Киши. Архивдик сүрөт

Стресс менен күрөшүүгө жардам бере турчу өсүмдүк аталды

862
(жаңыланган 09:36 23.07.2019)
Диетологдун айтымында, тамак-аштын курамындагы көк чөптөр организмдеги туздун санын азайтып, жүрөк-кан тамыр илдеттеринин алдын алууга жардам берет.

БИШКЕК, 23-июл. — Sputnik. Тамакка кошулган жашыл буурчак денени чымыр кармап, организмди ар кандай оорулардан сактайт. Бул туурасында "Известия" басылмасы Москванын башкы диетологу Антонина Стародубовага шилтеме берип жазды.

"Буурчактын курамындагы В витамини жана магний нерв системасынын иштешин жакшыртып, стресске кабылгандардын кайратын бекемдейт", — деп айтылат.

Адис жай айы көк чөптөр менен иммунитетти көтөрүү үчүн ыңгайлуу учур экендигин белгилеп, петрушка, ашкөк, көк пияз, кинза, сельдерей жана салат жалбырагын колдонууну сунуштаган.

Диетологдун айтымында, тамак-аштын курамындагы көк чөптөр организмдеги туздун санын азайтып, жүрөк-кан тамыр илдеттеринин алдын алууга жардам берет.

Ошондой эле Стародубова арыктайм дегендерге клетчаткага, B, С витаминдерине, фосфор, марганец, кальций жана калийге бай кабачокту сунуштаган.

862
Белгилер:
жем-чөп, төө буурчак, витамин, стресс
Тема боюнча
Стресс менен күрөшүүгө жардам бере турчу өсүмдүк аталды
Аялдар эмнеге стресс болот? Окумуштуулар негизги себеби тууралуу
Чала уйку менен иштеги стресс адамдын кайсы органын жабыркатары айтылды
Ооруканада медициналык кызматкер. Архив

Америка ДССУну каржылоодон баш тартса ким жабыркай турганы айтылды

13
(жаңыланган 17:54 26.05.2020)
Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

БИШКЕК, 26-май — Sputnik. АКШнын Дүйнөлүк саламаттыкты сактоо уюмун (ДССУ) каржылоодон баш тартышы Африка өлкөлөрүнө пандемия менен күрөштө терс таасирин тийгизет. Бул тууралуу ДССУнун Африкадагы өкүлү Михель Яого таянып РИА Новости жазды.

Буга чейин АКШ президенти Дональд Трамп аталган уюмдун директору Тедрос Адханомго 30 күн ичинде ДССУ  Кошмо Штаттар талап кылып жаткан реформаларды ишке ашырбаса, уюмга акча бөлүүнү токтото турганын билдирген. Ошондой эле мүчөлүктөн чыгып кетерин дагы айткан. Президенттин пикиринде, уюм коронавирус пандемиясына жетиштүү тез реакция кылган эмес.

"Азыр ушул сыяктуу төлөмдөрдөн баш тарта турган убакыт эмес. Тетиринче, тилектештик керек. Балким, өнүккөн өлкөлөр ДССУга көп муктаж эместир, бирок биздин континент үчүн уюм абдан керек. Бизде азыр узакка созулган кризисти баштан кечирип жаткан өлкөлөр бар", — деди Яо.

Анын айтымында, учурда Африка өлкөлөрүнүн саламаттык сактоо тармагына колдоо катары түшкөн каражаттын 80 пайызы ДССУдан келет. Ал эми АКШнын андагы үлүшү 20 пайызды түзөт.

"Бул бюджеттин кыскартылышы, албетте, бизге абдан эле сезилээрлик болот. АКШнын салымы биз үчүн өтө маанилүү", — деди Яо.

Ошондой эле бул көйгөй учурда коронавирус инфекциясы менен күрөшүп жаткан медиктерге дагы терс таасирин тийгизиши ыктымал. Алардан тышкары Африкада безгек, Эбола сыяктуу өлүмгө алып келген илдеттер көп.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 26-майга карата дүйнө жүзү боюнча коронавирус жуктургандардын саны 5 515 109га жетти.

13
Белгилер:
пандемия, коронавирус, каржылоо, Африка, АКШ
Тема:
Кытайдагы жаңы типтеги коронавирус
Тема боюнча
ДССУ коронавируска каршы препаратты сыноону токтотту. Аны КР дагы алган
ДССУ коронавирустун экинчи толкуну болорун божомолдоду
Facebook соцтармагынын логотиби. Архивдик сүрөт

Facebook кызматкерлеринин теңин аралыктан иштөөгө өткөрмөкчү

14
(жаңыланган 17:33 26.05.2020)
Цукерберг белгилегендей, дистанттык вакансияларды түзүү Facebook компаниясына башка шаарлардан жана өлкөлөрдөн таланттуу адамдарды тартууга мүмкүндүк берет.

БИШКЕК, 26-май — Sputnik. Жакынкы бир нече жылда Facebook 48 миң кызматкеринин жарымын дайыма аралыктан иштегенге өткөрөт. Бул тууралуу компаниянын директору Марк Цукерберг жумушчулары менен жолукканда билдиргенин The New York Times жазды.

