жараткан.

331
Белгилер:
отель, көйнөк, Владимир Путин, Россия
Тема боюнча
Путин кабинетиндеги жашыруун бөлмөсүн көрсөттү. Видео
Путин чүмбөттөлүп алып коронавируска кабылган жарандарын көрүп чыкты. Видео
Ооруканадагы бейтап жана дарыгер

Коронавирустан кечээтен бери 88 адам сакайып чыкты

15
(жаңыланган 10:35 05.07.2020)
Акыркы убакта Кыргызстанда эпидемиологиялык кырдаал кескин начарлап кетти. Мындан улам бардык аймактарга чектөөлөр киргизилүүдө.

БИШКЕК, 5-июл. — Sputnik. Бир сутка ичинде коронавирустан 88 адам айыгып үйүнө чыгарылганын Респубикалык штаб билдирди. 

Бишкек шаарында 31, Чүй облусунда сегиз, Ош шаарындан 30, Ош облусунда 14, Нарын облусунда төрт, Жалал-Абадда бир киши айыкты.

Ушуну менен республика боюнча жалпы 2 802 бейтап сакайып ооруканадан чыгарылды.

15
Белгилер:
айыгуу, бейтап, Кыргызстан, коронавирус, штаб