Ошондой эле ал бул тууралуу The Verge гезитине берген маегинде да айткан.

Цукербергдин айтымында, учурда Facebook кызматкерлеринин 40 пайызы үйдөн иштөө каалоосун билдиришкен.

"Албетте, COVID-19 биздин жашообузду, ишибизди бир топ өзгөрттү. Бул мезгилден кийин аралыкта иштөө тенденцияга айланат деп ишенем", — деген компаниянын башчысы.

Цукерберг белгилегендей, дистанттык вакансияларды түзүү Facebook компаниясына башка шаарлардан жана өлкөлөрдөн таланттуу адамдарды тартууга мүмкүндүк берет. Себеби бардык эле киши жумуш үчүн жер которгусу келбейт.

Бирок алгач Американын жер-жерлериндеги улук инженерлерди аралыктан иштөөгө штатка алышат. Ал эми компаниянын учурдагы айрым кызматкерлери, тагыраагы, жогорку көрсөткүчкө ээ болгондору гана пандемиядан кийин алыстан эмгектенет. Убакыттын өтүшү менен жумуштун бул түрүн башка бөлүмдөрдө жайылтышат.

Facebook сырттан иштей турчуларды 2021-жылдын 1-январына чейин тизмектейт. Алардын жашаган жерине жараша эмгек акы менен компенсациялары өзгөртүлүшү мүмкүн.

14
Белгилер:
эл аралык укук, иш, кызматкер, Марк Цукерберг, Facebook
Тема боюнча
АКШ соту Facebook компаниясын 5 млрд. доллар айыпка жыкты. Себеби
Ош базарынын айланасындагы унаалар. Архивдик сүрөт

Бишкекте муниципалдык унаа токтотуучу жайлар иштей баштады. Тизме

0
(жаңыланган 18:09 26.05.2020)
Шаардын көчөлөрүнөн унаа токтотуучу жайларды, биринчиден, белгиге карап билсе болот. Экинчиден, ал жактарда кызгылт сары түстөгү атайын кийим кийген кызматкерлер турат.

БИШКЕК, 26-май — Sputnik. Борбор калаада муниципалдык унаа токтотуучу жайлар иштей баштады. Бул тууралуу мэриянын маалымат кызматы кабарлады.

Билдирмеге ылайык, коронавирустун айынан киргизилген карантинден улам кызматкерлер үйдө болуп, убактылуу унаа токтотуучу жайларга акы алынбай эле турган.

Муниципалдык унаа токтотуучу жайлардын тизмеси:

Ош базарынын айланасы

  • Бейшеналиев көчөсүнүн Москва көчөсүнөн Чүй проспектисине чейинки бөлүгү;
  • Кулиев көчөсүнүн Токтогулдан Киев көчөсүнө чейинки бөлүгү;
  • Токтогул көчөсүнүн Жаш гвардия бульварынан "Ала-Арча" суусуна чейинки бөлүгү;
  • Киев көчөсүнүн Жаш Гвардия бульварынан Кулиев көчөсүнө чейинки бөлүгү;
  • Павлов көчөсүнүн Чүй проспектиси менен Киев көчөсүнө чейинки бөлүгү;

Орто-Сай базары

  • Суеркулов көчөсүнүн Жукеев-Пудовкинден Юнусалиев көчөсүнө чейинки бөлүгү;
  • Юнусалиев көчөсүнүн Суеркуловдон Безымянный көчөсүнө чейинки бөлүгү;
  • Жукеев-Пудовкин көчөсүнүн Безымянныйдан Суеркулов көчөсүнө чейинки бөлүгү;

"Эски толчок" базары

  • Орозбеков көчөсүнүн Фере көчөсүнөн Можайский кууш жолуна чейинки бөлүгү;

"Комфорт" базары

  • Ибраимов көчөсүнүн Москвадан Токтогул көчөсүнө чейинки бөлүгү;
  • Кулатов көчөсүнүн Ибраимовдон Матросов көчөсүнө чейинки бөлүгү (Май-сыр базасы);
  • Сүйүмбаев көчөсүнүн Чүй проспектисинен Огонбаев көчөсүнө чейинки бөлүгү;
  • Огомбаев көчөсүнүн Гоголдон Сүйүмбаев көчөсүнө чейинки бөлүгү;

"Сары-Өзөн" базары

  • Клубный кууш жолу.

"Бул жерлерде "унаа токтотууга болот" деген белгилер бар. Мындан тышкары кызматкерлерибиз атайын тигилген кызгылт сары түстөгү "Бишкектин унаа токтотуучу жайлары" деген жазуусу бар кийимчен болушат. Ошондой эле бейджик тагынып, акы төлөгөндүгү тууралуу талон беришет. Талондун баасы турган убактысына карабай 25 сом", — деп айтылат маалыматта.

Эске салсак, 25-майдан тарта борбор калаада бардык базарлар иштей баштаган.

0
Белгилер:
көчө, белги, унаа токтотуучу жай, Бишкек
Тема боюнча
Кангелдиева: Бишкекке 45 көп кабаттуу унаа токтотуучу жай курулат